Ելեչ (ամրոց)

Ելեչ սերբ.՝ Јелеч
Նկարագրություն
Տեղագրություն	Սերբիա
Վարչական միավոր	Նովի Պազար
Երկիր	Սերբիա
Շինանյութ	քար

Ելեչի ամրոց (սերբ.՝ Јелеч), միջնադարյան ամրոց Սերբիայում։ Տեղակայված է երկրի հարավում՝ Նովի Պազար քաղաքից 12 կմ հարավ։

Պատմություն

Ելեչ ամրոցի ստեղծման պատմությունը հայտնի չէ։ Առաջին անգամ ամրոցի մասին հիշատակվել է բյուզանդական պատմիչ Յաննիս Կինապոսի կողմից՝ 1149 թվականին։ Այնտեղ նշվում է, որ Բյուզանդիայի կայսր Մանուելը գրավել և ոչնչացրել է Ռաս Ելեչ քաղաքը։

Քաղաքի մասին հիշատակված է նաև սերբ արքեպիսկոպոս Դանիելո II-ի աշխատությունում։ 1394 թվականին քաղաքն ու ամրոցը գրավվել է թուրք զավթիչների կողմից։ Այն դարձել է Ելեչի վիլայեթի վարչական կենտրոնը։ 1530 թվականին Ելեչը հիշատակված է, որպես ամրոց։

Ավստրո-թուրքական պատերազմի ընթացքում՝ 1690 թվականին, ամրոցը վերակառուցվել է, քանի որ այն վնասվել էր ավստրիական գրոհների արդյունքում։ 18-րդ դարում այն եղել է կիսավեր վիճակում, իսկ 19-րդ դարում՝ ամբողջովին ավերված։

Ներկայումս այն պատմամշակութային հուշարձան է Սերբիայի տարածքում։

Ծանոթագրություններ

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ելեչ (ամրոց) կատեգորիայում։