Սուրբ Աստվածածին եկեղեցի (Շոշ)

Սուրբ Աստվածածին եկեղեցի;
Հիմնական տվյալներ
Տեսակ	եկեղեցի
Երկիր	Արցախ
Տեղագրություն	Շոշ
Դավանանք	Հայ Առաքելական Եկեղեցի
Թեմ	Արցախի թեմ

Սուրբ Աստվածածին, 19-րդ դարում կառուցված հայ առաքելական եկեղեցի Արցախի Հանրապետության Ասկերանի շրջանի Շոշ գյուղի հյուսիս-արևմտյան եզրամասում։ Եկեղեցու շուրջը տարածվում է հին ու նոր գերեզմանոցը^[1]։

Հորինվածք[խմբագրել | խմբագրել կոդը]

Սուրբ Աստվածածինը հորինվածքով ուղղանկյուն հատակագծով միանավ սրահ է։ Այն կառուցված է փոքր ու միջին չափերի սպիտակավուն, անմշակ ու կիսամշակ կրաքարով։ Սրբատաշ են միայն մուտքի, լուսամուտների եզրաքարերը և պատերի անկյունաքարերը։ Մուտքը հարավային կողմից է։ Եկեղեցին ունի ցածրիկ բեմ և երկու ավանդատուն։ Պատերին ագուցված են փոքրիկ խաչքարեր և տապանաքարեր, որոնք թվագրվում են 17-18-րդ դարերին։

Շքամուտքի վերնամասի արձանագրությունը.

Յիշատակ կառուցեց ս[ու]րբ/ եկեղեցիս շուշվեցի Բաղ/դասար ս[ա]ր[կաւա]գն Աբարեանց/ ու իր ընկեր Առուսդամ Գափ/իեան Խառադեա[ն]ց. 1918 թ./, որ (է) ցորնի փո[ւ]թ էր 20 ր[ուբլի]։

Ավագ խորանի աջակողմյան արձանագրությունը.

Յիշատակ կառու/ցեց եկեղեցիս շուշ/վեցի Բաղտասարը, հոգւ[ո]ցն փրկութեան/՝ իր և իր կին Մարգա/րիտի Աբարեանց, 1915 թ.

Պատմություն[խմբագրել | խմբագրել կոդը]

Եկեղեցու մասին պատմական տեղեկությունները բացակայում են։

Վիճակ[խմբագրել | խմբագրել կոդը]

Խորհրդային տարիներին օտագործվել է տնտեսական նպատակներով։ Արցախյան պատերազմների ժամանակ եկեղեցին չի տուժել։ Վերանորոգման աշխատանքներն ավարտվել են 2022 թվականին^[2]։ Վերանորոգման ժամանակ, նախկին, չպահպանաած զանգակատան փոխարեն հավելվել է նորը։

2023 թվականին Ադրբեջանի կողմից Արցախում իրականացված էթնիկ զտումներից հետո Շոշ գյուղը հայաթափվել է և հայտնի չէ եկեղեցու ներկայիս վիճակի մասին։