Նումուլիտներ
Նումուլիտներ | ||||||||||||
---|---|---|---|---|---|---|---|---|---|---|---|---|
Գիտական դասակարգում | ||||||||||||
|
||||||||||||
Լատիներեն անվանում | ||||||||||||
Nummulites
Lamarck, 1801
| ||||||||||||
|
Նումուլիտներ (լատին․՝ nummulus՝ մանր մետաղադրամ), ֆորամինիֆերների ենթախմբի մահացած միաբջիջ օրգանիզմների սեռ։ Նումուլիտի մնացորդները հայտնի են Եվրոպայի, Ասիայի, Աֆրիկայի, Ամերիկայի արևադարձային և մերձարևադարձային երկրների վերին կավճի ու պալեոգենի նստվածքներում։ Նումուլիտ ունեցել են ոսպաձև կամ սկավառականման խեցի (տրամագիծը՝ 1.3—5[1] և նույնիսկ մինչև 16 սմ), որը կազմված է եղել միջնորմերով խոռոչների բաժանված բազմաթիվ պտույտներից։ Յուրաքանչյուր նոր պտույտ ամբողջությամբ ծածկել է նախորդին։ Վարել են հատակամերձ կյանք։ Նումուլիտների խեցիների կուտակումներն առաջացրել են նումուլիտային կրաքար, որը կիրառվում է որպես շինանյութ։ Նումուլիտները կարևոր ղեկավարող բրածոներ են պալեոգենի շերտագրության համար։
Հին եգիպտացիները նումուլիտների խեցիները օգտագործում էին որպես մետաղադրամներ, բուրգերի կառուցման ժամանակ օգտագործվող կրաքարը պարունակել է նումուլիտներ[1]։
Ծանոթագրություններ[խմբագրել | խմբագրել կոդը]