Ալֆան

Ալֆան
Քիմիական հատկություններ
Եթե հատուկ նշված չէ, ապա բոլոր արժեքները բերված են ստանդարտ պայմանների համար (25 °C, 100 կՊա)

Ալֆան, քիմիական պատրաստուկ, միջատասպան-տզասպան։ Ազդող նյութը՝ ալֆացիպերմետրին։ Թողարկվում է 100 գ/լ խտությամբ էմուլսիայի ձևով։

Կիրառություն

Կիրառվում է լվիճների, լվիկների, թրիպսների, ցիկադների, երկարակնճիթների, մլուկների և այլնի դեմ՝ սրսկումների ձևով։ Պատրաստուկի ծախսի չափաքանակը (լ/հա)՝ հացահատիկայինների վնասատուների (լվիճներ, ցիկադներ, թրիպսներ, տզրուկաթրթուր) համար՝ 0,1–0,15, ոլոռի (ոլոռի ընդակեր, լվիճներ)՝ 0,1, կարտոֆիլի (կոլորադյան բզեզ)՝ 0,07–0,1, առվույտի (սերմնադաշտերում երկարակնճիթներ, լվիճներ, մլուկներ)՝ 0,2, շաքարի ճակնդեղի (երկարակնճիթներ, ականող ճանճեր)՝ 0,2–0,3: Մշակումներն իրականացվում են վեգետացիայի ընթացքում, վերջինը բերքահավաքից՝ հացահատիկայինների համար՝ 20, ոլոռի՝ 20, կարտոֆիլի՝ 21, շաքարի ճակնդեղի՝ 45 օր առաջ։ Մշակումների առավելագույն քանակը հացահատիկայինների համար՝ 2, ոլոռի՝1, կարտոֆիլի՝ 2, շաքարի ճակնդեղի՝ 1 անգամ։

Ծանոթագրություններ

Այս հոդվածի կամ նրա բաժնի որոշակի հատված վերցված է «Գյուղատնտեսական հանրագիտարանից», որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։