Էրվին Սաբոյի անվան քաղաքային գրադարան
_111.jpg) | |
| Երկիր | .svg){kind=small} Հունգարիա |
|---|---|
| Տեսակ | հանրային գրադարան և գրադարանային համակարգ |
| Անվանված է | Ervin Szabó? |
| Հավաքածուներ | |
| Չափ | 2 157 643 հատոր[1] |
| Այլ տվյալներ | |
| Կայք | fszek.hu(հունգարերեն)(անգլ.) |
Էրվին Սաբոյի անվան քաղաքային գրադարան (հունգ.՝ Fővárosi Szabó Ervin Könyvtár), գրադարանների խոշոր հանրային ցանց Բուդապեշտում։ Գլխավոր շենքը գտնվում է Բուդապեշտի Յորժեֆվարշոն պատմական շրջանում՝ Էրվին Սաբոյի անվան հրապարակում, Կալվին տեր մետրոյի հրապարակին կից։
Պատմություն[խմբագրել | խմբագրել կոդը]
Գրադարանը հիմնադրվել է 1904 թվականին[2]։ 1927 թվականին գրադարանի համար տարածք է հատկացվել Վենկհեյմ (Wenckheim) ընտանիքի պալատից, որը 19-րդ դարի Յորժեֆվարշոն պատմական շրջանի ճարտարապետական հուշարձաններից է։ Չորս տարի վերանորոգումից հետո գրադարանը նոր շենքում բացվել է 1931 թվականին[3]։ Գրադարանի ֆոնդերի ավելացմանը զուգընթաց՝ Վենկհեյմյան պալատին կից կառուցվեցին մի քանի ժամանակակից կառույցներ, որոնք պատմական կառույցի հետ միասին դարձան մեկ ընդհանուր համալիր։ Բացի գլխավոր շենքը, քաղաքային գրադարանի ցանցի կազմի մեջ են մտնում նաև շուրջ 50 ոչ մեծ գրադարաններ, որոնք գտնվում են Բուդապեշտի տարբեր շրջաններում[4]։
Յորժեֆվարշոն շրջանում են գտնվում մեծ թվով ուսումնական հաստատություններ, այդ թվում՝ Բուդապեշտի համալսարանը, Զեմելվայսի անվան համալսարանը, Գասպար Կարոլիի անվան բողոքական համալսարանը, Պյոտր Պազմանի անվան կաթոլիկ համալսարանը և մի շարք այլ հաստատություններ։ Այս հաստատությունների ուսանողները լայնորեն օգտվում են գրադարանի գլխավոր մասնաշենքից[3]։
Գրադարանն անվանվել է հունգար սոցիալ-դեմոկրատական գործիչ Էրվին Սաբոյի անունով, ով եղել է գրադարանի առաջին տնօրենը։ 2010 թվականին աջակողմյան ուժերն առաջարկել են գրադարանը անվանափոխել՝ Սաբոյին համարելով «կոմունիստական գաղափարախոս» և «տոտալիտար ձախակողմյան մտավորական»[5], սակայն Հունգարիայի մշակույթի և արվեստի մի խումբ գործիչներ դեմ են արտահայտվել անվանափոխմանը, և գրադարանը շարունակել է կոչվել Էրվին Սաբոյի անունով։
1904 թվականին գրադարանի գրացուցակում եղել է 33 000 գիրք, 2010 թվականին գրադարանի հավաքածուն կազմել է 3 217 759 փաստաթուղթ, որից 2 372 540 գիրք՝ և պարբերական, 6 437 քարտեզներ, 53 389 պարտիտուրաներ, 147 861 աուդիո նյութեր[2]։
Ծանոթագրություններ[խմբագրել | խմբագրել կոդը]
- ↑ 1,0 1,1 https://fszek.hu/uploads/jbr8nxTjv6WAX6qSn4caU9dBFAcqodVS.pdf
- ↑ 2,0 2,1 The Metropolitan Ervin Szabo Library. Introduction
- ↑ 3,0 3,1 The Metropolitan Ervin Szabo Library. The history of the library
- ↑ List of libraries
- ↑ «Egy öntörvényű baloldali értelmiségi». Արխիվացված է օրիգինալից 2013 թ․ դեկտեմբերի 15-ին. Վերցված է 2016 թ․ դեկտեմբերի 5-ին.
Արտաքին հղումներ[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Էրվին Սաբոյի անվան քաղաքային գրադարան» հոդվածին։ |
| ||||||||||||
