Վասիլի Սարատովեց
Վասիլի Սարատովեց | |
---|---|
Ծնվել է | 1880 |
Մահացել է | 1912 |
Մահվան վայր | Բուտիրյան բանտ, Տվերսկի շրջան, Մոսկվայի կենտրոնական վարչական շրջան, Մոսկվա, Ռուսական կայսրություն |
Քաղաքացիություն | Ռուսական կայսրություն |
Մասնագիտություն | հեղափոխական և ձուլիչ բանվոր |
Կուսակցություն | Ռուսաստանի սոցիալ-դեմոկրատական բանվորական կուսակցություն |
Վասիլի Ֆրոլի Սարատովեց (Եֆիմով) (1880 - 1912, Բուտիրյան բանտ, Տվերսկի շրջան, Մոսկվայի կենտրոնական վարչական շրջան, Մոսկվա, Ռուսական կայսրություն), ռուս բոլշևիկ հեղափոխական, ՌՍԴԲԿ անդամ (1903), ձուլող բանվոր։
Քարոզչական աշխատանք է տարել Սարատովում, Դոնի Ռոստովում, Բաքվում։ Եղել է Բաքվի բանվորների դեպուտատների սովետի և ՌՍԴԲԿ Բաքվի կոմիտեի անդամ (1906), ՌՍԴԲԿ 5 համագումարի (1907) պատգամավոր։ 1908 թվականին մասնակցել է բոլշևիկյան «Բակինսկի ռաբոչի» («Бакинский рабочий») թերթի հրատարակմանը։ 1909 թվականին եղել է Բաքվի նավթարդյունաբերության բանվորների միության քարտուղարը։ Այնուհետև քարոզչական աշխատանք է տարել Մոսկվայում, որտեղ և ձերբակալվել է։ Մահացել է Բուտիրյան բանտում։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 213)։ |