Կադմոս

Անվան այլ կիրառումների համար տե՛ս՝ Կադմոս (այլ կիրառումներ)

Կադմոս
Ծնողներ	հայր՝ Արամանյակ

Կադմոս, ըստ ավանդության՝ հայ ժողովրդի անվանադիր Հայկ Նահապետի թոռը՝ Արամանյակի որդին։ Կադմոսը Հայկից ժառանգություն է ստացել կալվածք և տուն Արարադի երկրում՝ Վանա լճից հարավ։ Երբ Ասորեստանի թագավոր Տիտանյան Բելը ներխուժում է Հայաստան, Կադմոսը շտապում է Հայք և առաջինն է Հայկին տեղեկացրում բռնակալի հարձակման մասին։ Բելի դեմ ճակատամարտում Կադմոսը՝ որպես կորովի աղեղնավոր և սուսերամարտիկ, գտնվում էր Հայկի ձախ թևում։ Բելին սպանելուց հետո Հայկը Կադմոսին պարգևում է հարուստ ավար և անվանի մարդիկ իր ընդոծիններից։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 154)։