Լևոն Սայադյան
- Վիքիպեդիայում կան հոդվածներ Սայադյան ազգանունով այլ մարդկանց մասին։
| Լևոն Սայադյան | |
|---|---|
| Անձնական տեղեկություն | |
| Սեռ՝ | արական |
| Ազգություն՝ | հայ |
| Մասնագիտացում՝ | շաշկիստ |
| Երկիր՝ |  Հայաստան |
| Ծննդյան ամսաթիվ՝ | նոյեմբերի 9, 1949 |
| Մահվան ամսաթիվ՝ | 2014 |
| Ակումբ՝ | Բանակային մարզական ակումբ |
| Մարզիչ(ներ)՝ | Վլադիմիր Թումանյան Արմեն Մարության |
Լևոն Հակոբի Սայադյան (նոյեմբերի 9, 1949 - 2014), հայազգի խորհրդային մարզիկ, շաշիստ, գրոսմայստեր, 1982 թվականի ԽՍՀՄ փոխչեմպիոն և 1983 թվականի ԽՍՀՄ չեմպիոն։
Մարզական կարիերա[խմբագրել | խմբագրել կոդը]
Լևոն Սայադյանը մանկուց զբաղվել է սիրողական շաշկիով։ 15 տարեկանում մեկնել է Երևան, որտեղ պիոներների պալատին կից՝ վարպետ Վլադիմիր Թումանյանի գլխավորությամբ սկսել է զբաղվել պրոֆեսիոնալ շաշկիով։ Հետագայում նրա մշտական մարզիչն է դարձել Արմեն Մարությանը[1]։
Համամիութենական պատանեկան թիմային մրցումներին մասնակցելու համար Լևոն Սայադյանն ընդգրկվել է ՀԽՍՀ ազգային հավաքականի կազմում։ Մրցումների ժամանակ մեծահասակների կազմում ոչ-ոքի է խաղացել ԽՍՀՄ փոխչեմպիոն Վիկտոր Լիտվինովիչի հետ։ Հետագայում Սայադյանը Արհմիությունների համամիութենական կենտրոնական խորհրդի երիտասարդական մրցաշարում զբաղեցրել է 5-րդ տեղը։
1967 թվականին Երևանում տեղի ունեցած ԽՍՀՄ առաջնության կիսաեզրափակիչ մրցաշարում 18-ամյա Լևոն Սայադյանը հաղթող է ճանաչվել։ Նա լրացրել է վարպետության նորմը և իրավունք ստացել մասնակցելու Ալմա Աթայում անցկացվող Համամիութենական առաջնության եզրափակիչին։
Հետագայում Սայադյանը բազմիցս դարձել է Հայկական ԽՍՀ չեմպիոն՝ ինչպես «Շաշկի 64», այնպես էլ «Շաշկի 100» մարզաձևերում։ Բանակային մարզական ակումբում հանդես եկող Լևոն Սայադյանը հինգ անգամ դարձել է ԽՍՀՄ զինված ուժերի անհատական առաջնությունների հաղթող և ԽՍՀՄ զինված ուժերի կազմում երկու անգամ նվաճել ԽՍՀՄ գավաթը։
1982 թվականի ԽՍՀՄ առաջնությունում նա նվաճել է արծաթե մեդալ՝ զիջելով Ալեքսանդր Կանդաուրովին։
1983 թվականին Տալլինում կայացած ԽՍՀՄ առաջնությունում, որին մասնակցել են 5 գրոսմայստեր, Սայադյանը մրցաշարի ավարտին և վերջին տուրում միավորներով հավասարվել է առաջատար Վիտալի Գաբրիելյանին (Բաքու)։ Կրկնակի հաղթանակների քանակով Սայադյանն առաջ է անցել Գաբրիելյանից և դարձել ԽՍՀՄ չեմպիոն[2][3]։
ԽՍՀՄ փլուզումից հետո 1992 թվականնին Լևոն Սայադյանը Հայաստանը ներկայացրել է Պոդոլսկում անցկացված ռուսական շաշկու աշխարհի առաջնությունում, որտեղ զբաղեցրել է 10-րդ տեղը։
Հետագայում ապրել է Ստավրոպոլի երկրամասի Միխայլովսկ քաղաքում[4]։
Լևոն Սայադյանը մահացել է 2014 թվականի ապրիլի 14-ի[5]։
Ծանոթագրություններ[խմբագրել | խմբագրել կոդը]
- ↑ Первый гроссмейстер Армении, издание=Шашки, год=1986․ номер=3, страницы=13
- ↑ Чемпионы СССР по русским шашкам среди мужчин
- ↑ Праздник шашек в старом Таллине // Шашки. — 1984. — № 3. — С. 6—
- ↑ «Там шашки в дамки продвигались» (PDF). Пятигорская правда. 29 октября 2009. Արխիվացված է օրիգինալից (PDF) 2017 թ․ դեկտեմբերի 24-ին. Վերցված է 2017 թ․ դեկտեմբերի 23-ին.
А. Старостин. (19 января 2012). «Турнир по шашкам в Кисловодске». Վերցված է 2017 թ․ դեկտեմբերի 23-ին. - ↑ Александр Кандауров (6 апреля 2014). «Не стало Левона Саядяна ...». Шашки в России. Վերցված է 2017 թ․ դեկտեմբերի 22-ին.