Ռեո դղյակ
 Château des Réaux | |
|---|---|
 Նկարագրություն | |
| Տեսակ | շատո |
| Վարչական միավոր | Chouzé-sur-Loire?[1] |
| Երկիր | Ֆրանսիա |
| Կառուցված | 15-16-րդ դարեր |
| Կառուցող | Ժան Բրիստոնե |
| Կայք | chateaudesreaux.fr |
 | |
 | |
 Château des Réaux Վիքիպահեստում | |
Ռեո դղյակ կամ Լե Ռեո (Les Réaux)՝ Լուարայի վերածննդի ժամանակաշրջանի դղյակներից մեկն է ։ Գտնվում է Տուրենում, Շուզե սյուր Լուար ավանում, Էնդր և Լուար դեպարտամենտ[2]։
Շուզե սյուր Լուար դղյակը (Chouzé-sur-Loire) կառուցվել է Վերածննդի դարաշրջանի շեմին, Բրիսոննե ընտանիքի կողմից, այդ ընտանիքին էր պատկանում հայտնի կարդինալ դե Սեն Մալոն[3]։ Աշխատանքը սկսել է նրա հայրը` Տուր քաղաքի քաղաքապետը, աշխատանքների մեծ մասը ավարտել է նրա թոռը[4]։
Դղյակի տերերից և բնակիչներից առավել հայտնի է հուշավիպագիր Թալեման դե Ռեոն, Հենրի 4-րդի ժամանակների պալատական կյանքի «Հետաքրքրաշարժ պատմությունների» հեղինակը[5]։ 1653 թվականին նրա խնդրանքով թագավորը դեկրետով փոխարինեց Շուզե անվանումը Լե Ռեոյի[6][7]։
Դղյակի սեփականատերեր
[խմբագրել | խմբագրել կոդը]14-րդ դարում դղյակը պատկանել է Ամորի Պոյին, ավելի ուշ նրա սեփականատերերը եղել են՝ Ժաննա Մոնտեժեշան, կոմսուհի Սանսերը, Անտուան դե Բրեյը, իսկ 1455 թվականին Ժիլ դե Բրին[8]։ Ավերվել է 15-րդ դարում, դղյակը ձեռք է բերվել Ժաննա Բրիստոնեի պապի՝ Տուր քաղաքի առաջին քաղաքապետի կողմից[8] : Դղյակում ապրել է Տիբո դե Լոնգժուն, այնուհետև նրա ժառանգները[9] : 1595 թվականին ամուսնությունից հետո դղյակը դարձավ դե Բերոդերների ընտանիքի սեփականությունը։ Ֆրանսուա դե Լա Բերոդերը դղյակը ստանում է որպես ժառանգություն, 1650 թվականին 115 հազար լիվրով վաճառում է բանաստեղծ, հուշավիպագիր Թալեման դե Ռեոնին, ով բնակություն հաստեց դղյակում։ 1653 թվականի հուլիսի 30-ից դղյակը կրում է բանաստեղծի անունը։
1930 թվականից շատոն ընդգրկված է Ֆրանսիայի պատմական հուշարձանների ցանկում[9][10]։
Ժամանակակից արվեստի պատկերասրահ
[խմբագրել | խմբագրել կոդը]Շատո դե Ռեոն նկարների բաց պատկերասրահ է՝ նվիրված տղամարդու և կանացի ոտքերի թեմային, «Տղամարդկանց և կանանց ոտքերը երրորդ հազարամյակի արվեստում» անվամբ։ Նախագծի գլխավոր նպատակը հանդիսանում է «դրդել նկարիչներին ստեղծագործական որոնումների և խթանել, ցուցահանդեսի թեմայի շնորհիվ»։
Նկարների պատկերասրահը պարունակում է 530 նկարիչների 760 աշխատանք, 40 երկրներից։ Նկարները ընտրվել են 2007 թվականին հայտարարված միջազգային մրցույթի ժամանակ։
Ցուցահանդեսը ստեղծվել է Ռեո դղյակի հիմնադրման 600-րդ ամյակի տոնակատարությանը նախապատրաստվելու ժամանակ։ Ռեո դղյակի ժամանակակից արվեստի պատկերասրահը պարգևատրվել է Մազարինիի ակադեմիայի պատվոգրով «Վաստակի և արվեստին նվիրված լինելու համար»։ Նկարների ցուցահանդեսը բաց է շուրջօրյա անհատական և խմբային այցելությունների համար։
Նկարները ընտրվում են հիմնական թեմայի չորս առաջարկվող տարբերակների համաձայն.
- «Երրորդ հազարամյակի դասական և հմայիչ ոտքեր»
- «Ժամանակակից ոտքերին հումորյին կամ երգիծական հայացք»
- «Տղամարդու ոտքերի էվոլյուցիան մինչ մեր օրերը»
- «Չորս ոտքեր երկու մարդ մեկ ստեղծագործության մեջ»
Ծանոթագրություններ
[խմբագրել | խմբագրել կոդը]- ↑ base Mérimée (ֆր.) — ministère de la Culture, 1978.
- ↑ Mémoires de la Société archéologique de Touraine Société archéologique de Touraine. Série in 80, Volumes 31 à 32, 1883. (P.)
- ↑ «Tallemant au château des Réaux». Արխիվացված է օրիգինալից 2012 թ․ ապրիլի 8-ին. Վերցված է 2017 թ․ փետրվարի 19-ին.
- ↑ L'intermédiaire des chercheurs et curieux Volume 87, 1924. (P.)
- ↑ Les Réaux sur Histoire de France, 1996
- ↑ Châteaux "brique et pierre" en France Par Josiane Sartre (P.)
- ↑ Fils de Mathieu de Longuejoue, et marié à Madeleine Briçonnet, fille de Jean.
- ↑ 8,0 8,1 Le Grand dictionnaire historique Par Louis Moréri, vol. 6, 1759. (P.)
- ↑ 9,0 9,1 Base Mérimée PA00097691 Château des Réaux
- ↑ Mémoires de la Société archéologique de Touraine Société archéologique de Touraine. Série in 80, Volumes 31 à 32, 1883. (P.)
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Ռեո դղյակ» հոդվածին։ |
|
