Զիբենե, Զիբենեսոլ, Զիբանա, գետ Հայկական լեռնաշխարհում։ Միանալով Արղանային՝ կազմում է Արևմտյան Տիգրիսը։ Երկարությունը 78,5 կմ է։ Սկիզբ է առնում Հայկական Տավրոսի արևմտյան մասի հարավային լանջերից։ Ակունքի շրջանում հոսում է ստալակտիտային բնական թունելով։ Սնումը ձնաանձրևային է, հորդանում է մարտից մայիս։ Նկատելի են աշնանային և ձմեռային վարարումները։ Զիբենեն այժմ կոչվում է Բերկլինգյուլկարնեյն։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 688)։
Թուրքիա
