Ալեքսեյ Սուքոյան
Ալեքսեյ Սուքոյան | |
---|---|
Ծնվել է | ապրիլի 18, 1958 (66 տարեկան) |
Ծննդավայր | Թբիլիսի, Վրացական ԽՍՀ, ԽՍՀՄ |
Քաղաքացիություն | Վրաստան |
Կրթություն | ԵՊՀ իրավաբանական ֆակուլտետ |
Ալեքսեյ Արշալույսի Սուքոյան (ապրիլի 18, 1958, Թբիլիսի, Վրացական ԽՍՀ, ԽՍՀՄ), հայ իրավաբան, Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի դատավոր։
Կրթություն[խմբագրել | խմբագրել կոդը]
- 1977-1982 թթ. սովորել և ավարտել է ԵՊՀ ռուսաց լեզվի և գրականության ֆակուլտետը։
- 1985-1990 թթ. սովորել և ավարտել է ԵՊՀ իրավաբանական ֆակուլտետը։
Աշխատանքային գործունեությունը[խմբագրել | խմբագրել կոդը]
- 1988-1991 թթ. - ՀԽՍՀ Գլխավոր դատախազության իրավախորհրդատու, ապա՝ առաջին բաժնի պետի պաշտոնակատար։
- 1991-1996 թթ. - ՀՀ Բնապահպանության դատախազության դատախազի օգնական, ապա՝ ավագ օգնական։
- 1996-1999 թթ. - Երևան քաղաքի Շենգավիթ համայնքի դատախազի ավագ օգնական։
- 1999-2003 թթ. - Երևան քաղաքի Էրեբունի և Նուբարաշեն համայնքների առաջին ատյանի դատարանի դատավոր։
- 2002-2008 թթ. - ՀՀ Տնտեսական դատարանի անվճարունակության մասին գործեր քննող դատավոր։
- 2008-2009 թթ. - Երևանի քաղաքացիական դատարանի դատավոր։
- 2009 թ. փետրվարի 27-ին ՀՀ Նախագահի հրամանագրով նշանակվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի դատավոր՝ դադարեցնելով Երևանի քաղաքացիական դատարանի դատավորի լիազորությունները[1]։