Դեյվիդ Բերկովից

Վիքիպեդիայից՝ ազատ հանրագիտարանից
Դեյվիդ Բերկովից
David Berkowitz
Ծնվել է հունիսի 1, 1953({{padleft:1953|4|0}}-{{padleft:6|2|0}}-{{padleft:1|2|0}}) (61 տարեկան)
Ծննդավայր Նյու Յորք
Քաղաքացիություն Flag of the United States.svg ԱՄՆ
Ստորագրություն 1st Son of Sam letter.jpg

Դեյվիդ Ռիչարդ Բերկովից (անգլ.՝ David Richard Berkowitz, ծնված՝ հունիսի 1, 1953 թ.), այլ կերպ հայտնի որպես «Սեմի որդի» և «0.44 տրամագծով մարդասպան» ամերիկացի սերիական մարդասպան, ով 1976 թ.-ի հուլիսից մինչև 1977 թ.-ի օգոստոս ամիսները Նյու Յորքում սպանել է 6 հոգու և վիրավորել 7-ի։

1977 թ.-ից առ այսօր Բերկովիցը կրում է ցմահ ազատազրկման պատիժը։ Բերկովիցն ավելի ուշ պնդում է, որ նա կատարել էր այդ ոճիրները Սատանայի պատվերով, ով մտել էր հարևանի շան մեջ։ Հետագայում նա խոստովանում է, որ կարճ ժամանակով եղել է սատանիստական խմբակցության անդամ։

Կենսագրություն[խմբագրել]

Ծնվել է որպես Ռիչարդ Դեյվիդ Ֆալկո` Նյու Յորքի Բրուկլին թաղամասում։ Մայրը` ոմն Բեթի Բրոդեր ամուսնացած է լինում Էնթընի Ֆալկո անունով մի քաղաքացու հետ։ Ամուսնական զույգի մոտ ծնվում է մի աղջիկ, որից հետո ամուսինները բաժանվում են, ընդ որում՝ առանց օրինական փաստաթղթերի։ Դրանից հետո Բեթի Բրոդերը անկանոն սեռական կապերի մեջ է մտնում մի ամուսնացած տղամարդու հետ, և որպես արդյունք, ծնվում է Դեյվիդը, ով հայտնվում է մանկատանը։ Նրան որդեգրում են ամուսիններ Փերլ և Նաթան Բերկովիցները, ովքեր ի վիճակի չէին իրենց սեփական երեխան ունենալու։

Դեյվիդը մեծանում է ջերմ մթնոլորտում, լավ է սովորում դպրոցում և սիրով լցվում բասկետբոլ սպորտաձևի հանդեպ, սակայն լինելով բավականին ամաչկոտ՝ չէր կարողանում խորը հարաբերություններ հաստատել հակառակ սեռի ներկայացուցիչների հետ։

13 տարեկան հասակում կորցնում է մորը, որը շատ բացասական ազդեցություններ է ունենում հոգեբանական հավասարակշռության վրա։

1971 թ.-ին 18-ամյա Բերկովիցը միանում է ԱՄՆ զինված ուժերին և ուղարկվում Կորեա` այնտեղ անցկացնելով 3 տարի։

1974 թ.-ին Բերկովիցը կարողանում է գտնել կենսաբանական մորը։ Մի քանի այց հետո նա պարզում է ողջ ճշմարտությունը իր մասին, որը խորը հոգեբանական ազդեցություն է ունենում վրան։

Սպանություններըև ձերբակալություն[խմբագրել]

1974 թ.-ի հուլիսի 29-ին Բերկովիցը Charter Arms Bulldog .44 ատրճանակով կրակում է մեքենայում գտնվող երկու պատահական անծանոթ աղջիկների վրա, որոնցից մեկը սպանվում է, մյուսը` վիրավորվում։ 1977 թ.-ի հուլիսի 31-ին նա իրագործում է վեցերորդ և վերջին սպանությունը։ Նույն օրը նրան ձերբակալում են։ Ընդհանուր առմամբ նրա գործողությունների պատճառով մահանում է 6 մարդ և վիրավորվում 7-ը։

Պատիժը[խմբագրել]

Մինչ օրս Բերկովիցը կրում է իր ցմահ պատիժը։ 1979 թ.-ին բանտում նրա վրա հարձակվում է ինչ-որ մեկը, ով զինված է լինում դանակով, բայց Բերկովիցին հաջողվում է նրան վնասազերծել։ Բանտային տարիների ընթացքում նա ընդունում է քրիստոնեություն, որից հրաժարվել էր բանակից զորացրվելուց հետո։

Արտաքին հղումներ[խմբագրել]