Արարատ, քաղաք Ավստրալիական ՄիությանՎիկտորիա նահանգում, Մելբուռն քաղաքից 200 կմ դեպի հյուսիս-արևմուտք, Հոպիկինս գետի ափին։ Ավստրալիայի Արարատ քաղաքը հաղորդակցության կարևոր հանգույց է, հացահատիկի և բրդի առևտրի կենտրոն։ Ունի տեքստիլ և սննդի արդյունաբերության ձեռնարկություններ։
Քաղաքը հիմնադրել են անգլիացիները 1840 թվականին, իսկ անունը ստացել է իրենից 8 կմ դեպի հարավ-արևելք գտնվող Արարատ լեռից։ Ավստրալիայում է գտնվում նաև Արարատ լեռը, որը հանգած հրաբուխ է, ունի 660 մ բարձրություն, ծածկված է լավաներով և տուֆերով, ունի ոսկու հանքեր։
Լեռան Արարատ անունը տվել է անգլիացի ֆերմեր Ուիլզը՝ իր այստեղ բնակություն հաստատելը նմանեցնելով առասպելական Նոյի տապանի Արարատի կանգ առնելուն։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 693)։
Անվան այլ կիրառումների համար տե՛ս՝ Արարատ (այլ կիրառումներ)
Ավստրալիա
