Աբրաքսաս

Աբրաքսաս կամ (առավել հին ձև) Աբրասաքս (հունարեն՝ Ἀβρασάξ), գնոստիկ կոսմոլոգիական աստվածություն, Երկնքի ու էոնների բարձրագույն ղեկավարը, ով իրենից ներկայացնում է Երկրային ժամանակի ու տարածության կապի մարմնավորումը։

Թվային առեղծված

Վասիլիդի համակարգում Աբրաքսաս անունն առեղծվածային նշանակություն ունի, քանի որ յոթ հունական տառերի թվային արժեքների գումարը 365 է՝ տարվա օրերի թիվը.

$\mathrm {A} =1$
$\mathrm {B} =2$
$\mathrm {P} =100$
$\mathrm {A} =1$
$\Sigma =200$
$\mathrm {A} =1$
$\Xi =60$

Մշակույթում

Marvel Comics ամերիկյան կոմիկսային ընկերությունում կա Աբրաքսաս անունով հերոս (տիեզերական էակ, որն իրենցի ներկայացնում է մաքուր ոչնչացման մարմնավորումը).
Sacrifice համակարգչային խաղում կա Աբրաքսուս (անգլ.՝ Abraxus) անունով հերոս։
Թոմաս Մորի մոտ Աբրաքսասը Ուտոպիայի հին կղզու անվանումն է։
«Աբրաքսաս» անվանումը օգտագործվում է նաև Միխայիլ Կուզմինի կողմից իր 1920-ականների ալմանախի անվանման համար (այդ շրջանում Կուզմինն ակտիվորեն հետաքրքրվում էր գնոստիցիզմով ու անգամ բանաստեղծություն էր գրել Վասիլիդի մասին)։
Աբրաքսասի կերպարը հանդիպում է նաև Հերման Հեսսեի մոտ («Դեմիան» վեպում), ժամանակակից փոփ- ու ռոքմշակույթներում և այլ նմանատիպ նախագծերում
Շվեդական Therion սիմֆո-մետալ խումբը իր 2004 թվականին թողարկված Lemuria ալբոմում ձայնագրել է նաև «Abraxas» երգը։

Աղբյուրներ

Աբրաքսաս // Բրոքհաուսի ու Էֆրոնի հանրագիտարանային բառարան։ 86 հատորով (82 հատոր և 4 լրացուցիչ). — 1890 —1907.

Արտաքին հղումներ

Աբրաքսաս, գնոստիկ աստվածություն Արխիվացված 2014-07-04 Wayback Machine

Վիքիպահեստն ունի նյութեր, որոնք վերաբերում են «Աբրաքսաս» հոդվածին։