Արմեն Ավետիսյան (քաղաքական գործիչ)

Արմեն Ավետիսյան;
Ծնվել է	հունվարի 15, 1963 (61 տարեկան)
Ծննդավայր	Ստեփանավան, Հայկական ԽՍՀ, ԽՍՀՄ
Քաղաքացիություն	Հայաստան
Մասնագիտություն	հասարակական գործիչ և ազատամարտիկ

Անվան այլ կիրառումների համար տե՛ս՝ Արմեն Ավետիսյան (այլ կիրառումներ)

Վիքիպեդիայում կան հոդվածներ Ավետիսյան ազգանունով այլ մարդկանց մասին։

Արմեն Վանիկի Ավետիսյան (հունվարի 15, 1963(1963-01-15), Ստեփանավան, Հայկական ԽՍՀ, ԽՍՀՄ), քաղաքական և հասարակական գործիչ, ազատամարտիկ, Հայ-արիական միաբանության առաջնորդ։ Զբաղվում է արիադավան-հեթանոսական հավատի ծավալմամբ։

Կենսագրություն[խմբագրել | խմբագրել կոդը]

Ծնվել է 1963 թվականի հունվարի 15-ին Ստեփանավան քաղաքում, Հայկական ԽՍՀ։ 1966-1970 թվականներին ընտանիքը բնակվում էր Ալավերդիում, իսկ 1970 թվականից Աբովյան քաղաքում^[1]։

1970-1980, ավարտել է Աբովյան քաղաքի թիվ 2 միջնակարգ դպրոցը։
1988-1991, ավարտել է Աբովյանի Էլեկտրոնային սարքերի տեխնիկումի ռոբոտատեխնիկայի բաժինը՝ տեխնիկ-տեխնոլոգի մասնագիտությամբ։
1993-1997, ավարտել է Երևանի «Վարդանանց» համալսարանի իրավաբանական բաժինը (հեռակա) և պետական որակավորման հանձնաժողովի կողմից ստացել է իրավաբանի որակավորում։
1993-1998, ավարտել է Աբովյանի «Գրիգոր Նարեկացի» համալսարանը՝ իրավագետի մասնագիտությամբ։
2007, շնորհվել է Սփյուռքում գործող «Տիեզերաիմաստասիրական Տիեզերահամալսարան»-ի թղթակից անդամի վկայագիր (դիպլոմ)։
1981-1983, ծառայել է ԽՍՀՄ բանակում մոտոհրաձգային գումարտակում, որպես հրաձիգ։
1980-1993, մամլող և կարգավորող բանվոր է աշխատել Աբովյան քաղաքի գործարաններում, որից հետո նշանակվել է մի շարք դուստր գործարանների ռազմականացված միացյալ պահակային ծառայության պետ։
1989-1994, որպես կամավորական մասնակցել է Հայաստանի սահմանների պաշտպանությանը և Արցախյան ազատամարտին։ 1990 թվականին նշանակվել է 1000 կամավորականից բաղկացած «Կոտայք» գնդի գլխավոր հրամանատար, հարյուրապետ։ Մասնակցել է մի շարք ռազմական գործողությունների (Նախիջևանի սահմանին, Արցախում)։ «Կոտայք» գնդի կազմում մասնակցել է Երասխավանի, Խնձորուտի, Բարձրունիի, Կոռնիձորի, Այգեձորի, Ոսկեվանի, Բարեկամավանի, Կոթիի, Կիրանցի, Ոսկեպարի և Բաղանիսի ինքնապաշտպանական մարտերին, ինչպես նաև Արցախի մի շարք գյուղերի մարտերում։
1993, հիմնադրել է Հայ Արիական Միաբանությունը, որի առաջնորդն ու գաղափարախոսն է առ այսօր։
1993-1996, աշխատել է Աբովյանի ժողովրդական պատգամավորների քաղաքային խորհրդի գործադիր կոմիտեի կազմակերպչական բաժնում, ինչպես նաև քաղխորհրդի գործկոմին առընթեր մի շարք հանձնաժողովներում։
1996-1999, ընտրվել և աշխատել է որպես Աբովյանի համայնքի ավագանու անդամ։
2000, աշխատել է Աբովյանի Մանկապատանեկան ստեղծագործության կենտրոնի տնօրեն, որտեղից տեղափոխման կարգով նշանակվել է Աբովյանի քաղաքապետի խորհրդական։
2003, «Հայ Արիական Բռունց» ազգայնական դաշինքով մասնակցել է ՀՀ ԱԺ ընտրություններին
1995-2005, ղեկավարել է Աբովյանում հիմնված և գործող Հայ-Արիական կենտրոնը։
2007, պարգևատրվել է Արցախի «Մայրական երախտագիտություն», ՀՀ ռազմահայրենասիրական տարբեր կազմակերպությունների՝ «Հայոց Արծիվ», «Փառապանծ մարտիկ», «Ազատամարտիկ», «Ազատագրում», «ՀԱԲ-Ռազմիկ Վասիլյան» և այլ մեդալներով ու պատվոգրերով։
2008 մայիսի 28, ստացել է ՀՀ ԶՈւ գերատեսչական բարձրագույն պարգևը՝ «Զորավար Անդրանիկ» մեդալը, իսկ 2010 թվականին պատվոգիր ՀՀ պաշտպանության նախարարի կողմից։
2010 հունվարի 20, պարգևատրվել է Հայաստանի պաշտպանության նախարարության պատվոգրով՝ ՀՀ բանակի կազմավորման 18-րդ տարեդարձի առթիվ՝ Հայոց բանակ ստեղծելու գաղափարի ձևավորմանը և բանակաշինությանը նպաստելու համար։
2011 դեկտեմբերի 24, ՀՀ ՊՆ Սեյրան Օհանյանի հրամանով պարգևատրվել է «ՀՀ Զինված ուժերի 20 տարի» հոբելյանական մեդալով։
2012 հունվարի 27, պարգևատրվել է Արցախի ԶՈւ պատվոգրով՝ երիտասարդության շրջանում զինվորական ծառայության նկատմամբ դրական վերաբերմունք ձևավորելու համար և ի նշանավորումն ՀՀ զինված ուժերի 20-ամյակի։

2005 թվականի հունվարի 24-ից մինչև մարտի 18-ը կալանավորվել է «ազգամիջյան թշնամանք հրահրելու» մեղադրանքով (3 տարով) և մինչև 2007 թվականի մարտը (2 տարի) դատապարտվել է դատարանի կողմից՝ պայմանականորեն^[1]։

Ըստ Արմեն Ավետիսյանի, 2009 մայիսի 4-ին իր նկատմամբ կատարվել է մահափորձ վրաերթի տեսքով^[1]։

Ընտանիք[խմբագրել | խմբագրել կոդը]

Հայրը՝ Վանիկ Մինասի Ավետիսյան (արմատներով Կարսից է), մայրը՝ Ամալյա Ավետիսյան-Հարությունյան։ Առաջին ամուսնությունից ունի երեք դուստր՝ Անի, Արաքս և Արփի։ Երկրորդ ամուսնությունից ունի ևս մեկ դուստր՝ Աստղիկ, եւ որդի՝ Արեգ։ Երկրորդ կինը՝ Արմենուհի Մելքոնյանը, «Լուսանցք» շաբաթաթերթի գլխավոր խմբագիրն է և Արմեն Ավետիսյանի մամլո խոսնակը^[1]։

Աշխատություններ[խմբագրել | խմբագրել կոդը]

Գրքույկներ[խմբագրել | խմբագրել կոդը]

«Հայ Արիական-Ցեղապաշտական Դաշինք»
«Հայոց Ազգային Բանակ - Հայ Արիական Բռունցք»
«Բարի վերադարձ Հայ Աստվածներին (բանաստեղծությունների ժողովածու)»
«Հայ ազգայնականի մտքեր»

Գրքեր[խմբագրել | խմբագրել կոդը]

«Լեզուն` Ազգի հարատևման գրավական» (համահեղինակ)
«Հրեական սիոնիզմը և ամերիկյան իմպերիալիզմը Հայաստանի ու հայության դեմ» (համահեղինակ)
«Հայ Արիական Միաբանություն»
«Հայ-Արիականություն. Հեթանոսություն-Քրիստոնեություն. հաշտեցման եզրեր»

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 Արմեն Ավետիսյանը Հայ արիական միաբանության պաշտոնական կայքում

- http://www.hayary.org/wph/– Հայ Արիական Միաբանության պաշտոնական կայք

https://www.facebook.com/pg/%D5%80%D5%A1%D5%B5-%D4%B1%D6%80%D5%AB%D5%A1%D5%AF%D5%A1%D5%B6-%D5%84%D5%AB%D5%A1%D5%A2%D5%A1%D5%B6%D5%B8%D6%82%D5%A9%D5%B5%D5%A1%D5%B6-%D5%A1%D5%BC%D5%A1%D5%BB%D5%B6%D5%B8%D6%80%D5%A4-%D4%B1%D6%80%D5%B4%D5%A5%D5%B6-%D4%B1%D5%BE%D5%A5%D5%BF%D5%AB%D5%BD%D5%B5%D5%A1%D5%B6-135442695410/community/?ref=page_internal –Հայ Արիական Միաբանության առաջնորդ Արմեն Ավետիսյան

- https://www.facebook.com/armenuhi.melqonyan?ref=tn_tnmn – Արմենուհի Մելքոնյան, ՀԱՄ առաջնորդի մամուլի խոսնակ, ՀԱՄ պաշտոնական կայքի–www.hayary.org գլխավոր խմբագիր

* http://www.hayary.org/wph/?p=2223 - Արմենուհի Արտավազդի Մելքոնյան

- https://www.facebook.com/profile.php?id=100029169784366 – Արմեն Ավետիսյան, Հայ Արիական Միաբանության առաջնորդ

* http://www.hayary.org/wph/?p=33 – Արմեն Վանի Ավետիսյան, Հայ Արիական Միաբանության առաջնորդ

https://www.youtube.com/user/MrHayaryan - Hayary TV - ՀԱՄ պաշտոնական ալիք… / http://www.hayary.org/wph/?p=5262 - Տեսանյութեր համացանցից… http://www.hayary.org/wph/?p=2683 - Հայոց պատմություն եւ գաղափարներ… http://www.hayary.org/wph/?p=2681 - Հայոց հայ-արիական հավատ… http://www.hayary.org/wph/?p=2682 - Հայոց (Հայ-Արիական) տոներ եւ ծեսեր…

http://www.hayary.org/wph/?page_id=2726 – Պատկերասրահ… http://www.hayary.org/wph/?p=5254 - Նկարներ համացանցից…

http://www.hayary.org/wph/?cat=3 – Տպագիր մամուլ - «Հայ-Արիներ» / «Հայեր» / «Հայ-Արիա» / «Լուսանցք» /

«Լուսանցք»-ի Word հոդվածային տարբերակները www.hayary.org -ի գլխավոր էջում եւ հոդվածների բաժնում:

«Լուսանցք»-ի թողարկումները PDF ձեւաչափով կարող եք կարդալ http://www.hayary.org/wph/ կայքի «Մամուլ» բաժնում - http://www.hayary.org/wph/?cat=21 , / http://pressinfo.am/ պորտալում՝ հայկական եւ արտասահմանյան տպագիր մամուլի առցանց գրադարանում եւ pressa.ru -ում - http://pressa.ru/ru/catalog/newspapers/categories/gazetyi/blizhnego-zarubezhya/

[հայարի-1] 1,0 ^1,1 ^1,2 ^1,3 Արմեն Ավետիսյանը Հայ արիական միաբանության պաշտոնական կայքում

[1]