Նատրիումի գերօքսիդ

Նատրիումի գերօքսիդ
Քիմիական բանաձև	Na₂O₂
Մոլային զանգված	1,3E−25 կիլոգրամ գ/մոլ
Խտություն	2,8 գ/սմ³ գ/սմ³
Հալման ջերմաստիճան	675 °C °C
Գոյացան էնթալպիա	−513 կՋ/մոլ կՋ/մոլ
Քիմիական հատկություններ
Դասակարգում
CAS համար	1313-60-6
PubChem	14803
EINECS համար	215-209-4
SMILES	[O-][O-].[Na+].[Na+]
ЕС	215-209-4
RTECS	WD3450000
ChEBI	14119
Եթե հատուկ նշված չէ, ապա բոլոր արժեքները բերված են ստանդարտ պայմանների համար (25 °C, 100 կՊա)

Նատրիումի գերօքսիդ, նատրիումի պերօքսիդ, $Na_{2}O_{2}$, նատրիումի և թթվածնի միացություն, որը պարունակում է $O_{2}$ անիոն։ Սպիտակ փոշի է, պարունակում է 20,5 զանգվածային ակտիվ թթվածին։ Հալվում է մոտ 600°С-ում բուռն քայքայվելով։ Քայքայվել սկսում է 300 °C-ից բարձր տաքացնելիս ($2Na_{2}O_{2}=2Na_{2}O+O_{2}$)։ Ջրում հիդրոլիզվում է՝ $Na_{2}O_{2}+H_{2}O=2NaOH+H_{2}O_{2}$։ Փոխազդում է խոնավ $CO_{2}$-ի հետ՝ $2Na_{2}O_{2}+2CO_{2}=2Na_{2}CO_{3}+O_{2}$։ Այս հատկությունն օգտագործում են փակ ծավալներում (սուզանավեր, գազապաստարաններ ևն) թթվածնի պարունակությունը օդում վերականգնելու համար։ Ուժեղ օքսիդիչ է՝ թուղթը, ճարպերը, բամբակը, փայտի թեփը նատրիումի գերօքսիդի հետ հպվելիս բոցավառվում են։ 500 °C-ում և 300 մթն ճնշման տակ միանում է թթվածնին՝ առաջացնելով նատրիումի վերգերօքսիդ՝ $NaO_{2}$։ Նատրիումի գերօքսիդ ստանում են նատրիումը, $CO_{2}$-ից զտված օդում, օքսիդացնելով (300 °C)։ Տեխնիկական նատրիումի գերօքսիդը $NaO_{2}$ պարունակելու պատճառով դեղնավուն է։ Օգտագործվում է որպես սպիտակեցնող միջոց ($H_{2}O_{2}$-ի պինդ փոխարինիչն է) և օքսիդիչ։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 199)։