Արթուն Հատիտյան
Արթուն Հատիտյան | |
---|---|
Քաղաքացիություն | Հայաստան |
Մասնագիտություն | լրագրող և խմբագիր |
Արթուն Հատիտյան (), հայ լրագրող, խմբագիր։
Կենսագրություն[խմբագրել | խմբագրել կոդը]
Արթուն Հատիտյանը ծնվել է Այնթապում (Կիլիկիա)։ Նախնական կրթությունը ստացել է Հալեպի Կրթասիրաց վարժարանում։ 1929-1935 թվականներին ուսում է ստացել Երուսաղեմի հայոց վանքի ժառանգավորաց վարժարանում։ Ուսումն ավարտելուց հետո՝ 1935-1946 թվականների աշխատել է որպես ուսուցիչ և տեսուչ է աշխատել է Երուսաղեմի և Յաֆայի (Պաղեստին) հայկական դպրոցներում։ Միաժամանակ՝ 1938-1941 թվականներին Արթուն Հատիտյանը եղել է Երուսաղեմի Դուրյան մատենադարանի տեսուչ և «Սիոն» ամսագրի խմբագրության անդամ։
1946-1947 թվականներին Իսրայելի Հայֆա քաղաքում խմբագրել է «Միություն» շաբաթաթերթը։
1947 թվականին ներգաղթել է Հայաստան և աշխատանքի անցել Ալ. Մյասնիկյանի անվան պետական հանրապետական գրադարանում[1]։
1950-1954 թվականներին հեռակա սովորել է Երևանի Հայկական մանկավարժական ինստիտուտում։ Որպես խմբագրի տեղակալ 1950-1956 թվականներին աշխատել է «Էջմիածին» ամսագրի խմբագրությունում[2]։ 1956 թվականին նշնակվել է նույն ամսագրի գլխավոր խմբագիր, որտեղ տպագրել է պատմա-բանասիրական հոդվածներ։
Կազմել ու խմբագրել է Էջմիածինի Մայր աթոռի հրատարակությունները[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 Ստեփանյան Գառնիկ։ Կենսագրական բառարան. հայ մշակույթի գործիչներ, երեք հատորով։ հատոր Բ, Ժ-Մ։ Երևան։ Սովետական գրող։ 1981, էջ 165
- ↑ «Հայագիտական հանդես, էջ 146» (PDF).