Ամառվա վերջին

Ամառվա վերջին ռուս.՝ На исходе лета
Երկիր	ԽՍՀՄ
Ժանր	դրամա
Թվական	1979
Լեզու	ռուսերեն
Ռեժիսոր	Ռուբեն Մուրադյան
Դերակատարներ	Լեոնիդ Օբոլենսկի
Կինոընկերություն	Սվերդլովսկի կինոընկերություն

«Ամառվա վերջին» (ռուս.՝ «На исходе лета»), խորհրդային գեղարվեստական ֆիլմ, որը նկարահանել է ռեժիսոր Ռուբեն Մուրադյանը։

Սյուժե

Գրականության նախկին ուսուցիչ Անդրեյ Աֆանասևիչ Վեդենեևն արդեն 80 տարեկան է։ Նա հնագույն ժամացույցների մեծ գիտակ է և նրա հավաքածուում, որը նա հավաքել է իր ողջ կյանքի ընթացքում, կա ամեն ինչ՝ ձեռքի և գրպանի ժամացույցներից մինչև պատի և հատակին դրվող ժամացույցներ։ Որդին ծերունուն և նրա հավաքածուն տեղափոխում է մի փոքր գավառական քաղաք։ Բայց այստեղ Անդրեյ Աֆանասևչը ոչ ոքի պետք չէ, և որդին սկսում է մտածել հորը ծերանոց հանձնելու և նրա հավաքածուն վաճառելու մասին։ Սակայն պարզվում է, որ պապի ճակատագրի նկատմամբ անտարբեր չեն երկու մարդ՝ նրա թոռը և երիտասարդ բուժքույրը՝ նրա ընկերուհին։

Դերերում

• Լեոնիդ Օբոլենսկի – Անդրեյ Աֆանասևիչ Վեդենեև
• Վլադիմիր Բորիսով – Յուրա, նրա թոռը
• Մարինա Դյուժևա – Վերա, բուժքույր
• Իգոր Դմիտրիև – Անտոն Անդրեևիչ, Անդրեյ Աֆանասևիչի որդին
• Նինա Վեսելովսկայա – Օլգա, Անտոն Անդրեևիչի կինը
• Վյաչեսլավ Շալևիչ – Եվգենի Իվանովիչ, գործարար
• Անտանաս Գաբրենաս – Արթուր Յանովիչ
• Ալեքսեյ Բազլո – Սազոնով

Նկարահանող խումբ

• Սցենարի հեղինակներ՝ Սեմյոն Լասկին, Հենրիխ Ռյաբկին
• Ռեժիսոր՝ Ռուբեն Մուրադյան
• Օպերատորներ՝ Նիկոլայ Գայլ, Եվգենի Բերկուտ
• Կոմպոզիտոր՝ Էդուարդ Խաղագորտյան

Տեխնիկական տվյալներ

• Գունավոր, հնչուն

Մրցանակներ և անվանակարգեր

• Լեոնիդ Օբոլենսկին ստացել է «Մոնտե Կառլոյի ոսկե պսակ» մրցանակը տղամարդու լավագույն դերակատարման համար։

Լրացուցիչ տեղեկություններ

• Ֆիլմում հնչում են Ֆ․ Տյուտչևի, Ա. Ֆետի, Ե․ Բարատինսկու բանաստեղծությունները