Ալյումինագործների ավան

Վիքիպեդիայից՝ ազատ հանրագիտարանից
Jump to navigation Jump to search
Museum Silhouette.svg
Ալյումինագործների ավան
Каменск-Уральский, улица Алюминиевая, 12.jpg
ՏեսակՌԴ մշակութային ժառանգության օբյեկտ
ԵրկիրFlag of Russia.svg Ռուսաստան
ՏեղագրությունԿամենսկ-Ուրալսկի
Ճարտարապետական ոճԿոնստրուկտիվիզմ
Հիմնադրված է1937
Ժառանգության կարգավիճակՌԴ մշակութային ժառանգության օբյեկտ
Կոորդինատներ: 56°22′58.00000010081″ հս․ լ. 61°58′11.000000099212″ ավ. ե. / 56.3827777778057779° հս․. լ. 61.96972222224977855° ավ. ե. / 56.3827777778057779; 61.96972222224977855

Ալյումինագործների ավան (ռուս.՝ Городок алюминщиков), բնակելի շենքերի համալիր Ռուսաստանի Սվերդլովսկի մարզի Կամենսկ-Ուրալսկի քաղաքում [1]։

Սվերդլովսկի մարզի կառավարության 2001 թվականի դեկտեմբերի 28-ի թիվ 859-ՊՊ որոշմամբ ավանին տրվել է տարածաշրջանային նշանակության ճարտարապետության հուշարձանի կարգավիճակ[2]։

Ճարտարապետություն[խմբագրել | խմբագրել կոդը]

Շենքերն ունեն քաղաքակազմավորող կարևոր նշանակություն, խորհրդային նեոդասականության ձևերով դեկորով կոնստրուկտիվիզմի ոգով կառուցված բնակելի շենքերի նմուշներ են։ Կենտրոնական բնակելի հատվածի համակառույցը 1930-ական թվականների սոցքաղաքի նմուշ է[3]։

1934 թվականին Լենինգրադի «Մոնտաժպրոյեկտալյումինի» նախագծային կազմակերպությունը մշակել է «Ուրալի ալյումինի կոմբինատի գլխավոր հատակագիծը 20 000 բնակիչների համար նախատեսված նրան հարող բանվորական ավանով»։ Համաձայն այդ նախագծի՝ սկսվել է թաղամասի կառուցապատումը առաջին բազմահարկ շենքերով։ Համակառույցը սկիզբ է դրել ՈՒԱԶ-ի սոցքաղաքի բնակելի շրջանի կենտրոնական մասի ստեղծմանը[1]։

Նախագծի հիմքում Եկատերինբուրգում (այն ժամանակ՝ Սվերդլովսկ) «Չեկիստների քաղաքի» նախագիծն է, որն արվել էր 1929 թվականին։ Համակառույցի կենտրոնական մասում պետք է լինեին սոցիալմշակութային և կենցաղային օբյեկտները, իսկ հյուսիսարևմտյան մասում՝ «Ամուրիների մասնաշենք» հանրակացարանը։ Նախագծում նախատեսված էր նաև բակի բարեկարգումը՝ շատրվաններ, փոքր ճարտարապետական ձևեր[1]։

Համակառույցը բաղկացած է չորս շենքից, որոնցից յուրաքանչյուրը բաժանված է երեք հինգհարկանի ծավալի, որոնք միանում են կողաճակատներով՝ շեղումով։ Շենքերի ճակատներն առանձնացված են ուղղահայաց ելուստներով, որոնցում տեղադրվել են աստիճանավանդակներն ու պատշգամբները։ Պատշգամբները միմյանց հետ հորինվածքով կապված են ուղղահայաց և հորիզոնական ուղղություններով։ Շենքերի Կամենսկայա և Ալյումինևայա փողոցների կողաճակատները զարդարում են երկրաչափական պատկերներով ծոփորները։ Շենքերի Շինարարների և Իսետսկայա փողոցների հարավային և արևելյան ճակատների վերին մասերը զարդարված են երկրաչափական նախշով[1]։

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 «Комплекс зданий "Городок алюминщиков", 1937 год»։ semantic.uraic.ru (ռուսերեն)։ Семантическая библиотека։ Վերցված է 2018-06-27 
  2. «Постановление Правительства Свердловской области № 859-ПП от 28 декабря 2001 года»։ docs.cntd.ru (ռուսերեն)։ Электронный фонд правовой и нормативно-технической документации։ Արխիվացված է օրիգինալից 2018-04-13-ին։ Վերցված է 2018-04-13 
  3. С.И. Гаврилова։ «Архитектура 30-х годов Красногорского района Каменска-Уральского»։ history-kamensk.ru (ռուսերեն)։ Каменск-Уральский. Страницы истории։ Արխիվացված է օրիգինալից 2018-04-13-ին։ Վերցված է 2018-06-27 

Գրականություն[խմբագրել | խմբագրել կոդը]

  • Свод памятников истории и культуры Свердловской области / ред. В.Е.Звагельская. — Екатеринбург: Сократ, 2008. — Т. 2. — С. 648. — ISBN 978-5-88664-323-7
  • Памятники архитектуры Каменска-Уральского / С. И. Гаврилова, Л. В. Зенкова, А. В. Кузнецова, А. Ю. Лесунова — Екатеринбург: Банк культурной информации, 2008. — 92 с.

Արտաքին հղումներ[խմբագրել | խմբագրել կոդը]