Ալեքսանդր Մելիք-Փաշայան (բժիշկ)

Անվան այլ կիրառումների համար տե՛ս՝ Ալեքսանդր Մելիք-Փաշայան (այլ կիրառումներ)

Ալեքսանդր Մելիք-Փաշայան
Ծնվել է	հունվարի 1, 1938(1938-01-01) (86 տարեկան)
Ծննդավայր	Լենինական, Հայկական ԽՍՀ, ԽՍՀՄ
Կրթություն	Ս. Մ. Կիրովի անվան ռազմական բժշկական ակադեմիա
Մասնագիտություն	բժիշկ
Պարգևներ

Ալեքսանդր Ալբերտի Մելիք-Փաշայան (հունվարի 1, 1938(1938-01-01), Լենինական, Հայկական ԽՍՀ, ԽՍՀՄ), հայ զինվորական բժիշկ, հոգեբույժ, առողջապահության կազմակերպիչ։ Բժշկական ծառայության գնդապետ։

Կենսագրություն

Ալեքսանդր Մելիք-Փաշայանը ծնվել է 1938 թվականին Լենինականում (այժմ՝ Գյումրի), մաթեմատիկոսների ընտանիքում։ 1945-1955 թվականներին սովորել է Երևանի Ստեփան Լիսիցյանի անվան թիվ 34 դպրոցում, 1955-1961 թվականներին՝ Լենինգրադի ռազմա-բժշկական ակադեմիայում։ 1955-1980 թվականներին որպես զինվորական բժիշկ ծառայել է Խորհրդային Միության զինվորական նավատորմում, 12 տարի եղել է ատոմային սուզանավերի ռազմածովային բժիշկ (Կամչատկա, Խաղաղ օվկիանոս)։ 1980-1991 թվականներին եղել է Երևանի քաղխորհրդի առողջապահության վարչության հրահանգիչ, ՀՀ առողջապահության նախարարության Պլանային-ֆինանսական վարչության գլխավոր տնտեսագետ, այնուհետև՝ վարչության պետ, 1991 թվականից՝ «Նորք» հոգեբուժական առողջության հանրապետական կենտրոնի տնօրեն։ 1991 թվականին վերապատրաստման դասընթացների է մասնակցել Մոսկվայի Վ. Սերբսկու անվան դատական հոգեբուժության գիտահետազոտական ինստիտուտում։

1953-1954 թվականներին եղել է Հայաստանի շախմատի չեմպիոն, ունի վարպետության թեկնածուի կոչում։ 1994 թվականից «Յունեսկոյի» մագիստոս է, բարձրագույն կատեգորիայի առողջապահության կազմակերպիչ։

Ընտանիք

Ամուսնացած է, ունի 6 երեխա։

Անդամակցություն

• «Ազգային Միաբանություն կուսակցության» նախագահության անդամ
• Ազնվականների միության անդամ, 1994

Պարգևներ

• «Աշխատանքի վետերան» մեդալ, 1980
• «Առողջապահության գերազանցիկ» կրծքանշան, 1982
• Զինվորական կառավարական պարգևներ
• ՀՀ ԳԽ նախագահության պատվոգրեր

Աղբյուրներ

• Հարություն Մինասյան, 100 հայ հոգեբույժներ, Գիրք Ա, Երևան, 2002։