Էմին Հուսեյնով (տնտեսագետ)
| Էմին Հուսեյնով ադրբ.՝ Emin Zamin oğlu Hüseynov | |
|---|---|
 | |
| Ծնվել է | նոյեմբերի 12, 1974 (49 տարեկան) |
| Ծննդավայր | Սումգայիթ, Ադրբեջանական ԽՍՀ, ԽՍՀՄ |
| Գիտական աստիճան | Տնտեսական գիտությունների թեկնածու |
| Ծնողներ | հայր՝ Zamin Hüseynov? |
Էմին Զամին օղլու Հուսեյնով (ադրբ.՝ Emin Zamin oğlu Hüseynov, նոյեմբերի 12, 1974, Սումգայիթ, Ադրբեջանական ԽՍՀ, ԽՍՀՄ), տնտեսագետ, տնտեսագիտության փիլիսոփայության դոկտոր, ֆինանսների նախկին փոխնախարար, Ադրբեջանի առաջին փոխնախագահի օգնական, Աղդամի շրջանում Ադրբեջանի նախագահի հատուկ ներկայացուցիչ։
Կենսագրություն[խմբագրել | խմբագրել կոդը]
Էմին Հուսեյնովը ծնվել է 1974 թվականի նոյեմբերի 12-ին Սումգայիթում։ 1992 թվականին ընդունվել է Ադրբեջանի պետական տնտեսական ինստիտուտի կոմերցիոն ֆակուլտետը և ձեռք բերել միջազգային տնտեսական հարաբերություններ մասնագիտությունը[1]։ Այնուհետեւ ուսումը շարունակել է ԱՄՆ-ի Ֆլորիդայի համալսարանում եւ 1998 թվականին ստացել տնտեսագիտության մագիստրոսի կոչում։ 2009 թվականին Քենեդին Հարվարդի դպրոցում ստացել է պետական կառավարման երկրորդ մագիստրոսի կոչումը։ 2014 թվականին ստացել է տնտեսագիտության թեկնածուի գիտական աստիճան։
Գործունեություն[խմբագրել | խմբագրել կոդը]
Էմին Զամին Գուսեյնովը 1998-2001 թվականներին եղել է Ադրբեջանում Համաշխարհային բանկի մշտական ներկայացուցչության տնտեսագետ, 2001-2003 թվականներին՝ Ադրբեջանում Արժույթի միջազգային հիմնադրամի մշտական ներկայացուցչությունում, 2003-2005 թվականներին կրկին աշխատել է Համաշխարհային բանկի ադրբեջանական ներկայացուցչությունում[2][3]։ 2005-2010 թվականներին աշխատել է Ադրբեջանի Հանրապետության կենտրոնական բանկում տարբեր պաշտոններում։ Նա Ադրբեջանի միջազգային բանկի, ինչպես նաև Ադրբեջանի պետական նավթային ընկերության վերահսկիչ խորհրդի անդամ էր[4]։ 2013-2016 թվականներին եղել է Ադրբեջանի դիվանագիտական ակադեմիայի ռազմավարության և զարգացման գծով պրոռեկտոր։ 2016 թվականի մարտին Ադրբեջանի նախագահի «Ազգային տնտեսության և տնտեսության հիմնական ոլորտների ռազմավարական ճանապարհային քարտեզները հաստատելու մասին» հրամանագրի հիման վրա նա ընդգրկվել է աշխատանքային խմբում։ 2016 թվականի հունիսի 28-ին նշանակվել է Ադրբեջանի ֆինանսների փոխնախարար[5][6][7]։ 2018 թվականին նա նշանակվել է Ադրբեջանի առաջին փոխնախագահի օգնական։ 2021 թվականի մայիսի 24-ին Ադրբեջանի նախագահը Էմին Հուսեյնովին նշանակել է Աղդամի տարածաշրջանում իր հատուկ ներկայացուցիչ։
Ընտանիք[խմբագրել | խմբագրել կոդը]
Էմին Զամին Հուսեյնովը ամուսնացած է, ունի 3 երեխա։
Ծանոթագրություններ[խմբագրել | խմբագրել կոդը]
- ↑ «Müşahidə Şurası — Emin Hüseynov». socar.az (ադրբեջաներեն). Արխիվացված է օրիգինալից 2021 թ․ սեպտեմբերի 1-ին. Վերցված է 2021 թ․ սեպտեմբերի 1-ին.
- ↑ «Наблюдательный Совет». ibar.az (ադրբեջաներեն). Վերցված է 2021 թ․ մայիսի 24-ին.
- ↑ «Утвержден состав Наблюдательного совета Государственной нефтяной компании Азербайджана». Trend.Az (ռուսերեն). 2021 թ․ հունվարի 23. Վերցված է 2021 թ․ մայիսի 24-ին.
- ↑ «Назначен новый замминистра финансов Азербайджана (версия 2)». Trend.Az (ռուսերեն). 2016 թ․ հունիսի 28. Վերցված է 2021 թ․ մայիսի 24-ին.
- ↑ «Секретариат Первого вице-президента Азербайджанской Республики». ru.president.az (ռուսերեն). Վերցված է 2021 թ․ մայիսի 24-ին.
- ↑ «Назначены новые помощники первого вице-президента Азербайджана Мехрибан Алиевой». vestikavkaza.ru (ռուսերեն). Վերցված է 2021 թ․ մայիսի 24-ին.
- ↑ «Назначен спецпредставитель президента Азербайджана в Агдамском районе». report.az (ռուսերեն). Վերցված է 2021 թ․ մայիսի 24-ին.