Շերեփ
Շերեփ, մեծ, խոր գդալ, որը հաճախ օգտագործվում է ապուր, շոգեխաշած կամ այլ մթերքներ պատրաստելու և մատուցելու համար[1]։
Չնայած ձևավորումները տարբեր են, տիպիկ շերեփն ունի երկար բռնակ, հաճախ թեքվում է բռնակի անկյան տակ, որպեսզի հեշտացնի հեղուկը կաթսայից կամ այլ անոթից դուրս հանելը, և այն ամանի մեջ տեղափոխելը։ Որոշ շերեփներ ամանի կողքին ունեն ելուստ՝ հեղուկը լցնելիս ավելի բարակ հոսք ապահովելու համար, այնուամենայնիվ, դա կարող է դժվարություններ առաջացնել ձախլիկների համար, քանի որ ավելի հեշտ է լցնել դեպի իրեն։ Այս պատճառով շերեփներից շատերը երկու կողմերում ունեն նման ելուստներ։
Ժամանակակից դարում շերեփները սովորաբար պատրաստվում են նույն չժանգոտվող պողպատի համաձուլվածքներից, ինչ մյուս խոհանոցային պարագաները, սակայն դրանք կարող են պատրաստվել նաև ալյումինից, արծաթից, պլաստմասսայից, մելամինե խեժից, փայտից, բամբուկից կամ այլ նյութերից։ Շերեփները պատրաստվում են տարբեր չափերի՝ կախված օգտագործումից, օրինակ՝ ավելի փոքր չափերը՝ 5 դյույմից պակաս(130մմ) օգտագործվում են սոուսների կամ համեմունքների համար, մինչդեռ շատ մեծ չափերը՝ ավելի քան 15 դյույմ (380մմ) երկարությամբ, օգտագործվում են ապուր կամ դակիչ պատրաստելու համար[2]։
Շատ մշակույթներում շերեփները նաև կրոնական ծեսերի մի մասն են։ Ճապոնական տաճարում փայտե շերեփը, որը հայտնի է որպես hishaku օգտագործվում է chozu կատարելու ժամանակ, ծես, որը պահանջվում է տաճար մտնելուց առաջ, և նշանակում է ինքնամաքրում[3]։
Ծանոթագրություններ[խմբագրել | խմբագրել կոդը]
- ↑ Swartz, Oretha D. (1988 թ․ հոկտեմբերի 2). Service although not actually a spoon as is commonly found on a table, serving spoons are grouped under the 'utensil' umbrellaEtiquette (4th ed.). United States Naval Institute. էջ 228. ISBN 978-0870216206.
- ↑ Von Drachenfels, Suzanne (2000 թ․ նոյեմբերի 9). The Art of the Table: A Complete Guide to Table Setting, Table Manners, and Tableware. Simon and Schuster. էջ 213. ISBN 978-0684847320.
- ↑ «Personal 'hishaku' Ladles keep traditions alive».
Արտաքին հղումներ[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Շերեփ» հոդվածին։ |
| ||||||
