Ռուբեն Բաղրամյան
| Ռուբեն Բաղրամյան | |
|---|---|
| Ծնվել է | ապրիլի 28, 1920 |
| Ծննդավայր | Շամքորի շրջան |
| Մահացել է | 1994 |
| Կոչում | պրոֆեսոր |
| Գիտական աստիճան | բանասիրական գիտությունների դոկտոր (1969) |
| Մասնագիտություն | լեզվաբան |
| Աշխատավայր | ՀՀ ԳԱԱ Հրաչյա Աճառյանի անվան լեզվի ինստիտուտ և Հայկական պետական մանկավարժական համալսարան |
Ռուբեն Հարությունի Բաղրամյան (ապրիլի 28, 1920, Շամքորի շրջան - 1994), հայ լեզվաբան։ Բանասիրական գիտությունների դոկտոր (1969), պրոֆեսոր (1970):
Կենսագրություն[խմբագրել | խմբագրել կոդը]
Ռուբեն Բաղրամյանը ծնվել է 1920 թվականի ապրիլի 28-ին Լեռնային Ջագիրում (Ադրբեջանի Շամխորի շրջան)։ 1957-1969 թվականներին եղել է ՀԽՍՀ գիտությունների ազգային ակադեմիայի Լեզվի ինստիտուտի բարբառագիտության բաժնի վարիչ, 1964 թվականից՝ Երևանի Խաչատուր Աբովյանի անվան մանկավարժական ինստիտուտի դասախոս[1]։
Աշխատությունները վերաբերում են հայ բարբառներին և խոսվածքներին («Աշակերտների բարբառային սխալները և դրանց վերացման միջոցները», 1954, «Դերսիմի բարբառային քարտեզը», 1960, «Կռզենի բարբառը», 1961, «Հայերեն բարբառներ, Սևանա լճի ավազանի խոսվածքները», 1972): Կազմել է ադրբեջաներեն-հայերեն բառարան (1987)[2]:
Երկեր[խմբագրել | խմբագրել կոդը]
- Հնչյունաբանության և բառակազմության ուսուցումը 5-րդ դասարանում։ Դպրոցների գիտա - հետազոտական ինստիտուտ, Երևան, ՀՍՍՌ պետական հեռակա մանկավարժական ինստիտուտի հրատարակություն, 1953։
- Հայոց լեզվի դասավանդման փորձից։ Դպրոցների գիտա-հետազոտական ինստիտուտ, Երևան, ՀՍՍՌ Պետ. հեռակա մանկավարժական ինստիտուտի հրատ., 1953:
- Աշակերտների բարբառային սխալները և դրանց վերացման միջոցները։ Լուսավորության մինիստրություն, Երևան, Ա. հ., 1954:
- Ծրագրեր հայոց լեզվի։ Տարրական, յոթնամյա և միջնակարգ դպրոցների համար։ Նախագիծ քննարկման համար, Լուսավորության մինիստրություն, դպրոցների գիտա-հետազոտական ինստիտուտ, Երևան, Ա. հ., 1954:
- Հայոց լեզվի մեթոդիկա։ Ձեռնարկ 1-4-րդ դասարանների ուսուցիչների և մանկավարժական ուսումնարանների ուսանողների համար, Երևան, Հայպետհրատ, 1955։
- Հայերենի ուղղագրությունը և նրա ուսուցման հարցերը։ (Ձեռնարկ ուսուցիչների համար), Երևա, Հայպետհրատ, 1957։
- Դերսիմի բարբառային քարտեզը։ Բաղրամյան Ռուբեն Հարությունի, Լեզվի ինստիտուտ, Երևան, ԳԱԱ հրատարակություն, 1960։
- Կռզենի բարբառը։ Լեզվի ինստիտուտ, Երևան, Ա. հ., 1961:
- Շամախիի բարբառը։ Երևան, ԵՊՀ հրատարակություն, 1964[3]։
- Հայերեն բարբառներ։ Սևանա լճի ավազանի խոսվածքները, ՀԽՍՀ բարձրագույն և միջնակարգ մասնագիտական կրթության նախարարություն, Խ. Աբովյանի անվան հայկական պետական մանկավարժական ինստիտուտ, Երևան, Ա. հ., 1972:
- Հայ-ադրբեջաներեն բառարան։ Երևան, Լույս, 1978 (համահեղինակ)։
- Ստուգողական աշխատանք հայոց լեզվից։ (Մեթոդական ցուցումներ), Խ. Աբովյանի անվան հայկական պետական մանկավարժական ինստիտուտ, Երևան, ՀԽՍՀ Լուսավորության մինիստրություն, 1985։
- Ադրբեջաներեն-հայերեն բառարան։ Բաղրամյան Ռուբեն Հարությունի, Երևան, Հայաստան, 1987։
- Հայերենի ուղղագրությունը։ Ուսումնական ձեռնարկ մանկավարժական բուհերի ուսանողների համար, Երևան, Ա. հ., 1989:
- Գրաճանաչության Մեսրոպ Մաշտոցի մեթոդը։ Ուսումնական ձեռնարկ, Երևան, Ա. հ., 1989:
- Ուղղագրական-ուղղախոսական բառագրքույկ։ Բուհերի ուսանողների և նախապատրաստական բաժանմունքների ունկնդիրների համար, Երևան, Մեղապարտ, 1991։
Ծանոթագրություններ[խմբագրել | խմբագրել կոդը]
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005
- ↑ «Կոհա առցանց քարտարան › Որոնման արդյունքներ համար 'au:"Բաղրամյան, Ռուբեն Հարությունի," and itype:BK and au:Բաղրամյան, Ռուբեն Հարությունի,'». haygirk.nla.am. Վերցված է 2020 թ․ մարտի 5-ին.
- ↑ Բաղրամյան, Ռուբեն Հարությունի (1964). Շամախիի բարբառը. Հայկական ՍՍՌ Գիտությունների Ակադեմիայի Հրատարակչություն.
 | Վիքիդարանն ունի նյութեր, որոնք վերաբերում են «Ռուբեն Բաղրամյան» հոդվածին։ |
