Յոհանես Շտարկ

Յոհանես Շտարկ (անգլ.՝ Stark) (1874-1957 թվականներ), գերմանացի ֆիզիկոս։

Հաննովերի (1906 թվականից) և Ախենի (1909 թվականից) բարձրագույն դպրոցների, Գրայֆսվալդի (1917 թվականից) և Վյուրցբուրգի (1920 թվականից) համալսարանների պրոֆեսոր։ 1933—1939 թվականներին՝ Բեռլինի ֆիզիկատեխնիկական ԳՀԻ-ի պրեզիդենտ, 1934—1936 թվականներին՝ Գերմանիայի գիտական ընկերության պրեզիդենտ։ Հայտնագործել է Դոպլերի էֆեկտը կանալային ճառագայթներում և սպեկտրային գծերի ճեղքումը էլեկտրական դաշտերում (Շտարկի երևույթ, նոբելյան մրցանակ, 1919 թվական)։ Հետազոտել է նաև պարպման երևույթը գազերում։ Հայտնաբերել է լույսի շեղումը՝ անհամասեռ էլեկտրական դաշտերով անցնելիս։

Հիտլերյան ռեժիմի տարիներին եղել է ակտիվ նացիստ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։