Քիգան Փալմեր
Քիգան Փալմեր | |
---|---|
Անձնական տեղեկություն | |
Սեռ՝ | արական |
Մասնագիտացում՝ | սկեյթբորդիստ |
Երկիր՝ | Ավստրալիա |
Ծննդյան ամսաթիվ՝ | մարտի 12, 2003 (21 տարեկան) |
Ծննդավայր՝ | Սան Դիեգո, Կալիֆոռնիա, ԱՄՆ |
Քիգան Փալմեր (անգլ.՝ Keegan Palmer, մարտի 12, 2003, Սան Դիեգո, Կալիֆոռնիա, ԱՄՆ), ամերիկա-ավստրալիացի սքեյթբորդիստ, Տոկիոյի 2020 թվականի Օլիմպիական խաղերի չեմպիոն։
Փալմերը ծնվել է Սան Դիեգոյում և երիտասարդ տարիքում տեղափոխվել Ավստրալիա, իսկ 14 տարեկանում դարձել պրոֆեսիոնալ սքեյթբորդիստ[1]։ 2021 թվականին Փալմերի հովանավորներն են դարձել Nike SB-ն, Primitive-ը, Oakley-ն, Independent-ը, Bones Wheels-ը, Bronson-ը, Mob-ը և Boost-ը[2]։ Փալմերն զբաղեցնում է 7-րդ տեղը World Skate դասակարգման պարկ դիսցիպլինայում[3]։
Կենսագրություն[խմբագրել | խմբագրել կոդը]
Փալմերը ծնվել է 2003 թվականի մարտի 12-ին Սան Դիեգոյում ավստրալիացիների ընտանիքում։ Վաղ տարիքում Փալմերը Սան Դիեգոյից տեղափոխվել է Գոլդ Քոստ[4]։ Թեև Փալմերն սկզբում հետաքրքրվել է սերֆինգով, սակայն սկսել է զբաղվել սքեյթբորդինգով[5]։
Կարիերա[խմբագրել | խմբագրել կոդը]
2017 թվականին Փալմերը 14 տարեկանում հաղթել է Dew Tour am Bowl-ի եզրափակիչը[6]։ Փալմերը Dew Tour-ում նորամուտը նշել է 2018 թվականին՝ եզրափակիչում գրավելով 7-րդ տեղը։ Մեկ տարի անց Dew Tour 2019-ի եզրափակիչում գրավել է 3-րդ տեղը՝ զիջելով միայն Պեդրո Բարրոսին ու Կորի Ջունոյին։ Նույն թվականին Փալմերը 4-րդ տեղն է զբաղեցրել Սան Պաուլոյում անցկացված աշխարհի առաջնությունում։ 2020 թվականին Փալմերը հաղթել է Skate Australia ազգային պարկի առաջնությունը[7]։
2021 թվականին Փալմերը որակավորվել է 2020 թվականի Տոկիոյի Ամառային օլիմպիական խաղերի համար[8], որոնք մեկ տարով հետաձգվել են կորոնավիրուսի պանդեմիայի պատճառով։ 2021 թվականի օգոստոսի 5-ին Պալմերը Տոկիոյում անցկացված Ամառային օլիմպիական խաղերի պարկ դիսցիպլինայում տղամարդկանց շրջանում սքեյթբորդինգի մրցումներում նվաճել է ոսկե մեդալ[9]։
Ծանոթագրություններ[խմբագրել | խմբագրել կոդը]
- ↑ «How Tony Hawk inspired Aussie skate prodigy». wwos.nine.com.au (անգլերեն). Արխիվացված օրիգինալից 2021 թ․ հունիսի 26-ին. Վերցված է 2021 թ․ հունիսի 26-ին.
- ↑ «Keegan Palmer from Australia AUS Bio and Photos». The Boardr (անգլերեն). Արխիվացված օրիգինալից 2021 թ․ հունիսի 26-ին. Վերցված է 2021 թ․ հունիսի 26-ին.
- ↑ «Worldskate - Skateboarding & Roller Sports - Rankings». www.worldskate.org. Արխիվացված օրիգինալից 2021 թ․ հուլիսի 27-ին. Վերցված է 2021 թ․ հունիսի 27-ին.
- ↑ «Aussie skateboarder Keegan Palmer still focused on Olympics». ESPN.com (անգլերեն). 2020 թ․ հունիսի 8. Արխիվացված օրիգինալից 2021 թ․ հունիսի 27-ին. Վերցված է 2021 թ․ հունիսի 27-ին.
- ↑ «Skateboarding PALMER Keegan». Tokyo 2020 Olympics (անգլերեն). Արխիվացված օրիգինալից 2021 թ․ օգոստոսի 5-ին. Վերցված է 2021 թ․ օգոստոսի 5-ին.
- ↑ «Keegan Palmer Wins Amateur Bowl at Dew Tour Long Beach 2017». Dew Tour (ամերիկյան անգլերեն). 2017 թ․ հունիսի 18. Արխիվացված օրիգինալից 2021 թ․ հունիսի 27-ին. Վերցված է 2021 թ․ հունիսի 27-ին.
- ↑ «Contest Results: Skate Australia National Park Championships - Open Male – Final». The Boardr (անգլերեն). Արխիվացված օրիգինալից 2021 թ․ հունիսի 27-ին. Վերցված է 2021 թ․ հունիսի 27-ին.
- ↑ Mercuri, Simona. «The List of Future Olympic Skateboarders is Official!!!». www.worldskate.org. Վերցված է 2021 թ․ հունիսի 26-ին.
- ↑ «Skateboarding - Final Results». olympics.com. Արխիվացված օրիգինալից 2021 թ․ հուլիսի 28-ին. Վերցված է 2021 թ․ օգոստոսի 5-ին.
|