Լքված տիկնիկը
Լքված տիկնիկը La Poupée abandonnée | |
---|---|
տեսակ | գեղանկար |
նկարիչ | Սյուզաննա Վալադոն[1] |
տարի | 1921[1] |
բարձրություն | 129 սանտիմետր |
լայնություն | 83 սանտիմետր |
ժանր | նյու |
նյութ | յուղաներկ[1] և կտավ[1] |
գտնվում է | Կանացի արվեստի ազգային թանգարան |
հավաքածու | Կանացի արվեստի ազգային թանգարան |
պատկերված են
| |
կայք | |
Ծանոթագրություններ | |
The Abandoned Doll by Suzanne Valadon Վիքիպահեստում |
Լքված տիկնիկը (ֆր.՝ La Poupée abandonnée), Սյուզաննա Վալադոնի 1921 թվականի յուղանկարը։ Նկարը հանդիսանում է Վալադոնի հասուն շրջանի վառ օրինակ։ Գտնվում է Վաշինգտոնի Կանացի արվեստի ազգային թանգարանի հավաքածուում[2]։
Նկարը[խմբագրել | խմբագրել կոդը]
Նկարը Սյուզաննա Վալադոնի նյու ժանրի նկարներից է։ «Լքված տիկնիկը» Մարի Կոլայի (ֆր.՝ Marie Cola) և նրա դստեր Ժիլբերտայի՝ Վալադոնի զարմուհու, երկու զույգ դիմանկարներից մեկն է։
Սյուժե[խմբագրել | խմբագրել կոդը]
Նկարի թեման միանշանակ չէ։ Նկարի կենտրոնում աղջիկ է դեռևս մանկական սանրվածքով, իսկ նրա առաջ՝ նկարի առաջին պլանում գետնին նետված տիկնիկ է։ Աղջիկը սեռական հասունության է հասել և միանշանակ չէ, թե նրա մարմինը սրբիչով մաքրող կինը մայրն է, թե պոռնկատան տիրուհին։ Աղջիկը երկտեղանի մահճակալին է նստած ու շրջված իրեն է զննում ձեռքի փոքր հայելու մեջ։ Անհայտ է, թե կողքին նստած՝ լիովին հագնված կինը աղջկան օգնում է հաղթահարել անցումային շրջանի խնդիրները, թե նախապատրաստում է նրան կին դառնալու։ Գործողությունը կատարվում է շատ փոքր սենյակում։ Հեղինակը նկարի սյուժեի իմաստը բացատրող ոչ մի հուշում չի տալիս։
Տիկնիկն ու աղջիկը նույն՝ մեծ ժապավենով սանրվածքն ունեն։ Տիկնիկը նետված է և խորհրդանշում է մանկությանը հրաժեշտ տալը։ Դիտողին մնում է միայն գուշակել, թե աղջկան ինչ ճակատագիր է սպասում մեծահասակների աշխարհում[2]։
Ազդեցություն[խմբագրել | խմբագրել կոդը]
Նկարը Սյուզաննա Վալադոնի հասուն շրջանի գործերից է՝ վառ գույներով, մուգ ընգծումներով։ Մարմինների դիրքերը տարօրինակ են, ինչ-որ առումով անհարմար, պարզեցված և աղճաճված անատոմիայով։ Նման գծեր հանդիպում են Պոլ Գոգենի և Անրի Մատիսի մոտ, բայց Վալադոնը հերքում էր որևէ ազդեցություն այլ նկարիչներից, և միշտ խուսափել է իր ստեղծագործությունների ոճի դասակարգումից։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 https://nmwa.org/works/abandoned-doll
- ↑ 2,0 2,1 «The Abandoned Doll». nmwa.org. Վերցված է 2017 թ․ մարտի 20-ին.