Ջոսերի բուրգ

Ջոսերի բուրգ, Եգիպտոսի Սաքքարա բնակավայրում կառուցված աշխարհի ամենահին և խոշոր քարե շինություններից մեկը, որ պահպանվել է մինչ այսօր։ Բուրգը կառուցել է Իմհոթեպ ճարտարապետը մոտավորապես մ․ թ․ ա․ 2780 թվականին։ Համարվում է բուրգերից ամենահինը։ Ջոսերի բուրգն իրենից ներկայացնում է մի համալիր, որը զբաղեցնում է 15 հա տարածք։ Բուրգի բարձրությունը 60 մ է։ Շուրջը դասավորված են տաճարային տարբեր կառուցվածքներ, միջանցքներ և այլն։

Ջոսերի բուրգն անցում է հանդիսանում մաստաբայից դեպի բուրգերի ավարտուն տիպը և հուղարկավորության տաճարը։ Համալիրի կառուցվածքներում օգտագործված են եգիպտական օրդերի նախատիպը հանդիսացող կիսասյուներ, որոնց դետալները մշակված են Եգիպտոսի բուսական աշխարհի ներկայացուցիչների՝ լոտոսի, արմավենու և պապիրուսի մոտիվներով։

Բուրգի ձևը

տեսարան դեպի հրապարակ խեբ-սեդ և արևմտյան ժամատուն

Վեցաստիճան բուրգը(չափերը 125 մ,115 մ ,բարձրությունը մոտավոր 62 մ)դարձավ եգիպտական բուրգերից առաջինը:Մինչև այսօր Ջոսերի բուրգը պահպանվել է բավականին լավ վիճակում,չնայած անցած հազարամյակի ընթացքում ծածկվել էր ավազով:Այդ է պատճառը, որ նրա չափերը ներկայումս 121մ x 109մ x 61մ է։ Այս բուրգի կառուցման ոճը և ձևերը քարե կառուցապատման համար հետագայում կրկնօրինակման առարկան դարձան ոչ միայն Եգիպտոսում,այլև Հին աշխարհի այլ շրջաններում։

Տես նաև

• Մաստաբա

Պատկերասրահ

• 
• 
• 
• 
• 
• 
• 
• 
•