Ամբարիշ (դերասան)
 կան. ಅಂಬರೀಶ್ | |
|---|---|
 | |
| Ծնվել է | մայիսի 29, 1952 |
| Ծննդավայր | Մանդյա, Մայսուր, Հնդկաստան |
| Մահացել է | նոյեմբերի 24, 2018 (66 տարեկան) |
| Մահվան վայր | Բանդալոր, Հնդկաստան |
| Քաղաքացիություն |  Հնդկաստան |
| Մասնագիտություն | քաղաքական գործիչ և դերասան |
| Ամուսին(ներ) | Sumalata? |
| Պարգևներ և մրցանակներ | |
Մալավալլի Հուչե Գովդա Ամարնաթ (անգլ.՝ Malavalli Huchche Gowda Amarnath, մայիսի 29, 1952, Մանդյա, Մայսուր, Հնդկաստան - նոյեմբերի 24, 2018, Բանդալոր, Հնդկաստան), հայտնի է Ամբարիշ կեղծանվամբ (կան. ಅಂಬರೀಶ್), հնդիկ դերասան և Կառնատակա նահանգի քաղաքական գործիչ։ Իր դերասանական կարիերայի 44 տարիների ընթացքում նա խաղացել է շուրջ 250 ֆիլմում։ Ռաջկումարի և Վիշնուվարդհանի հետ ներառվել է կաննադա լեզվով կինոյի ամենահայտնի դերասանների «Տրիումվիրատում»[2][3]։
Կենսագրություն[խմբագրել | խմբագրել կոդը]
Ծնվել է 1952 թվականի մայիսի 29-ին Մայսուր նահանգի (այժմ՝ Կառնատակա) Մանդյա շրջանի Դոդարասինակեր գյուղում, ի ծնե ունեցել է Մալավալլի Հուչե Գովդա Ամարնաթ անունը[4]։ Ընտանիքում վեցերորդ երեխան էր և ջութակահար Չոուդիայի ազգական-թոռնիկն էր[5]։ Ամբարիշն ավարտել է Մանդյայի դպրոցը, որից հետո հետագա ուսման համար տեղափոխվել է Մայսուր[6]։
Այնտեղ նրան նկատել է ռեժիսոր Պուտանա Կանագալը, որն իր ապագա ֆիլմի չարագործի կերպարի համար նոր դերասան էր փնտրում։ Նրա մտերիմ ընկերներից մեկը խորհուրդ է տվել դերասանին ունկնդրումների համար վերցնել կեղծանուն։ Ունկնդրումների ժամանակ նրան խնդրել են քայլել որոշակի ձևով, երկխոսություն վարել և ծխախոտը պահել բերանում, որից հետո ռեժիսորը նրան դեր է տվել է 1972 թվականի Naagarahaavu ֆիլմում, որում կրկին առաջին անգամ հանդես է եկել Վիշնուվարդհանը, որը հետո դարձել է այդ նույն կինոարդյունաբերության աստղ։ Ամբարիշի կինոգործունեությունն սկսվել է անտագոնիստական և երկրորդական կերպարներով։ Շահութային առումով հաջողված ֆիլմերում խռովարարների կերպարների համար նա վաստակել է «ապստամբ աստղ» մականունը[4][6]։ Նրա մյուս մականունը «Մանդայգա Գանդու» (Մանդի մարդ) էր[7]։ Նրա հայտնի ֆիլմերից են՝ Shubhamangala, Antha, Chakravyuha, Masanada Hoovu, Olavina Udugere, Hrudaya Haadithu, Odahuttidavaru, Diggajaru և Elu Suttina Kote[8]։ Ամբարիշի և Լակշմիի դերակատարումներով «Antha» (1981) քաղաքական սատիրան լուրջ ոստիկանի պատմություն է, որը պայքարում է հասարակության մեջ կոռուպցիայի դեմ։ Այս ֆիլմը ժամանակին գրավել էր գրաքննության ուշադրությունը՝ չափազանց դաժան բովանդակության պատճառով[9]։
Բացի Կարնատակ նահանգի և Filmfare Awards South մրցանակաբաշխության մի քանի կինոմրցանակներ շահելուց բացի Ամբարիշին 2013 թվականին շնորհվել է Կառնատակայի համալսարանի պատվավոր դոկտորի կոչում[10]։ Նա նաև արժանացել է Filmfare Lifetime Achievement Award — South և Dr. Vishnuvardhan Award մրցանակների. բոլորն ստացել է կինոյում մեծ ներդրումների և նվաճումների համար[5][11]։
1994 թվականին օրենսդրական ընտրությունների նախօրեին Ամբարիշը միացել է Հնդկական ազգային կոնգրես (ՀԱԿ) կուսակցությանը՝ մասնակցելով կուսակցության նախընտրական քարոզարշավին։ Այնուամենայնիվ, նա կուսակցությունից երկու տարի անց դուրս է եկել, երբ նրան մերժել են 1996 թվականի համապետական ընտրություններին մասնակցելու տոմսը։ Հետագայում նա միացել է Ջանաթա Դալին և 1998 թվակականին հաղթել է Մանդիի ընտրություններում։ Հետագայում նա վերամիացել է ՀԱԿ-ին, որպեսզի ներկայացնի Լոկ Սաբհե ընտրատեղամասը ևս երկու ժամանակահատված[4][9]։ Իր երրորդ ժամկետի ընթացքում նա կարճ ժամանակում զբաղեցրել է տեղեկատվության և հեռահաղորդակցման պետական նախարարի պաշտոնը 2006 թվականի հոկտեմբերից մինչև 2007 թվականի փետրվարը՝ Մանմոհան Սինգհի առաջին ժամկետի ընթացքում։ 2013 թվականի մայիսից մինչև 2016 թվականի հունիսը նա Սիդարամայի աշխատակազմում եղել է Կառնատակայի նահանգի պետական օրենսդրական ժողովի անդամի և Բնակարանաշինության նախարարի պաշտոնում[12], մինչև վերջինս աշխատանքից հեռացրել է նրան և 13 այլ նախարարների՝ նախարարություններում տեղի ունեցած վերադասավորումների պատճառով[8]։
Անձնական կյանք[խմբագրել | խմբագրել կոդը]
Ամբարիշը ամուսնացել է 1991 թվականի դեկտեմբերի 8-ին դերասանուհի Սումալթհայի հետ։ Զույգը ունի տղա՝ Աբհիշեկը[5], որը 2019 թվականին առաջին անգամ հանդես է եկել Amar ֆիլմում։
2014 թվականից դերասանը տառապել է շնչառական խնդիրներով[11]։ 2018 թվականի նոյեմբերի 24-ին նրան գտել են անգիտակից Բանգալորի հարավային արվարձաններում գտնվող նրա տանը։ Նրան տեղափոխել են հիվանդանոց. չնայած ջանքերին՝ Ամբարիշը մահացած է համարվել ժամը 22։15-ին[8]։
Ծանոթագրություններ[խմբագրել | խմբագրել կոդը]
- ↑ https://timesofindia.indiatimes.com/city/bengaluru/kannada-actor-former-union-minister-ambareesh-dies-in-bengaluru-hospital/articleshow/66789564.cms
- ↑ Khajane Muralidhara (2018-11-25)։ «Ambareesh was Kannada industry’s troubleshooter»։ The Hindu (անգլերեն)։ Վերցված է 2018-11-29
- ↑ «Congress loses 2 stalwarts in Ambareesh and CK Jaffer Sharief»։ The Economic Times (անգլերեն)։ 2018-11-26։ Վերցված է 2018-11-29
- ↑ 4,0 4,1 4,2 «Who was Ambareesh?»։ Indian Express (անգլերեն)։ 2018-11-25։ Վերցված է 2019-02-19
- ↑ 5,0 5,1 5,2 «Rebel star Ambareesh dies of cardiac arrest in Bengaluru»։ New Indian Express (անգլերեն)։ 2018-11-24։ Վերցված է 2019-02-19
- ↑ 6,0 6,1 «When 'Rebel Star' rewinds past days in Mysore»։ Deccan Herald (անգլերեն)։ 2014-09-20
- ↑ «‘Mandyada Gandu’ gets rousing welcome»։ The Hindu (անգլերեն)։ 2013-04-13
- ↑ 8,0 8,1 8,2 «Kannada actor-turned-politician Ambareesh dies at 66»։ Hindustan Times (անգլերեն)։ 2018-11-25։ Վերցված է 2019-03-02
- ↑ 9,0 9,1 «From angry young man in films to politician: Rebel Star Ambareesh's life in pics»։ The News Minute (անգլերեն)։ 2018-11-25։ Արխիվացված է օրիգինալից 2018-11-26-ին
- ↑ «Ambareesh gets a doctorate degree»։ The Times of India (անգլերեն)։ 2013-02-17
- ↑ 11,0 11,1 «Kannada actor, former Union minister Ambareesh dies in Bengaluru hospital»։ The Times of India (անգլերեն)։ 2018-11-25։ Վերցված է 2018-11-25
- ↑ «Karnataka cabinet reshuffle: Ambareesh resigns as MLA after being dropped as Housing Minister»։ Daily News and Analysis (անգլերեն)։ 2016-06-20։ Վերցված է 2018-11-26
|
