Հրաչյա Գրիգորյան (գյուղատնտես)

Վիքիպեդիայում կան հոդվածներ Գրիգորյան ազգանունով այլ մարդկանց մասին։

Հրաչյա Գրիգորյան
Ծնվել է	մայիսի 14, 1909(1909-05-14)
Ծննդավայր	Ախալցխա
Մահացել է	հուլիսի 3, 1979(1979-07-03) (70 տարեկան)
Մահվան վայր	Երևան, Հայկական ԽՍՀ, ԽՍՀՄ
Քաղաքացիություն	Հայկական ԽՍՀ
Կրթություն	Հայաստանի ազգային ագրարային համալսարան
Կոչում	պրոֆեսոր
Գիտական աստիճան	գիտությունների դոկտոր
Մասնագիտություն	գյուղատնտես

Հրաչյա Կարապետի Գրիգորյան (մայիսի 14, 1909(1909-05-14), Ախալցխա - հուլիսի 3, 1979(1979-07-03), Երևան, Հայկական ԽՍՀ, ԽՍՀՄ), հայ գյուղատնտես, գյուղատնտեսական գիտությունների դոկտոր (1962), պրոֆեսոր (1964), ՀԽՍՀ գիտության վաստակավոր գործիչ (1967)։

Կենսագրություն

Հրաչյա Գրիգորյանը ծնվել է 1909 թվականի մայիսի 14-ին Ախալցխայում։ 1931 թվականին ավարտել է Հայկական գյուղատնտեսական ինստիտուտը։

1946-1956 թվականներին եղել է ՀԽՍՀ Տեխնիկական մշակաբույսերի, 1956-1962 թվականներին՝ Երկրագործության գիտահետազոտական ինստիտուտների ագրոտեխնիկայի և ցանքաշրջանառությունների բաժինների վարիչ, 1962-1973 թվականներին, միաժամանակ՝ փոխտնօրեն։

Աշխատանքները վերաբերում են բամբակենու և դաշտային բույսերի մշակության տեխնոլոգիաներին, ցանքաշրջանառությունների, հողի արդյունավետ օգտագործման, ագրոտեխնիկայի տարբեր հարցերին։

Հրաչյա Գրիգորյանը մահացել է 1979 թվականի հուլիսի 3-ին Երևանում։

Երկեր

• Առվույտի բարձր բերքի ստացման ագրոտեխնիկան Արարատյան դաշտավայրում, Ե., 1958 (համահեղինակ)։

Այս հոդվածի կամ նրա բաժնի որոշակի հատված վերցված է «Գյուղատնտեսական հանրագիտարանից», որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։