Սոլոդովի տուն
Տեսակ | շենք |
---|---|
Երկիր | Ռուսաստան |
Տեղագրություն | Դոնի Ռոստով |
Փողոց | Գազետնի նրբանցք (47) |
Ճարտարապետական ոճ | էկլեկտիկ ճարտարապետություն |
Հարկեր | 2 |
Ճարտարապետ | Նիկոլայ Դորոշենկո |
Ժառանգության կարգավիճակ | Ռուսաստանի մարզային նշանակության մշակութային ժառանգության օբյեկտ |
Սոլոդովի տուն (ռուս.՝ Дом Ф. Н. Солодова), մշակութային ժառանգության տարածաշրջանային նշանակության օբյեկտ Դոնի Ռոստովում[1], որը գտնվում է Գազետնի նրբանցք, 47 հասցեում[2]։ Կառուցվել է XIX դարում։
Պատմություն[խմբագրել | խմբագրել կոդը]
1880-ական թվականներին տան տարածքը մեծացվել է երկհարկանի թևի ընդլայնման հաշվին՝ ըստ ճարտարապետ Նիկոլայ Դորոշենկոյի մշակած նախագծի[3]։ Տան սեփականատերը եղել է ալրաղացի տեր վաճառական Սոլոդովը։ Շինությունը Սոլոդովի ալրաղացի հետ մտնում էր նույն համալիրի մեջ և ուներ նույն հասցեն։ XX դարի սկզբի փաստաթղթերում նշվում էր որպես Սոլոդովի կնոջ՝ Եկատերինա Նիկոլաևնա Սոլոդովայի սեփականություն։ Այնուհետև տանը գործել է «Լուսավորության աշխատողների տուն», որը նաև կոչվում էր «Ուսուցչի տուն»։ Դրանում կար մեծ գրադարան, որից օգտվում էին ուսուցիչներն ու աշակերտները[4]։
Ճարտարապետություն[խմբագրել | խմբագրել կոդը]
Բնակելի տունը կառուցվել է էկլեկտիզմի ոճով։ Պատուհանի բացվածքները զարդարված են ուղղանկյունաձև զարդաքիվերով, պատուհանների տակի խորշերը՝ վարդակներով։ Երկհարկանի շենքի հատակագիծն ուղղանկյունաձև է, նկուղը գտնվում է տան կենտրոնական մասում։ Ունի ձեղնահարկ, որն ավարտվում է երկու քառանիստ վրանածածկով։ Տունը սվաղված է։ Կիսակոր պատուհանային բացվածքները զարդարված են պարզ երեսկալներով, ցանցկեն մետաղական ճաղաշարով։ Ծեփակերտ դեկորը ներկայացված է դիմակազարդերով, որոնք զարդարված են կողպեքային քարերով և կալունակներով, դրանք նաև հանդիպում են ատտիկոսների ձևավորման մեջ։ Հիմնանորոգման ընթացքում մի քանի անգամ ձևափոխվել է տանիքը, ավելացվել է ծածկ։ Կորսվել են առաջին հարկի պատուհանների ճաղերը, ինչպես նաև պատուհանների և դռների բացվածքների սկզբնական լիցքերը։
Ծանոթագրություններ[խմբագրել | խմբագրել կոդը]
- ↑ Строения, памятники и здания, охраняемые на региональном уровне
- ↑ Перечень объектов культурного наследия регионального значения г.
- ↑ «Донской временни//Краеведческий библиотечно-библиографический журнал». Արխիվացված է օրիգինալից 2017 թ․ փետրվարի 12-ին. Վերցված է 2017 թ․ փետրվարի 26-ին.
- ↑ Памятники Дона.