Անի Ապրահամյան

Անի Ապրահամյան;
Ծնվել է	օգոստոսի 15, 1958 (65 տարեկան)
Ծննդավայր	Լիբանան
Կրթություն	Քլարկի համալսարան (1980) և Քլարկի համալսարան (1986)
Կոչում	Frank M. Freimann Professor of Physics?
Մասնագիտություն	միջուկային ֆիզիկոս, ֆիզիկոս, համալսարանի դասախոս և ակադեմիկոս
Աշխատավայր	Նոտր Դամ համալսարան
Կայք	physics.nd.edu/people/faculty/ani-aprahamian/

Անի Ապրահամյան (օգոստոսի 15, 1958(1958-08-15), Լիբանան), Ամերիյայում ապրող լիբանանհայ միջուկային ֆիզիկոս^[3], Նոթր Դամի համալսարանի ֆիզիկայի դեպարտամենտի պրոֆեսոր^[4], Երևանի Ա․ Ալիխանյանի անվան ազգային գիտական լաբորատորիայի հիմնադրամի տնօրեն^[5], ՀՀ գիտությունների ազգային ակադեմիայի արտասահմանյան անդամ^[6]։

Կենսագրություն[խմբագրել | խմբագրել կոդը]

Անի Ապրահամյանը ծնվել է 1958 թվականի օգոստոսի 15-ին Լիբանանում, Հայոց ցեղասպանությունը վերապրածների ընտանիքում։ Նրա ծնողները ծնվել էին Բեյրութի փախստականների ճամբարներում։ Ընտանիքը տեղափոխվել է ԱՄՆ, երբ նա 11 տարեկան էր և հաստատվել Մասաչուսեթսում։ Ծնողները եղել են դերձակ։

Անին մանկուց հետաքրքրվել է գիտությամբ, բայց սկզբում ցանկանում էր դեսպան դառնալ, սակայն Մասաչուսեթսի նահանգի Վուսթեր քաղաքի ավագ դպրոցի առաջնորդության խորհրդատուն համոզել է նրան զբաղվել գիտությամբ։

1980 թվականին ստացել է Քլարկի համալսարանի բակալավրի, իսկ 1986 թվականին՝ միջուկային քիմիայի դոկտորի կոչումներ^[7]։

Lawrence Livermore ազգային լաբորատորիայի Միջուկային քիմիայի բաժնում կատարել է Հետդոկտորական հետազոտություն։

Հանդիսանում է ԱՄՆ-ի Սաութ-Բենդ քաղաքի Նոթր Դամի համալսարանի ֆիզիկայի դեպարտամենտի պրոֆեսոր։ 27 տարի եղել է այդ համալսարանի միակ կին միջուկային ֆիզիկոս։ 2001-2006 թվականներին եղել է Նոթր Դամի համալսարանի միջուկային գիտության լաբորատորիայի տնօրենը, 2003-2006 թվականներին նույն համալսարանի ֆիզիկայի ֆակուլտետի նախագահը։

Հանդիսանում է նաև մի քանի երկրների գիտական կազմակերպությունների և միությունների անդամ՝ Գիտության առաջընթացի ամերիկյան ասոցիացիա (AAAS), Ամերիկյան քիմիայի միություն (ACS), Ամերիկյան ֆիզիկայի միություն (APS), Sigma Xi, Նյու Յորքի գիտությունների ակադեմիա^[8]։

Համանախագահում է ԱՄՆ-ի ազգային ակադեմիաների էլեկտրոնային իոնային կոլայդերի (Electron Ion Collider) հանձնաժողովը, Մաքուր և կիրառական ֆիզիկայի միջազգային միության (IUPAP) միջուկային գիտության կոմիտեի և նույն միության տարրական մասնիկների աստղաֆիզիկայի աշխատանքային խմբի, Հարավային Դակոտայի Գիտության և տեխնոլոգիաների կազմակերպության (Sanford Underground Laboratory) խորհրդի և միջուկային ֆիզիկայի ոլորտում գործող բազմաթիվ տարբեր գիտական հանձնաժողովների անդամ է։

Միջուկային ֆիզիկայի և իզոտոպների արտադրության ոլորտում ունի մի շարք ամերիկյան և եվրոպական գիտական ծրագրերի կառավարման փորձ։ Տարբեր լաբորատորիայում Ապրահամյանը ղեկավարել է իր 20 ֆիզիկոսների թիմի հետազոտությունը միջուկային ֆիզիկայի և աստղաֆիզիկայի միջև։ Ծառայել է ԱՄՆ-ի և միջուկային գիտության միջազգային կոմիտեներում։

2006-2008 թվականներին եղել է Վաշինգտոնի Գիտության ազգային հիմնադրամի Միջուկային ֆիզիկայի մասնիկների և միջուկային աստղաֆիզիկայի ծրագրերի տնօրեն։

2019 թվականի վերջի դրությամբ տարբեր գիտաժողովներում մոտ 200 ելույթի հեղինակ է։ Ունի մոտ նույնքան գիտական հրապարակումներ։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 https://physics.nd.edu/people/faculty/ani-aprahamian/
↑ https://web.archive.org/web/20200221123938/https://womenlead2016.nd.edu/ani-aprahamian/
↑ WOMEN LEAD, ANI APRAHAMIAN
↑ Dame, Marketing Communications: Web | University of Notre. «Ani Aprahamian». Department of Physics (անգլերեն). Վերցված է 2021 թ․ օգոստոսի 23-ին.
↑ Head of Armenia’s National Science Lab Aprahamian to Speak at MIT։
↑ «ՀՀ գիտությունների ազգային ակադեմիա». www.sci.am. Վերցված է 2021 թ․ օգոստոսի 23-ին.
↑ «Wayback Machine» (PDF). web.archive.org. 2020 թ․ փետրվարի 21. Արխիվացված է օրիգինալից (PDF) 2020 թ․ փետրվարի 21-ին. Վերցված է 2021 թ․ օգոստոսի 23-ին.
↑ «Անի Ապրահամյան. Պետք է «բացվենք» ու գիտությունը գրավիչ դարձնենք». mediamax.am (անգլերեն). Վերցված է 2021 թ․ օգոստոսի 23-ին.

Արտաքին հղումներ[խմբագրել | խմբագրել կոդը]

[_e66979a8e3b01063-1] 1,0 ^1,1 ^1,2 https://physics.nd.edu/people/faculty/ani-aprahamian/

[_ea0ee4a0663ae063-2] ttps://web.archive.org/web/20200221123938/https://womenlead2016.nd.edu/ani-aprahamian/

[3] WOMEN LEAD, ANI APRAHAMIAN

[4] Dame, Marketing Communications: Web | University of Notre. «Ani Aprahamian». Department of Physics (անգլերեն). Վերցված է 2021 թ․ օգոստոսի 23-ին.

[5] Head of Armenia’s National Science Lab Aprahamian to Speak at MIT։

[6] «ՀՀ գիտությունների ազգային ակադեմիա». www.sci.am. Վերցված է 2021 թ․ օգոստոսի 23-ին.

[7] «Wayback Machine» (PDF). web.archive.org. 2020 թ․ փետրվարի 21. Արխիվացված է օրիգինալից (PDF) 2020 թ․ փետրվարի 21-ին. Վերցված է 2021 թ․ օգոստոսի 23-ին.

[8] «Անի Ապրահամյան. Պետք է «բացվենք» ու գիտությունը գրավիչ դարձնենք». mediamax.am (անգլերեն). Վերցված է 2021 թ․ օգոստոսի 23-ին.

[1]

[2]

[3]

[4]

[5]

[6]

[7]

[8]