Անդրանիկ Կարապետյան (ծանրամարտիկ)
Այս հոդվածը ծանրամարտիկի մասին է։ Այս անունը կրող այլ անձանց համար այցելեք Անդրանիկ Կարապետյան (այլ կիրառումներ)։
| Անդրանիկ Համլետի Կարապետյան | |
|---|---|
| Անձնական տեղեկություն | |
| Սեռ՝ | արական |
| Ազգություն՝ | հայ |
| Մասնագիտացում՝ | ծանրամարտիկ |
| Երկիր՝ |  Հայաստան |
| Ծննդյան ամսաթիվ՝ | դեկտեմբերի 15, 1995 (28 տարեկան) |
| Ծննդավայր՝ | Հայաստան, Գեղակերտ |
| 167 սանտիմետր | |
| Քաշ՝ | 77 կգ |
Անդրանիկ Համլետի Կարապետյան (դեկտեմբերի 15, 1995, Վաղարշապատ, Արմավիրի մարզ, Հայաստան), հայ ծանրամարտիկ։ Հայաստանի, Ծանրամարտի Եվրոպայի առաջնություն մեծահասակների առաջնությունների չեմպիոն, աշխարհի երիտասարդական առաջնության չեմպիոն։
Կենսագրություն[խմբագրել | խմբագրել կոդը]
Անդրանիկ Կարապետյանը ծնվել է Գեղակերտ գյուղում 1995 թվականի դեկտեմբերի 15-ին։ Հայ ծանրորդ, ով Սևան մարզական միության սան է։ Մարզական միջազգային կարիերան սկսել է 2011 թվականին՝ պատանեկական աշխարհի առաջնությանում, տղամարդկանց 62 կգ քաշային կարգում և գրավել է 3-րդ հորիզոնականը (120+135)[1] նույն թվականին մասնակցել է Եվրոպայի պատանեկական առաջնությանը՝ նորից գրավելով 3-հորիզոնական, սակայն արդեն 69 քաշային կարգում (130+153)[2]։ 2012 թվականին հաջորդաբար մասնակցելով նույն մրցումներին[3]՝ տղամարդկանց 77 կգ քաշային կարգում գրավեց 1-ին հորիզոնականը[4]։ 2013 թվականի դառնալով չափահաս՝ մասնակցում է Մեծահասակների Եվրոպայի[5] և Երիտասարդների աշխարհի[6] առաջնություններին, սակայն ոչինչ չի ստացվում․ երկու մրցաշարում էլ զրո է ստանում։ Մեկ տարի դադարից հետո՝ 2015 թվականին, մասնակցում է Մեծահասակների Եվրոպայի առաջնությանը, զբաղեցնում 3-րդ հորիզոնականը (164+186)[7], այնուհետև մասնակցում է Երիտասարդների աշխարհի առաջնությանը, գրավում է 1-ին պատվավոր հորիզոնականը[8]։ 2015 թվականի վերջին միջազգային մրցումներում՝ Ծանրամարտի աշխարհի առաջնությանը, գրավեց 4-րդ հորիզոնականը (167+196)[9]։ Սակայն Համաշխարհային հակադոպինգային կազմակերպությունը (WADA) խախտումներ էր գրանցել 2016 թվականի գարնանային ստուգումների ժամանակ, և դրանց մեջ կար նաև 77 կգ քաշային կարգի փոխչեմպիոն, Հյուսիսային Կորեան ներկայացնող Կիմ Կվանգ Սոնգը, ում որակազրկման պատճառով Անդրանիկ Կարապետյանը երկամարտի 363 կգ արդյունքով արժանացել է աշխարհի առաջնության բրոնզե մեդալի[10]։ 2016 թվականին մասնակցում է Եվրոպայի առաջնությանը և դառնում միանձնյա չեմպիոն (170+197)[11]: Հայ ծանրորդը, մասնակցելով 31-րդ ամառային Օլիմպիական խաղերին, պոկում վարժությունում նախ գլխավերևում պահում է 170 կգ, հետո՝ 174 կգ կշռող ծանրաձողը, սակայն չի բարձրացնում 176 կգ կշռող ծանրաձողը։ Նույն վարժությունում Օլիմպիական խաղերի ռեկորդ է սահմանում Չինաստանի ներկայացուցիչ Խիաուջունը՝ 177 կգ։
Հրում վարժությունում Կարապետյանն առաջին մոտեցման ժամանակ չի բարձրացնում 195 կգ և երկրորդ մոտեցման ժամանակ Կարապետյանը ծանրաձողը բարձրացնելիս, վնասվածք է ստանում և հրաժարվում հետագա պայքարից[12]։ 2017 թվականի Եվրոպայի առաջնության ժամանակ Անդրանիկը մասնակցում է 85 կգ քաշային կարգում՝ հանդես գալով «B» խմբում, գրավում է 12֊րդ հորզոնականը (160+165)[13]:
Ծանոթագրություններ[խմբագրել | խմբագրել կոդը]
- ↑ «2011 IWF YOUTH WORLD CHAMPIONSHIPS». Արխիվացված է օրիգինալից 2012 թ․ օգոստոսի 1-ին. Վերցված է 2016 թ․ ապրիլի 30-ին.
- ↑ «EUROPEAN YOUTH CHAMPIONSHIPS». Արխիվացված է օրիգինալից 2016 թ․ մարտի 15-ին. Վերցված է 2016 թ․ ապրիլի 30-ին.
- ↑ «2012 IWF YOUTH WORLD CHAMPIONSHIPS». Արխիվացված է օրիգինալից 2014 թ․ դեկտեմբերի 27-ին. Վերցված է 2016 թ․ ապրիլի 30-ին.
- ↑ «EUROPEAN YOUTH CHAMPIONSHIPS». Արխիվացված է օրիգինալից 2014 թ․ դեկտեմբերի 27-ին. Վերցված է 2016 թ․ ապրիլի 30-ին.
- ↑ «EUROPEAN CHAMPIONSHIPS». Արխիվացված է օրիգինալից 2017 թ․ մարտի 22-ին. Վերցված է 2016 թ․ ապրիլի 30-ին.
- ↑ «2013 IWF JUNIOR WORLD CHAMPIONSHIPS». Արխիվացված է օրիգինալից 2017 թ․ մարտի 22-ին. Վերցված է 2016 թ․ ապրիլի 30-ին.
- ↑ «EUROPEAN CHAMPIONSHIPS». Արխիվացված է օրիգինալից 2017 թ․ մարտի 22-ին. Վերցված է 2016 թ․ ապրիլի 30-ին.
- ↑ «2015 IWF JUNIOR WORLD CHAMPIONSHIPS». Արխիվացված է օրիգինալից 2015 թ․ հուլիսի 3-ին. Վերցված է 2016 թ․ ապրիլի 30-ին.
- ↑ «2015 IWF WORLD CHAMPIONSHIPS». Արխիվացված է օրիգինալից 2019 թ․ ապրիլի 3-ին. Վերցված է 2016 թ․ ապրիլի 30-ին.
- ↑ «Results by Events | International Weightlifting Federation». www.iwf.net. Արխիվացված է օրիգինալից 2019 թ․ ապրիլի 3-ին. Վերցված է 2016 թ․ հունիսի 28-ին.
- ↑ «2016 EUROPEAN CHAMPIONSHIPS». Արխիվացված է օրիգինալից 2021 թ․ հունվարի 27-ին. Վերցված է 2016 թ․ ապրիլի 30-ին.
- ↑ «XXXI OLYMPIC GAMES». Արխիվացված է օրիգինալից 2016 թ․ դեկտեմբերի 29-ին. Վերցված է 2016 թ․ օգոստոսի 29-ին.
- ↑ «EUROPEAN CHAMPIONSHIPS». Արխիվացված է օրիգինալից 2017 թ․ ապրիլի 19-ին. Վերցված է 2017 թ․ ապրիլի 22-ին.