Աշոտ Հակոբջանյան
- Վիքիպեդիայում կան հոդվածներ Հակոբջանյան ազգանունով այլ մարդկանց մասին։
| Աշոտ Հակոբջանյան | |
|---|---|
| 1974 - | |
| Ծննդավայր | Ստեփանակերտ, Ադրբեջանական ԽՍՀ, ԽՍՀՄ |
| Քաղաքացիություն |  Հայաստան |
Աշոտ Մելսիկի Հակոբջանյան, (1974, Ստեփանակերտ, Ադրբեջանական ԽՍՀ, ԽՍՀՄ), գեներալ-մայոր, ԱՀ Ազգային անվտանգության ծառայության տնօրեն[1]։
Կենսագրություն[խմբագրել | խմբագրել կոդը]
Կրթություն[խմբագրել | խմբագրել կոդը]
- 1991 թվականին ավարտել է Գրիբոյեդովի անվան 3-րդ միջնակարգ դպրոցը։
- 1996 թվականին ավարտել է Արցախի պետական համալսարանի «Ագրարաարդյունաբերական կոմպլեքսի ճյուղերի կառավարում և էկոնոմիկա» բաժինը։
- 1997 թվականին ավարտել է ՀՀ ներքին գործերի և ազգային անվտանգության նախարարության բարձրագույն դասընթացները։
- 2001 թվականին ավարտել է Մոսկվայի ժամանակակից ինստիտուտի Ստեփանակերտի մասնաճյուղի իրավաբանական բաժինը՝ իրավագիտություն մասնագիտությամբ։
Աշխատանքային գործունեություն[խմբագրել | խմբագրել կոդը]
- 1995-1999 թվականի օգոստոսի 4-ը ծառայել է ԼՂՀ ԱԱԾ-ում։
- 1999 թվականի դեկտեմբերի 1-ից ծառայության է անցել ԼՂՀ ՆԳՆ-ում, սկզբից որպես ՔՀՎ-ն ՔՀԲ օպերլիազոր, այնուհետև ավագ օպերլիազոր, քրեական հետախուզության բաժանմունքի պետ, ոստիկանության Ստեփանակերտ քաղաքի վարչության քրեական հետախուզության բաժնի պետ։
- 2013 թվականի հուլիսի 9-ին նշանակվել է ոստիկանության Ստեփանակերտի քաղաքային վարչության պետ։
- 2014 թվականի սեպտեմբերի 10-ին ԱՀ նախագահի հրամանագրով ստացել է ոստիկանության գնդապետի կոչում։
- 2018 թվականի հուլիսի 12-ին երկարամյա ծառայության կենսաթոշակի անցնելու կապակցությամբ ազատվել է ԱՀ ոստիկանությունում ծառայությունից։
- 2018 թվականի նոյեմբերի 10-ին ԱՀ Նախագահի հրամանագրով նշանակվել է ԱՀ ոստիկանության պետի տեղակալ։
- 2020 թվականի ԱՀ Նախագահի մայիսի 26-ի հրամանագրով շնորհվել է ոստիկանության գեներալ-մայորի կոչում։
- 2020 թվականի մայիսի 26-ի Արցախի Հանրապետության Նախագահի հրամանագրով նշանակվել է ԱՀ ոստիկանապետ։
- 2021 թվականի փետրվարի 22-ին նշանակվել է ԱՀ ԱԱԾ տնօրեն[2]։
Պարգևներ[խմբագրել | խմբագրել կոդը]
ԼՂՀ Նախագահի հրամանագրերով պարգևատրվել է «Արիության համար» և «Երախտագիտություն» մեդալներով։ Պարգևատրվել է «Հայրենյաց պաշտպան», «Հինգերորդ բրիգադ 20 տարի», «Շուշիի ազատագրման համար», «Համագործակցության ամրապնդման համար», «Իրավակարգի ամրապնդման համար», «ՀՀ ոստիկանության 100-ամյակ» և «Երկարամյա ծառայության համար» 1-ին, 2-րդ, 3-րդ աստիճանի մեդալներով, ինչպես նաև «Ոստիկանությունում գերազանց ծառայության համար» կրծքանշանով և այլ մեդալներով ու կրծքանշաններով։ Հանդիսանում է Արցախի Հանրապետության ոստիկանության և Հայաստանի Հանրապետության ոստիկանության պատվավոր ծառայող։
Արցախյան ազատամարտի, Քառօրյա պատերազմի և Արցախյան երկրորդ պատերազմի մասնակից։
Ընտանիք[խմբագրել | խմբագրել կոդը]
Ամուսնացած է, ունի երեք զավակ, մեկ թոռ։
Ծանոթագրություններ[խմբագրել | խմբագրել կոդը]
- ↑ «ԱՀ ԱԱԾ ՏՆՕՐԵՆ». nssartsakh.am.
- ↑ «Աշոտ Հակոբջանյանը նշանակվել է Արցախի ԱԱԾ տնօրեն». yerkirmedia. 2021 թ․ փետրվարի 22. Արխիվացված է օրիգինալից 2022 թ․ հունվարի 27-ին. Վերցված է 2022 թ․ հունվարի 30-ին.