Աֆրիկայի սև աստղ
Աֆրիկայի սև աստղ (անգլ.՝ Black star of Africa), հնգաթև աստղ (★), որը խորհրդանշում է ընդհանուր առմամբ Աֆրիկան և մասնավորապես Գանան։ Black Star Line կազմակերպությունը, որը 1919 թվականին հիմնադրել է Մարկուս Գարվին «Վերադարձ Աֆրիկա» շարժման (անգլ.՝ Back-to-Africa movement) շրջանակներում, իր անունը վերցրել է White Star Line-ի անունից՝ փոխելով գույնը սպիտակից սև՝ խորհրդանշելու համար սևամորթներին, ոչ թե սպիտակամորթ մարդկանց։ Սև աստղը դարձել է պանաֆրիկիզմի և հակագաղութատիրության խորհրդանիշ։ Նկարագրվելով որպես «աֆրիկյան ազատության առաջնորդող աստղ»՝ սև աստղը օգտագործվել է 1957 թվականին Թեոդոսիա Օկոյի կողմից Գանայի դրոշի ձևավորման մեջ[1]։
Գանա[խմբագրել | խմբագրել կոդը]
Գանացիները սև աստղը համարում են Գանայի, այլ ոչ թե ընդհանրապես Աֆրիկայի հատուկ խորհրդանիշ[2]։ Դրոշից բացի աստղը պատկերված է նաև երկրի զինանշանի վրա, մայրաքաղաք Աքրայի Սև աստղի հրապարակում գտնվող Սև աստղի դարպասի վրա[3]. և պետական նստավայրում՝ Պառլամենտում, որտեղ նախագահը մասնակցում է հանդիսավոր միջոցառումներին[4]։ Գանայի ֆուտբոլի հավաքականին անվանում են «Սև աստղեր»[5]։
-
Սև աստղի դարպաս, Աքրա
-
Գանայի Քաղաքացիական ավիացիայի ենթասպա
-
Գանայի դրոշը (1964–66)
Այլ[խմբագրել | խմբագրել կոդը]
Սև աստղը պատկերված է եղել նաև Գվինեայի և Կաբո Վերդեի անկախության աֆրիկյան կուսակցության (ԳԿԱԱԿ) դրոշի վրա, որի վրա հիմնված էին Գվինեա-Բիսաուի դրոշը և Կաբո Վերդեի նախկին դրոշը։ Սան Տոմե և Պրինսիպիի դրոշն օգտագործում է նույն Համաաֆրիկյան գույները երկու սև աստղերով՝ մեկական Սան Տոմեի և Պրինսիպիի համար[6]։ Աֆրիկյան պետությունների միության դրոշի վրա պատկերված էր երեք սև աստղ՝ մեկական յուրաքանչյուր անդամ պետության համար։ Black Star Industries-ը, որը կոչվում է Black Star Line-ի անունով, առևտրային ձեռնարկություն է, որը կապված է Աֆրիկյան ժողովրդական սոցիալիստական կուսակցության (անգլ.՝ African People's Socialist Party)[7]։
-
ԳԿԱԱԿ-ի դրեշը
-
Գվինեա-Բիսաուի զինված ուժերի զինանշանը
-
Կաբո-Վերդեի դրոշը (1975–92)
-
Աֆրիկյան պետությունների միության դրոշ (1961–62)
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ Lentz, 2008, էջ 11
- ↑ Lentz, 2008, «Այնուամենայնիվ, ժամանակակից գանացիների մեծ մասը հակված է սև աստղը մեկնաբանել որպես Գանայի եզակի խորհրդանիշ, այլ ոչ թե որպես խորհրդանիշ, որը փոխառված է ավելի հին համաաֆրիկյան շարժումից»։, էջ 12
- ↑ Lentz, 2008, էջ 11
- ↑ Lentz, 2008
- ↑ Nimako, Kwame (2014 թ․ նոյեմբերի 6). «Location and Social Thought in the Black : A Testimony to African Intellectual Tradition.». In Broeck, Sabine; Junker, Carsten (eds.). Postcoloniality - Decoloniality - Black Critique: Joints and Fissures. Campus Verlag. էջեր 53–62: 58. ISBN 9783593501925. Վերցված է 2015 թ․ նոյեմբերի 23-ին.
- ↑ Flag Institute (2008 թ․ նոյեմբերի 3). Complete Flags of the World. Dorling Kindersley Ltd. էջ 91. ISBN 9781405338615.
- ↑ «Black Star Industries». African People's Socialist Party. Վերցված է 2015 թ․ նոյեմբերի 23-ին.
Աղբյուրներ[խմբագրել | խմբագրել կոդը]
- Crampton, William George (1993). «Marcus Garvey and the Rasta colours». Report of the 13th International Congress of Vexillology, Melbourne, 1989. Flag Society of Australia. էջեր 169–180. ISBN 0-646-14343-3.
- «Country Comparison:Flag description». CIA World Factbook. Central Intelligence Agency. Արխիվացված է օրիգինալից 2017 թ․ հուլիսի 1-ին. Վերցված է 2015 թ․ նոյեմբերի 21-ին.
- Lentz, Carola (2008). «Travelling emblems of power: the Ghanaian 'Seat of State'» (PDF). Department of Anthropology and African Studies Working Papers (անգլերեն) (94). University of Mainz. Արխիվացված է օրիգինալից (PDF) 2015 թ․ նոյեմբերի 24-ին. Վերցված է 2015 թ․ նոյեմբերի 23-ին.
{{cite journal}}
: Cite journal requires|journal=
(օգնություն)