Առաքել Պատրիկ

Առաքել Պատրիկ
Ծնվել է	նոյեմբերի 28, 1894(1894-11-28)
Ծննդավայր	Սեբաստիա
Մահացել է	1984
Մասնագիտություն	նկարիչ

Առաքել Նշանի Պատրիկ (Պատրիարքյան, նոյեմբերի 28, 1894(1894-11-28), Սեբաստիա - 1984), հայ ազգագրագետ, նկարիչ։

Կենսագրություն

Առաքել Պատրիկը ծնվել է 1894 թվականի նոյեմբերի 28-ին Սեբաստիայում։ Սեբաստիայի դպրոցում աշակերտել է Դանիել Վարուժանին։ Եվդոկիայում շրջակա 5 գյուղերի համար հիմնադրել է կենտրոնական դպրոց (1912-1913)։ 1920 թվականին Միլանում հետևել է Լեոնարդո դա Վինչիի անվան գեղարվեստական, 1924 թվականին Փարիզում՝ Գրանդ-Շոմիեր ակադեմիաների դասընթացներին։ 1947 թվականին հայրենադարձել է։ Աշխատել է ՀՊՊԹ-ում՝ որպես նկարիչ։

Մահացել է 1984 թվականի նոյեմբերի 17-ին Երևանում։

Աշխատություններ

Լույս են տեսել Առաքել Պատրիկի «Հայկական տարազ» (1967, 2-րդ հրտ.՝ 1983), «Պատմագիրք-յուշամատեան Սեբաստիոյ եւ գաւառի հայութեան» (հ. 1, 2, 1974, 1983), «Ուրհայի ասեղնագործությունը» (կազմումը և տեքստը՝ Պատրիկի, 1985) աշխատությունները, «Դանիել Վարուժանն իմ հուշերում» (1965, 1968) հուշագրությունը, «Սայաթ-Նովա» պիեսը (1942, գրական մրցանակ, Կահիրե), «Արծուիկը» (1968, ԹՄՄ մրցանակ, Բեյրութ) հուշավեպը, «Կոմիտասյան դրաման» (1986) փաստագրական վիպակը։ Կազմել է 19-20-րդ դարերի հայկական տարազի գունավոր քարտեզը (1964, ՀՊՊԹ)։ Հեղինակ է նաև «Հայկական խաչքարերի արվեստը» ուսումնասիրության (անտիպ)։

Արտաքին հղումներ

• Առաքել Պատրիկի «Ուզունլարի գյուղսովետի շենքը» նկարը ՀՊՊԹ կայքում
• Առաքել Պատրիկի «Սևանգեսի էլեկտրոսարքավորումը» նկարը ՀՊՊԹ կայքում

Այս հոդվածի կամ նրա բաժնի որոշակի հատված վերցված է «Հայ գրատպություն և գրքարվեստ» հանրագիտարանից, որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։