Լենինսկի շրջան (Դոնի Ռոստով)

Վիքիպեդիայից՝ ազատ հանրագիտարանից
Լենինսկի շրջան

Զինանշան

Լենինսկի շրջանի սահմանը
ԵրկիրՌուսաստան Ռուսաստան
ԿարգավիճակՌուսաստանի քաղաքի շրջան
Մտնում էԴոնի Ռոստով
Բնակչություն80 092 մարդ
Տարածք13,0
Հիմնադրված է1920 թ.
Հեռախոսային կոդ863
Անվանված էՎլադիմիր Լենին
rostov-gorod.info/administration/territorial_unit/leninsky-district/

Լենինսկի շրջան (ռուս.՝ Ленинский район), վարչատարածքային միավոր, Ռուսաստանի Դոնի Ռոստով քաղաքի 8 շրջաններից մեկը։

Խոշոր արդյունաբերական, առևտրա-ձեռնարկատիրական, մշակութային և գիտակրթական շրջան է։ Կազմավորվել է 1920 թվականին Տեմերնիցկի անվանմամբ։ Վ. Լենինի մահից հետո այն վերանվանվել է Լենինսկի։ 1937 թվականին Լենինսկի շրջանի տարածքի մի մասը, որը գտնվում էր Տեմերնիկ գետի մոտ, փոխանցվել է Ժելեզնոդորոժնի շրջանին[1]։

Բնակչություն[խմբագրել | խմբագրել կոդը]

Բնակչության թվաքանակը
1959[2]1970[3]1979[4]1989[5]2002[6]2009[7]2010[8]
112 081↘103 837↘90 634↘79 855↗81 827↘77 495↗78 446
2012[9]2013[10]2014[11]2015[12]2016[13]2017[14]2018[15]
↗79 406↗80 240↗80 887↗81 489↗81 916↗82 173↘81 779
2019[16]2020[17]2021[18]
↘81 241↘80 805↘79 649

Տնտեսություն[խմբագրել | խմբագրել կոդը]

Ձեռնարկությունների, կազմակերպությունների, հիմնարկների ընդհանուր թիվը 5605 է, այդ թվում՝ ոչ պետական՝ 5450։ Շրջանի արդյունաբերական ներուժի հիմքը կազմում են 22 խոշոր և միջին ձեռնարկություններ՝ «Ռոստովի հացամթերքի կոմբինատը», «Դոնի կաշվի», «Դոնի աղյուս», «Ագաթ» գործարանը, «Դոնի գոֆրոտարա», «Ռոստովէներգո» և այլ ընկերություններ։

Կրթություն[խմբագրել | խմբագրել կոդը]

Լենինսկի շրջանը հատուկ տեղ է զբաղեցնում Դոնի Ռոստովի կրթության ոլորտում. շրջանում կա 5 բուհ՝ Ռոստովի պետական ճարտարապետական ինստիտուտը, Ռոստովի Ս. Ռախմանինովի անվան պետական կոնսերվատորիան, Պետական ծառայության հյուսիսկովկասյան ակադեմիան, Ռուսաստանի մաքսային ակադեմիայի Ռոստովի մասնաճյուղը և 5 քոլեջներ՝ շինարարական, ֆինանսատնտեսագիտական, կապի և ինֆորմատիկայի, ռադիոընդունիչների, ավտոճանապարհային, կինոյի և հեռուստատեսության տեխնիկում, երկաթուղային տրանսպորտի տեխնիկում։ Մեծ ուշադրություն է դարձվում դպրոցական և նախադպրոցական հաստատություններին, այսպես, 2005 թվականին շահագործման է հանձնվել № 70 դպրոցի մարզական համալիրը։ Սա Դոնի Ռոստովի առաջին դպրոցական մարզադաշտն է, որի նախագիծը կատարվել է եվրոպական չափանիշներով։

Մշակույթ[խմբագրել | խմբագրել կոդը]

Լենինսկի շրջանը մշակութային խոշոր կենտրոն է, այստեղ կենտրոնացած են մշակութային հիմնական հաստատությունները՝ Սպորտի պալատը, Երիտասարդության ստեղծագործական պալատը, Շինարարական մշակույթի պալատը, «Էներգետիկը» և Կիմ Նազարեթովի անվան կրթամշակութային երաժշտական կենտրոնը։ Տարբեր սերունդների և տարիքի մարդիկ այցելում են Մ. Գորկու անվան մշակույթի և հանգստի կենտրոնական զբոսայգի։

Շրջանի տարածքում գտնվում են ճարտարապետության, պատմության և մշակույթի 268 հուշարձաններ։

Շրջանի ճարտարապետություն[խմբագրել | խմբագրել կոդը]

«Օլիմպ Թաուերս» բնակելի համալիրը Դոնի Ռոստովի ամենաբարձր շենքն է։

Շրջանի պատմական կառուցապատումը ներկայացված է ժամանակակից չափանիշներով «առևտրային կառուցապատման» ցածրահարկ շենքերով։ Շատ շենքեր, այդ թվում՝ հուշարձանների կարգավիճակ ունեցող, մաշվածության բարձր գործընթացում են։ Շրջանի նոր կառուցապատումն իրականացվում է և՛ համալիր, և՛ առանձին ձևով։ Քիչ չեն ճարտարապետական տեսանկյունից անհաջող առանձին շինությունների օրինակները, որոնցից ամենաակնառուն «Վաճառականական տուն» բիզնես-կենտրոնն է։ 2004 թվականին Սուրբ Աստվածածին տաճարի տարածքում կառուցվել է զանգակատուն, այդ տաճարի մոտ 1999 թվականի սեպտեմբերին կանգնեցվել է Ռոստովի հիմնադիր Դիմիտրի Ռոստովսկու հուշարձանը։ 2000 թվականի հոկտեմբերի 4-ին՝ այն օրը, երբ ձեռք են բերվել Սուրբ Դմիտրիի մասունքները, Մարտի ութի այգում դրվել է մի քար՝ որպես կառուցվելիք տաճարի հիմք։ Տաճարի կառուցման հետ միասին բարեկարգվել է այգու տարածքը։ 2009 թվականից Լենինսկի շրջանում է քաղաքի ամենաբարձր շենքը՝ 92 մետր առավելագույն բարձրությամբ 23-24-հարկանի տներով «Օլիմպ Թաուերս» համալիրը, որը Գվարդեյսկի հրապարակի շրջանում է[19]։

Ծանոթագրություններ[խմբագրել | խմբագրել կոդը]

  1. ↑ «История района». Արխիվացված է օրիգինալից 2013 թ․ դեկտեմբերի 3-ին. Վերցված է 2012 թ․ փետրվարի 10-ին.
  2. ↑ «Всесоюзная перепись населения 1959 года. Численность городского населения РСФСР, её территориальных единиц, городских поселений и городских районов по полу» (ռուսերեն). Демоскоп Weekly. Արխիվացված է օրիգինալից 2013-05-28-ին. Վերցված է 2013-09-25-ին.
  3. ↑ «Всесоюзная перепись населения 1970 года Численность городского населения РСФСР, ее территориальных единиц, городских поселений и городских районов по полу» (ռուսերեն). Демоскоп Weekly. Արխիվացված է օրիգինալից 2013-09-29-ին. Վերցված է 2013-09-25-ին.
  4. ↑ «Всесоюзная перепись населения 1979 года Численность городского населения РСФСР, ее территориальных единиц, городских поселений и городских районов по полу» (ռուսերեն). Демоскоп Weekly. Արխիվացված օրիգինալից 2021-11-07-ին. Վերցված է 2013-09-25-ին.
  5. ↑ «Всесоюзная перепись населения 1989 г. Численность городского населения РСФСР, ее территориальных единиц, городских поселений и городских районов по полу» (ռուսերեն). Արխիվացված է օրիգինալից 2011-09-26-ին.
  6. ↑ «Всероссийская перепись населения 2002 года. Том. 1, таблица 4. Численность населения России, федеральных округов, субъектов Российской Федерации, районов, городских поселений, сельских населённых пунктов - райцентров и сельских населённых пунктов с населением 3 тысячи и более» (ռուսերեն). Արխիվացված է օրիգինալից 2012-02-03-ին.
  7. ↑ «Численность постоянного населения Российской Федерации по городам, посёлкам городского типа и районам на 1 января 2009 года» (ռուսերեն). Արխիվացված է օրիգինալից 2015-05-18-ին. Վերցված է 2014-01-02-ին.
  8. ↑ Итоги Всероссийской переписи населения 2010 года. Том 1. Численность и размещение населения Ростовской области
  9. ↑ «Численность населения Российской Федерации по муниципальным образованиям. Таблица 35. Оценка численности постоянного населения на 1 января 2012 года» (ռուսերեն). Արխիվացված է օրիգինալից 2013-05-16-ին. Վերցված է 2014-05-31-ին.
  10. ↑ «Численность населения Российской Федерации по муниципальным образованиям на 1 января 2013 года» (ռուսերեն). М.: Федеральная служба государственной статистики Росстат. 2013. Արխիվացված է օրիգինալից 2013-10-12-ին. Վերցված է 2013-11-16-ին.{{cite web}}: CS1 սպաս․ location (link)
  11. ↑ «Таблица 33. Численность населения Российской Федерации по муниципальным образованиям на 1 января 2014 года» (ռուսերեն). Արխիվացված է օրիգինալից 2014-08-10-ին. Վերցված է 2014-08-02-ին.
  12. ↑ «Численность населения Российской Федерации по муниципальным образованиям на 1 января 2015 года». Արխիվացված է օրիգինալից 2015-08-06-ին. Վերցված է 2015-08-06-ին.
  13. ↑ Численность населения Российской Федерации по муниципальным образованиям на 1 января 2016 года
  14. ↑ «Численность населения Российской Федерации по муниципальным образованиям на 1 января 2017 года». 2017-07-31. Արխիվացված է օրիգինալից 2017-07-31-ին. Վերցված է 2017-07-31-ին.
  15. ↑ «Численность населения Российской Федерации по муниципальным образованиям на 1 января 2018 года». Արխիվացված է օրիգինալից 2018-07-26-ին. Վերցված է 2018-07-25-ին.
  16. ↑ «Численность населения Российской Федерации по муниципальным образованиям на 1 января 2019 года». Վերցված է 2019-07-31-ին.
  17. ↑ «Численность населения Российской Федерации по муниципальным образованиям на 1 января 2020 года» (ռուսերեն). Արխիվացված օրիգինալից 2020-10-17-ին. Վերցված է 2020-10-17-ին.
  18. ↑ «Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более» (XLSX) (ռուսերեն). Արխիվացված օրիգինալից 2022-09-01-ին. Վերցված է 2022-09-01-ին.
  19. ↑ Высотные здания Ростова

Արտաքին հղումներ[խմբագրել | խմբագրել կոդը]

Ստացված է «https://hy.wikipedia.org/w/index.php?title=Լենինսկի_շրջան_(Դոնի_Ռոստով)&oldid=9420314» էջից