Ռոտմիստր Պերեյասլավցևի դաստակերտ
 | |
|---|---|
 | |
| Տեսակ | դաստակերտ |
| Երկիր |  Ռուսաստան |
| Տեղագրություն | Եկատերինբուրգ |
| Ճարտարապետ | Յուլի Դյուտել և Sergey Kozlov? |
| Ժառանգության կարգավիճակ | Ռուսաստանի մարզային նշանակության մշակութային ժառանգության օբյեկտ |
 | |
 | |
Ռոտմիստր Պերեյասլավցևի դաստակերտ (ռուս.՝ Усадьба ротмистра Переяславцева), շինություն Ռուսաստանի Դաշնության Եկատերինբուրգ քաղաքի պատմական կենտրոնում։ Ճարտարապետության հուշարձան է։ Գտնվում է Կարլ Լիբկնեխտի փողոց, տուն 3 հասցեով։ Եռահարկ աղյուսե շենք է բարոկկո ոճով։
Պատմություն[խմբագրել | խմբագրել կոդը]
1889 թվականի տվյալներով` Վոզնեսենսկի պողոտայի (այժմ` Կարլ Լիբկնեխտի փողոց), թիվ 3 դաստակերտի սեփականատեր էր Միխայիլ Պավլովիչ Դեխանովը, որը 1881 թվականին այստեղ կառուցել է երկհարկանի քարե տուն[1]։
1890-ական թվականներին դաստակերտն անցել է ռոտմիստր Ֆեոդոր Անդրեևիչ Պերեյասլավցևին։ 1894-1995 թվականներին նա վերակառուցել է Դեխանովի տունը ճարտարապետ Ս. Ս. Կոզլովի նախագծով, որը համաձայնեցված է եղել քաղաքի ճարտարապետ Յուլի Դյուտելի և Ե. Մ. Կոսյակովի հետ։ 1900-ական թվականներին արևմտյան կողմից կցակառուցվել է երկհարկանի շինություն[1]։
XX դարի սկզբին տան սեփականատեր է դարձել երդվյալ հավատարմատար Ֆ. Ի. Պինովսկին։
1988 թվականին հիմնանորոգման ժամանակ ավելացվել է կամարակապ անցուղի, իսկ հարավային ճակատին բացվել է չորս պատուհան։ Քանդվել է տան երկու մասերը միացնող աղյուսե պատը։ Նոր գործառնական նշանակության պատճառով մասամբ փոխվել է տան ներքին դասավորությունը[1]։ Այդ ժամանակ շենքում տեղակայված էր ԽՍՀՄ գիտությունների ակադեմիայի Ուրալի բաժանմունքի մեքենագիտության ինստիտուտը։
Նկարագրություն[խմբագրել | խմբագրել կոդը]
Շենքի հատակագիծը П-աձև է։ Անհամաչափ գլխավոր ճակատը ձեւավորված է ելունով և նրան հարակից երկու մասերով. հավասար բարձրությամբ` ձախից և մի փոքր ցածր` աջից։ Շքամուտքով ելունն ընգծված է թիակներով, պսակված է պատվանդանի վրա կանթաձև գմբեթիով, վերևում խոփով և կոփածո թագագլխիկով[1]։
Ճակատի ձևավորումը հիմնված է դեկորի դասական տարրերի օգտագործման վրա։ Բոլոր պատուհանների շրջանակները զարդարված են լողաթներով (վերինները լցված են ծեփածո ծաղկային նախշերով) և ճակտոնիկներով[1]։
Ճակատի ձախ կողմի և ելունի երկրորդ հարկում կրկնակի պատուհանների վերին հարկը միավորված է ստորինի հետ միասնական շրջանակով։ Կողային լողաթներն այստեղ զարդարված են խոյազարդ կալունակներով[1]։
Տունն ունի երեք մուտք` մեկը գլխավոր ճակատի կողմից և երկու բակային[1]։
Կարգավիճակ[խմբագրել | խմբագրել կոդը]
Շինությունը մշակութային ժառանգության տարածաշրջանային (մարզային) նշանակության օբյեկտ է 6620016000 գրանցման համարով. ««Ռոտմիստր Պերեյասլավցևի դաստակերտ». տուն, աղյուսե ցանկապատ, 1894-1895 թվականներ, ճարտարապետ` Կոզլով Ս. Ս., 1900-ական թվականներ, 1988 թվական (վերակառուցում)»[2]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 1,5 1,6 «Усадьба ротмистра Переяславцева». Վերցված է 2018 Հունիս 5-ին.
- ↑ «Дом ротмистра Переяславцева». Վերցված է 2018 Հունիս 5-ին.
Գրականություն[խմբագրել | խմբագրել կոդը]
- Свод памятников истории и культуры Свердловской области. Том 1. Екатеринбург: Сократ, 2007.