Էրին Բրեդի
| Էրին Բրեդի | |
|---|---|
.jpg) | |
| Ծնվել է | նոյեմբերի 5, 1987 (36 տարեկան) |
| Ծննդավայր | East Hampton |
| Քաղաքացիություն |  ԱՄՆ |
| Կրթություն | Central Connecticut State University? |
| Մասնագիտություն | գեղեցկության մրցույթի մասնակից և մոդել |
 Erin Brady Վիքիպահեստում | |
Էրին Բրեդի (անգլ.՝ Erin Brady, նոյեմբերի 5, 1987, East Hampton), ամերիկացի, «Միսս ԱՄՆ 2013» գեղեցկության մրցույթի հաղթող[1] և «Միսս Տիեզերք 2013»-ի մասնակից։
Միսս ԱՄՆ 2013[խմբագրել | խմբագրել կոդը]
2013 թվականի հունիսի 16-ին Նևադա նահանգի Լաս Վեգաս քաղաքում կայացած «Միսս ԱՄՆ 2013» գեղեցկության մրցույթին Էրինը ներկայացրել է Կոնեկտիկուտ նահանգը և վերջնարդյունքում հաղթել է։
Մրցույթի եզրափակիչ փուլում Էրիին վիճակված էր պատասխանել մի բարդ հարցի, այն է՝ արդյոք ինքը պաշտպանում է ԱՄՆ Գերագույն դատարանի որոշումը, որի համաձայն՝ ոստիկանությանը թույլ է տրվել սովորական ստուգումների շրջանակներում ԴՆԹ-ի անալիզ վերցնել ձերբակալվածներից։ Բրեդիի խոսքերով՝ ինքը համաձայն է, քանի որ ձերբակալվածները հանցագործություն են կատարել։
Միսս Տիեզերք 2013[խմբագրել | խմբագրել կոդը]
Իստ Հեմփթոնի 25-ամյա բնակչուհին, ում հմայքը, սրամտությունը, սպորտային կազմվածքը և մաքուր ամերիկական գեղեցկությունը թույլ տվեցին շրջանցել ցանկալի թագը և տիտղոսը գրավելու գործում 50 այլ հիանալի մասնակիցների, լիազորվեց «Միսս Տիեզերք» գեղեցկության մրցույթում ներկայացնել ԱՄՆ-ն։ Մրցույթը տեղի է ունեցել 2013 թվականի նոյեմբերի 9-ին՝ Մոսկվայում, որտեղ նրա հետ մրցակցում էին 85 երկրների մասկակիցներ։ Նա մտավ լավագույն տասնյակի մեջ։
Կենսագրություն[խմբագրել | խմբագրել կոդը]
Էրինը ծնվել է 1987 թվականի նոյեմբերի 5-ին, Իստ Հեմփսոնում՝ Կոնեկտիկուտում, ընտանիքում, որտեղ չարաշահվում էր խմիչքը և թմրանյութը, այդ պատճառով նա նպատակ է դնում օգնել այդ պայմաններում հայտնված երեխաներին։
Ավարտել է Կոնեկտիկուտի կենտրոնական համալսարանը՝ ստանալով ֆինանսիստի մասնագիտությունը, «Միսս ԱՄՆ» գեղեցկության մրցույթում հաղթելուց հետո հայտարարել է ընկերությունից հեռանալու մասին, որտեղ նա աշխատում էր որպես հաշվապահ։
Իր կյանքը Էրինը ցանկանում է նվիրել երեխաներին ալկոհոլիզմից և թմրամոլությունից պաշտպանելու համար։ Էրին Բրեդին արդեն իսկ ապացուցել է իր ձգտումը գործնականում՝ աշխատելով մանկական հիվանդանոցի հետ։
Էրին Բրեդիի անվանակիցը «Aerosmith» խմբի լիդերի՝ Սթիվեն Թայլերի ընկերուհին է, որը հայտնի է թմրանյութերի նկատմամբ հակվածությամբ։
Էրինի հարսանիքը տեղի է ունեցել 2014 թվականի դեկտեմբերի 13-ին, իր երկարամյա ընկերոջ՝ Թոնի Կապասոուի հետ։
Ծանոթագրություններ[խմբագրել | խմբագրել կոդը]
- ↑ Sorich, Sonya (2013 թ․ հունիսի 16). «Miss USA 2013 results: Miss Connecticut Erin Brady is winner, Miss Alabama Mary Margaret McCord is first runner-up». Ledger Enquirer. Columbus, GA. Արխիվացված է օրիգինալից 2013 թ․ դեկտեմբերի 3-ին. Վերցված է 2014 թ․ հունվարի 12-ին.
Արտաքին հղումներ[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Էրին Բրեդի» հոդվածին։ |
| ||||||
