Ֆարադեյի օրենքներ

Ֆարադեյի օրենքներ, էլեկտրոլիզի քանակական օրենքներ, որոնք արտահայտում են էլեկտրոլիտով անցած էլեկտրականության քանակի և էլեկտրոդների վրա անջատված նյութերի զանգվածի ու քիմիական բնույթի միջև կապը։

Կա Ֆարադեյի 2 օրենք.

Ֆարադեյի I օրենք

Ֆարադեյի I օրենքը հետևյալն է․ անջատված նյութերի m զանգվածները համեմատական են էլեկտրոլիտով անցած q էլեկտրականության քանակին, m=kq, որտեղ k-ն տվյալ նյութի էլեկտրաքիմիական համարժեքն է։

Ֆարադեյի II օրենք

Ֆարադեյի II օրենքը հետևալն է. էլեկտրոլիտով միևնույն քանակությամբ էլեկտրականություն անցնելու հետևանքով անջատված տարբեր նյութերի զանգվածները համեմատական են այդ նյութերի քիմիական համարժեքներին (A)։ K=A/F, որտեղ F-ը Ֆարադեյի թիվն է։

Ֆարադեյի օրենքները մաթեմատիկորեն կարելի է ներկայացնել մեկ հավասարման տեսքով․ m= (A/F)q։ Որոշ դեպքերում դիտվող շեղումները Ֆարադեյի օրենքներից կարող են կապված լինել հաշվի չառնված կողմնակի էլեկտրաքիմիական ռեակցիաների կամ մասնակի էլեկտրոնային հաղորդականության հետ։

Տես նաև

• Էլեկտրոլիզ
• Մայքլ Ֆարադեյ
• Ֆարադեյի հաստատուն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։