Վախի աչքերը մեծ են

Վախի աչքերը մեծ են; ռուս.՝ У страха глаза велики
Տեսակ	կարճամետրաժ մուլտիպլիկացիոն ֆիլմ
Ժանր	հեքիաթ
Ռեժիսոր	Օլգա Խոդատաևա
Սցենարիստ	Գեորգի Գրեբներ
Հնչյունավորում	Գրիգորի Շպիգել
Բեմադրող նկարիչ	Պյոտր Նոսով
Օպերատոր	Միխայիլ Դրույան
Երկիր	ԽՍՀՄ
Ընկերություն	Սոյուզմուլտֆիլմ
Թվական	1946

«Վախի աչքերը մեծ են», խորհրդային մուլտիպլիկացիոն ֆիլմ ըստ ռուսական ժողովրդական «Կատուն և աղվեսը» հեքիաթի։ Հեքիաթը պատմում է այն մասին, թե ինչպես է աղվեսը խաբում կենդանիներին ու վերցնում նվերները, որոնք նախատեսված էին իրեն անտառի նոր կառավարիչ հռչակած Կոտոֆեյ Իվանովիչի համար։

Սյուժե[խմբագրել | խմբագրել կոդը]

Հեքիաթը պատմում է մի սև կատվի մասին, որը սիրում էր թթվասեր ուտել, իսկ մկներ չէր բռնում։ Նրա տերը մի օր բարկանում է, գցում նրան պարկի մեջ և թողնում անտառում։ Աղվեսը տեսնում է կատվին և հարցնում, թե նա ով է։ Կատուն հպարտ պատասխանում է. «Ես սիբիրյան կատու եմ, հասակս` հսկա, սև մորթով, թուրքի բեղերով։ Իսկ իմ անունն է Կոտոֆեյ Իվանովիչ։ Իսկ դո՞ւ ով ես»։ Աղվեսը պատասխանում է. «Իսկ ես Ելիզավետա Պատրիկեևնան եմ։ Արի գնանք իմ տուն հյուր, քեզ թթվասեր կհյուրասիրեմ»։ Ճանապարհին կատուն վախեցնում է նապաստակին, վերջինս էլ պատմում է արջին և գայլին սարսափելի սև գազանի մասին։ Իսկ խորամանկ աղվեսը ասում է նրանց, որ Կոտոֆեյ Իվանովիչն անտառի նոր հսկիչն է և առանց նվերների ոչ ոքի չի ընդունում։ Իսկ եթե ուզում են նրան տեսնել, ուրեմն գայլը պետք է ոչխար բերի, իսկ արջը` ցուլ։ Գայլն ու արջը գնում են որսի և բերում են որսը, թողնում են այն աղվեսի տան առջև։ Իսկ խորամանկ աղվեսն սկսում է թռվռալ ու աղմկել տանը։ Այդ աղմուկից կատուն սարսափահար փախչում է տնից և բարձրանում ծառի վրա, սայթաքում է և ընկնում է արջի վրա, իսկ հետո, քիչ է մնում գայլին ճանկռի։ Նրանք այնքան են վախենում, որ փախչում են հեռու-հեռու։ Իսկ նրանց բերած որսը մնում է աղվեսին ու կատվին։

Հեղինակներ[խմբագրել | խմբագրել կոդը]

Սցենարի հեղինակ	Գեորգի Գրեբներ
Բեմադրեղ ռեժիսոր	Օլգա Խոդատաևա
Բեմադրող նկարիչ	Պյոտր Նոսով
Նկարիչ	Ելենա Խուդովա, Լև Պոզդնեև, Օլգա Հեմերլինգ,Կոնստանտին Մալիշեև, Վ.Զավիլոպուլո
Նկարիչ մուլտիպլիկատորներ	Նիկոլայ Ֆյոդորով, Ֆաինա Եպիֆանովա, Տատյանա Ֆյոդորովա, Բորիս Մեերովիչ
Օպերատոր	Միխայիլ Դրույան
Կոմպոզիտոր	Գ.Լոբաչև
Հնչյունային օպերատոր	Ս. Ռենսկի
Ռեժիսորի օգնական	Լ. Ժդանով
Տեխնիկական օգնական	Կ.Ապեստինա
Մոնտաժող	Ա.Ֆիրսովա

Դերերի հնչունավորում[խմբագրել | խմբագրել կոդը]

- Գրիգորի Շպիգել – կատու
- Յուլյա Յուլսկայա – նապաստակ
- Լեոնիդ Պիրոգով – արջ
- Զինաիդա Բոկարյովա – աղվես
- Եվգենի Մելնիկով – գայլ

Վերաթողարկում DVD ձևաչափով[խմբագրել | խմբագրել կոդը]

1990 թվականի կեսերին թողարկվել է VHS ձևաչափով «Լավագույն խորհրդային մուլտֆիլմեր» հավաքածուն, որի մեջ մտնում էին հետևյալ մուլտֆիլմերը.

«Խրճիթ» հավաքածուի մուլտֆիլմերն էին. «Խրճիթ» (1995), «Թխվածքաբլիթ» (1956), «Երեք պարկ խորամանկություն» (1954), «Գնդիկ Բոքոնիկը» (1956), «Վախի աչքերը մեծ են» (1946), «Կապույտ տերեփուկ» (1973), «Հենց այնպես» (1976), «Սունկ-խրճիթ» (1958)^[2]։
«Դայակի հեքիաթները» հավաքածուի մեջ ներառվել են հետևյալ մուլտֆիլմերը. «Վայրի կարապներ» (1949), «Վախի աչքերը մեծ են» (1946), «Քույրիկ Ալյոնուշկան և եղբայր Իվանուշկան» (1951), «Կախարդական զանգակը» (1949), «Անտառային ճանապարհորդներ» (1951), «Կուժ ու շվի» (1950), «Բարձր սար» (1951)^[3]։