Նինա Հայրապետյան

Նինա Հայրապետյան
Ծնվել է	1889
Ծննդավայր	Ներքին Ագուլիս
Մահացել է	ապրիլ 1964
Մահվան վայր	Երևան, Հայկական ԽՍՀ, ԽՍՀՄ

Նինա Հովհաննեսի Հայրապետյան (1889, Ներքին Ագուլիս - ապրիլ 1964, Երևան, Հայկական ԽՍՀ, ԽՍՀՄ), հայ մանկավարժ, հասարակական գործիչ, ՀԽՍՀ վաստակավոր ուսուցիչ։

Կենսագրություն

1907 թվականին, ավարտելով միջնակարգ դպրոցը, նվիրվում է մանկավարժական աշխատանքի։ Աշխատում է Տանակերտ գյուղի ծխական դպրոցում, այնուհետև՝ Մոզդոկի, Քութայիսիի, Դերբենդի հայկական ծխական դպրոցներում։ Ավարտելով նախադպրոցական մասնագիտական դասընթացը՝ 1920 թվականին գործուղվում է Հյուսիսային Կովկաս՝ մանկապարտեզներ կազմակերպելու, որտեղ նահանգային լուսբաժնի կողմից նշանակվում է նախադպրոցական ոլորտի հրահանգիչ։ Այդ տարիներին նրա նախաձեռնությամբ Կիսլովոդսկում, Եսենտուկիում, Պյատիգորսկում կազմակերպվում են առաջին մանկապարտեզները։ Այնուհետև Պյատիգորսկում աշխատում է որպես մանկապարտեզի վարիչ։ Տեղափոխվելով Հայաստան՝ Երևանում կազմակերպում է նոր մանկապարտեզ։ Ամիրյան փողոցում նրա նախաձեռնությամբ կառուցվել է նոր մանկապարտեզի շենք։

Նինա Հայրապետյանը մի քանի անգամ ընտրվել է Երևանի քաղաքային խորհուրդի պատգամավոր։