Վիքիպեդիա:Շաբաթը մեկ հոդված

Մարտահրավեր

Մասնակիցներ

Կաղապարներ

Արդյունքներ

2021 թվականի հունվարի 15-ին Վիքիպեդիան կդառնա 20 տարեկան։ Եկեք ինքներս մեզ մարտահրավեր սահմանենք։ Վիքիպեդիայի ծնունդը դիմավորել Հայերեն Վիքիպեդիան վերջին մի քանի տարիների ընթացքում հսկայական քանակական աճ է գրանցել, որոշ չափով՝ նաև որակական։

Հայտնի է, որ Վիքիպեդիայում ներդրում կատարելը երկակի օգտակար է․ հարստացնելով Վիքիպեդիան՝ թե՛ սերունդներին ենք փոխանցում մեր պատմությունը, մշակույթը ու յուրաքանչյուրին հասանելի կրթական ռեսուրսներ ենք ստեղծում և՛ թե ինքներս ենք բազմակողմանի զարգանում և մասնագիտանում մեր գործունեության բնագավառներում։ Որպեսզի Վիքիպեդիա խմբագրելն առավելագույնս արդյունավետ լինի Վիքիպեդիայի հարստացման և հատկապես մեր մասնագիտական վերելքի տեսանկյունից, այն պետք է շարունակական բնույթ կրի։

Եկե՛ք միասին ինքնակազմակերպվենք, ինքներս մեզ մարտահրավեր նետենք, մեր ունակություններից վեր թռչենք՝ շաբաթական մեկ որակյալ և լիարժեք հոդված ստեղծենք կամ բարելավենք։ Օրեցօր մեր մասնագիտական, և ոչ միայն, հմտությունները կզարգանան, իսկ Հայերեն Վիքիպեդիան կհամալրվի որակյալ և պահանջված հոդվածներով։

Սիրով,

Վիքիտատիկ։

«Շաբաթը մեկ հոդված» նախագիծն անձնական մարտահրավեր է, որն ընդունող մասնակիցը պարտավորվում է ամեն շաբաթ անընդմեջ շաբաթական առնվազն մեկ ընդարձակ հոդված գրել կամ էապես բարելավել գոնե մեկ թերի հոդված։

Եթե հոդված ես բարելավելու, անպայման հաշվի առ Հայերեն Վիքիպեդիայի ամենադիտված հոդվածները։ Այս հոդվածները ունեն ամենաշատ դիտումները և կարևոր է, որ լինեն լավագույնը։

Եթե դու էլ ես ցանկանում մասնակցել այս հետաքրքիր մարտահրավերին, ապա խնդրում ենք ստորագրել Մասնակիցներ բաժնում և սկսել խմբագրել :)

Մարտահրավերի ընթացքում ստեղծված կամ բարելավված հոդվածների քննարկման էջերում անհրաժեշտ է դնել համապատասխան կաղապարները հետևյալ էջից։

Որպեսզի բոլորն իմանան, որ դու այս նախագծի ակտիվ մասնակիցներից ես, կարող ես քո մասնակցային էջում նշել հետևյալ կաղապարի օգնությամբ։ Հոդվածն ավարտելուց հետո խնդրում ենք այն հրապարակել նախագծի Ֆեյսբուքյան խմբում՝ քո կատարած աշխատանքով մյուսների հետ կիսվելու համար։

Մաղթում ենք բազմաբովանդակ և հաճելի խմբագրումներ :)