Հարավային դարպաս (մատուռ, Դոնի Ռոստով)
Այս հոդվածը կամ նրա մի մասը տեղեկույթ է պարունակում սպասվող իրադարձության մասին: Այստեղ նկարագրվում են իրադարձություններ, որոնք դեռ տեղի չեն ունեցել կամ ընթացքի մեջ են: |
Հարավային դարպաս ռուս.՝ Часовня Южные врата | |
---|---|
Հիմնական տվյալներ | |
Տեսակ | մատուռ |
Երկիր | Ռուսաստան |
Տեղագրություն | Դոնի Ռոստով |
Հիմնական ամսաթվերը | 2016 |
Հիմնադրված | 2016 |
«Հարավային դարպաս» մատուռ (ռուս.՝ Часовня «Южные врата»), ճարտարապետական շինություն, որը նախատեսվում է կառուցել Դոնի Ռոստովի առափին։ Մատուռի հիմնաքարը դրվել է 2016 թվականի ամռանը՝ քաղաքային փառատոնի ընթացքում[1]։
Պատմություն[խմբագրել | խմբագրել կոդը]
Դոնի Ռոստովի առափին «Հարավային դարպաս» մատուռի շինարարության համար պետք է փոփոխություններ կատարվեն կոնցեսիոն պայմանագիրում, որը կնքվել է 2013 թվականին 32 տարի ժամկետով։ Մատուռ կառուցելու են տաղավարի փոխարեն։ Ավելի վաղ ենթադրվում էր, որ առափին պետք է կառուցվեր հինգ սրճարան և վերակառուցվեին գոյություն ունեցող մարդատար նավամատույցները, իսկ Սոբորնի նրբանցքի և Գազետնի նրբանցքի միջև պետք է կառուցվեր ցուցահանդեսային տաղավար, որի մակերեսը պետք է լիներ 750 քառակուսի մետրից ոչ պակաս։
2015 թվականի հուլիսին տեղեկություն տարածվեց այն մասին, որ Ռոստովի առափում կկառուցվի հուշամատուռ, որը կկոչվի «Հարավային դարպաս»։ Այն պետք է դառնա հետիոտնային գոտու վերակառուցման վերջնական փուլը, որը տեղակայվելու է Սոբորնի նրբանցքից ընդհուպ մինչև առափ[1]։
2015 թվականին հայտնի դարձավ, որ մատուռը պետք է կառուցվի փոփոխված տեսքով։ Պետք է փոխարինվի երեսպատման նյութը[2]։
Մատուռի հիմնաքարը դրվել է 2016 թվականի հուլիսին՝ Դոն գետի փառատոնի ընթացքում։ Շինարարությամբ կզբաղվի «Դոնսկոյ պրիչալ» ՍՊԸ-ն սեփական միջոցներով։ 2016 թվականին մատուռի նախագիծը համաձայնեցվել է Ռուս Ուղղափառ եկեղեցու հետ։
Նախատեսվող օբյեկտի երկարությունը պետք է լինի 6 մետրից, լայնությունը՝ 6 մետրից, բարձրությունը՝ 14 մետրից ոչ ավելի։ Հյուսիս-հարավ և արևմուտք-արևելք ուղղություններով անցումները պետք է լինեն միջանցիկ[1]։ «Հարավային դարպաս» մատուռի նախագծի ճարտարապետը կլինի Ռոստովի գլխավոր ճարտարապետ Յուրի Դվոռնիկովը[3]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 «Часовня «Южные врата» на набережной появится вместо выставочного павильона». Արխիվացված է օրիգինալից 2017 թ․ նոյեմբերի 19-ին. Վերցված է 2017 թ․ հուլիսի 31-ին.
- ↑ «Часовня «Южные врата России» появится на набережной Ростова, но в изменённом виде». Արխիվացված է օրիգինալից 2017 թ․ նոյեմբերի 3-ին. Վերցված է 2017 թ․ հուլիսի 31-ին.
- ↑ «Часовня «Южные врата России» украсит набережную Ростова-на-Дону». Արխիվացված է օրիգինալից 2017 թ․ օգոստոսի 22-ին. Վերցված է 2017 թ․ հուլիսի 31-ին.