Զբոսաշրջությունը Նոր Զելանդիայում
Զբոսաշրջությունը Նոր Զելանդիայի եկամտի ամենամեծ աղբյուրն է։ 2013 թվականի փետրվարի դրությամբ՝ տարեկան, այստեղ են գալիս ավելի քան 2,5 միլիոն զբոսաշրջիկ[1]։ Նոր Զելանդիան գովազդվում է զբոսաշրջիկներին, որպես երկրագնդի մաքուր կանաչ անկյուն։ Առավել հեղինակավոր երթուղիների առկայությունը պայմանավորվում է բնության տեսարժան վայրերով, ինչպիսին են՝ Ֆորդլենդ, Աբել Թասման, Տոնգառիրո և Մաունթ Կուկ ազգային պարկերը։ Նոր Զելանդիայում զբոսաշրջիկների համար ավելի ցանկալի ատրակցիոնը բանջի-ջամփինգն է։
Զբոսաշրջիկների մեծ մասը Նոր Զելանդիա է գալիս Օքլենդ օդանավակայանով։ Երկրով ճամփորդելու առավել հետաքրքիր ուղղություններն են՝ Ֆորդլենդը, մասնավորապես՝ Միլֆորդ Սաունդը, Կուինսթաուն, Բեյ օֆ Այլենդսը, Ռոտորուան, Վայտոմոի քարանձավները, ինչպես նաև Հարավային կղզում գտնվող Ֆրանց Իոսիֆի և Ֆոքսի սառցադաշտերը։
Միջազգային զբոսաշրջություն[խմբագրել | խմբագրել կոդը]
Նոր Զելանդիան՝ համաձայն թանկարժեք ճանապարհորդությունների գծով մասնագիտացած «Condé Nast Traveler» ամսագրի հարցումների, ամենացանկալի հանգստյան վայրերից մեկն է։ 2008 թվականին Նոր Զելանդիան այս հարցման արդյունքներում առաջինն էր, իսկ 2009 թվականին դարձավ երկրորդը[2]։ 2007 թվականին The Daily Telegraph հրատարակչության կողմից, որը նմանատիպ հարցումների գծով խոշորագույնն է Մեծ Բրիտանիայում, Նոր Զելանդիան ճանաչվել է հանգստի համար լավագույն վայրը։ Այն պահից սկսած, երբ կազմակերպությունը սկսեց օգնել զբոսաշրջությանը, Նոր Զելանդիա եկողների մեջ բրիտանացիները քանակը հասավ 61 տոկոսի[3]։ Երկրի խոշորագույն զբոսաշրջային գործակալություն «Tourism New Zealand»-ը առաջ է տանում տուրեր Նոր Զելանդիայում, այլ երկրներում։ Օրինակ՝ Չինաստանում առաջխաղացման համար ընկերությունը ծախսեց 7 միլիոն նորզելանդական դոլար[4]։ Նոր Զելանդիան դարձավ առաջին երկիրը, որը սկսեց համագործակցել «Google Earth»-ի հետ երկրի զբոսաշրջային քարտեզը «Google»-ում ստեղծելու գործում[5]։
11 երկիր, որտեղից առավել շատ են կարճաժամկետ այցելությունները Նոր Զեկանդիա.
Էկոլոգիա[խմբագրել | խմբագրել կոդը]
Անընդհատ ավելացող ավիափոխադրումների ազդեցությունը շրջակա միջավայրի վրա և հասարակության արձագանքը կարող են կանգնեցնել Նոր Զելանդիայի զբոսաշրջության աճը։ Այնուամենայնիվ Նոր Զելանդիայի զբոսաշրջության նախարարությունը՝ զբոսաշրջիկների քանակի, տարեկան 4 տոկոս աճ է արձանագրում[6]։
Տրանսպորտ[խմբագրել | խմբագրել կոդը]
Նոր Զելանդիան ունի օդանավակայանների ճյուղավորված ցանց։ Դրանք կան երկրի բոլոր խոշոր քաղաքներում, ինչը երկրում տեղաշարժվելը դարձնում է արագ և հարմարավետ։ Կրայստչյորչից Օկլենդ (Հարավային կղզուց Հյուսիսայն կղզի) թռիչքը տևում է 1 ժամ 20 րոպե։ Հիմնական ներքին ավիափոխադրողները «Air New Zealand» և «Jetstar» ընկերություններն են։ Սրանց կանոնավոր թռիչքները լրացնում են չարթերային ավիաընկերությունները և օդային տուրօպերատորները։
Նոր Զելանդիայի երկաթուղիների ձգվածությունը ընդհանրապես մեծ չէ՝ 3898 կմ։ Երկրի գլխավոր լաստանավով գետանցը գտնվում է Կուկի նեղուցում, որը միացնում է Հյուսիսային կղզում գտնվող Վելինգտոնը Պիկտոնին։ Լաստանավը նավ է, որը տեղափոխում է մարդկանց և ավտոտրանսպորտ՝ ավտոմեքենաներ, մոտոցիկլետներ, հեծանիվներ, ավտոտներ (campervans)։ Ավտոմեքենաների վարձույթի կազմակերպությունների մեծ մասը, չեն թույլատրում ինքնուրույն իրականացնել մեքենաների լաստանավային փոխադրումներ։ Կոկի նեղուցում աշխատում են երկու հիմնական օպերատորներ՝ «Interislander» և «BlueBridge»։ Նրանք լաստանավոյին փոխադրումներ են իրականացնում ամեն օր, նույնիսկ տոն օրերին կախված եղանակային պայմաններից։ Ճանապարհորդությունը մի կղզուց մյուսը տևում է 3 ժամ 20 րոպե։
Ներքին զբոսաշրջություն[խմբագրել | խմբագրել կոդը]
Զբոսաշրջային կազմակերպությունները պարբերաբար ակցիաներ են կազմակերպում Նոր Զելանդիայի բնակիչների համար երկրի ներսում շրջագայելու համար։ Նմանատիպ ակցիաներ է արվում, քանի որ բնակիչները մեծ մասը գերադասում են հանգստանալ Ավստրալիայում և այլ երկրներում[7]։ Ըստ Նոր Զելանդիայի զբոսաշրջության նախարարության տվյալների՝ տարեցտարի ներքին զբոսաշրջությունից ստացված եկամուտ ավելանում է 1-1,5 տոկոսով[7]։
Զվարճալիքներ[խմբագրել | խմբագրել կոդը]
Նոր Զելանդիայում զբոսաշրջիկների առավել տարածված զվարճալիքներից են՝ տեսարժան վայրերի այցելությունը, հանգստի էքստրեմալ տեսակներով զբաղվելը և հետիոտն զբոսաշրջությունը։ Ակտիվ հանգստի զարգացման նպատակով Նոր Զելանդիայում ներդրվել են տարբեր հետիոտն ճանապարհներ, որոնցից շատերի ստեղծմանը աջակցել է Նոր Զելանդիայի շրջակա միջավայրի պահպանության դեպարտամենտը։ Նմանատիպ ուղիներից առավել հեղինակավոր են Միլֆորդի արահետը (Milford Track), երկրի ամբողջ երկայնքով ձգվող, հետիոտն ճանապարհ՝ Տե Առարոան (Te Araroa Trail)[8] և Նորզելանդական հեծանվային ուղին (The New Zealand Cycle Trail)[9]։ Նոր Զելանդիայում թափ են առնում նաև էլիտար և էկո զբոսաշրջությունները[10]։
Ծանոթագրություններ[խմբագրել | խմբագրել կոդը]
- ↑ «Официальная статистика Министерства бизнеса, инноваций и труда»
- ↑ Travellers name NZ second-best destination — The New Zealand Herald, Friday 04 September 2009
- ↑ UK readers vote NZ best holiday destination(չաշխատող հղում) — The New Zealand Herald, Saturday 01 December 2007
- ↑ $7m more to sell NZ to China(չաշխատող հղում) — The New Zealand Herald, Thursday 10 May 2007
- ↑ NZ’s 100 % Pure and Google Earth in world first(չաշխատող հղում) — New Zealand Herald, Thursday 12 April 2007
- ↑ NZ tourism strikes long-haul snag(չաշխատող հղում) — The New Zealand Herald, Monday 03 September 2007
- ↑ 7,0 7,1 Stay in NZ, urges tourism industry(չաշխատող հղում) — The New Zealand Herald, Sunday 16 September 2007
- ↑ «Информация о пешеходной трассе Те Арароа»
- ↑ «Информация о Новозеландском Велосипедном Маршруте»
- ↑ «Информация об элитном туризме в Новой Зеландии Արխիվացված 2013-03-16 Wayback Machine»
Արտաքին հղումներ[խմբագրել | խմբագրել կոդը]
- Նոր Զելանդիայի տուրիզմի նախարարություն (անգլ.)
- Զբոսաշրջությունը Նոր Զելանդիայում (անգլ.)
- Նոր Զելանդիայի տուրիստական կայք (անգլ.)