Աերոզոլային գեներատոր
Աերոզոլային գեներատոր, սարք, որն արտադրում և ցողում է աերոզոլներ)[1], գյուղատնտեսության մեջ, ջերմային 7 մեխանիկական եղանակներով թունաքիմիկատների մառախուղներ (աերոզոլեր) ստանալու և դրանք փոշեցրելու մեքենա՝ մշակաբույսերի, անտառտնկարկների վնասատուների դեմ պայքարելու, նաև՝ գյուղատնտեսական պահեստարաններն ու անասնապահական շինությունները վարակազերծելու համար։ Գործնական անասնաբուժության մեջ աերոզոլային գենետորներն օգտագործում են վարակազերծող, միջատասպան, բուժիչ և պատվաստումային աերոզոլեր ստանալու համար։ Աերոզոլային գենետորն ունի այրման խուց, աշխատանքային լուծույթի (թույն) և բենզինի զետեղարաններ,վառելանյութ և լուծույթ մատուցող պոմպեր, վառելիքաօդային խառնուրդի վառոցքի համակարգ, փոշեցրող սարք 7 օդամղիչ։ Այրման խցում առաջացած տաք գազերը՝ անցնելով փոշեցրող սարքի միջով, գոլորշացնում են աշխատանքային լուծույթը։ Փոշեցրող սարքի ծայրափողակից դուրս մղվելով խառնուրդն օդում սառչում և փոխարկվում է մառախուղի։ Կախված աշխատանքի պայմաններից՝ աերոզոլային գենետորի արտադրողականությունը 1,7-60 հա/ժ է։ Գործողության մեջ է դրվում սեփական շարժիչով կամ տրակտորի հզորության արտարկման լիսեռով։ Աշխատանքի ժամանակ, ըստ աերոզոլային գենետորի տիպի և հզորության, այն տեղափոխում են մեքենայի թափքի կամ տրակտորի կցանքի վրա, կախում են միջին հզորության տրակտորից, օգտագործում ձեռնասայլակի կամ ուսապարկի մեջ դրած։
Աերոզոլային գեներատորների տեսակներ[խմբագրել | խմբագրել կոդը]
Բոլոր աերոզոլային գեներատորները կարելի է բաժանել երկու տեսակի՝ մեխանիկական և ջերմամեխանիկական[1]։
Մեխանիկական աերոզոլային գեներատորները ստեղծում են ցրման աերոզոլներ։ Նման գեներատորները օդաճնշական են, սկավառակային և ուլտրաձայնային։
Ջերմամեխանիկական գեներատորները ստեղծում են կոնդենսացիոն և մեխանիկական աերոզոլներ։ Երբեմն ջերմամեխանիկական գեներատորները աերոզոլ են առաջացնում՝ այրելով հատուկ կոմպոզիցիաներ, որոնք այրվում են ինքնուրույն և առանց օդի հոսքի[2]։
Ծանոթագրություններ[խմբագրել | խմբագրել կոդը]
- ↑ 1,0 1,1 «Аэрозольный генератор // Сайт Zoovet.info». Արխիվացված օրիգինալից 2016 թ․ մարտի 4-ին. Վերցված է 2015 թ․ մայիսի 18-ին.
- ↑ «Что такое система аэрозольного пожаротушения? // Сайт Klivent.net». Արխիվացված է օրիգինալից 2015 թ․ մարտի 16-ին. Վերցված է 2015 թ․ մայիսի 18-ին.
Այս հոդվածի կամ նրա բաժնի որոշակի հատված վերցված է «Գյուղատնտեսական հանրագիտարանից», որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։ 
|
|
