Ուժերի զարթոնք։ Վրաստանի դասերը՝ Ուկրաինայի ապագայի համար
Ուժերի զարթոնք։ Վրաստանի դասերը՝ Ուկրաինայի ապագայի համար | |
|---|---|
| Հեղինակ | Միխեիլ Սաակաշվիլի |
| Թեմա | Վրաստանի քաղաքականություն, Ուկրաինայի քաղաքականություն |
| Ստեղծման տարեթիվ | 2016 |
| Էջեր | 360 |
| Հրատարակման տարեթիվ | դեկտեմբերի 23, 2016 |
Ուժերի զարթոնք։ Վրաստանի դասերը՝ Ուկրաինայի ապագայի համար (ռուս.՝ Пробуждение силы. Уроки Грузии – для будущего Украины), 2016 թվականին գրված Վրաստանի 3-րդ նախագահ Միխեիլ Սաակաշվիլիի գիրքը։
Ներածությունից առաջ Սաակաշվիլին գրել է՝ «Նվիրում եմ այս գիրքը Ուկրաինայի ազատության համար զոհված բոլոր ուկրաինացիներին և վրացիներին, Վրաստանի ազատության համար զոհված բոլոր վրացինեիրն և ուկրաինացիներին»։
Գրքի շնորհանդեսը տեղի է ունեցել 2016 թվականի դեկտեմբերի 23-ին Օդեսայում[1]։
Ռուսերենից գիրքը թարգմանվել է ուկրաիներեն[2], վրացերեն[3] և հայերեն[4]։
Գրքի հայաստանյան շնորհանդեսի չեղարկում
[խմբագրել | խմբագրել կոդը]2018 թվականի հունվարի փետրվարի 7-ին՝ Եղիշե Չարենցի տուն-թանգարանում նախատեսված էր իրականացնել գրքի հայաստանյան շնորհանդեսը, սակայն հունվարի 25-ին շնորհանդեսի անոնսը անելուց մեկ օր անց գրքի թարգմանիչ Միքայել Նահապետյանը տեղեկացնում է, «որ կողմերի (մի կողմից թանգարանի տնօրինության և մյուս կողմից՝ մեր) կամքից անկախ հանգամանքներով պայմանավորված հնարավոր չէ Եղիշե Չարենցի տուն-թանգարանում իրականացնել նախապես ծրագրված շնորհանդեսը»[4]։ «Ալիք մեդիային» տրված հարցազրույցում Նահապետյանը ասել է. «Ինձ հայտնել են, որ տեխնիկական պատճառներով է անհնարինությունը, իսկ ոչ պաշտոնական պատճառի մասին ես էլ եմ լսել։ Հաշվի առնելով համանման նախադեպերը՝ չեմ բացառում, որ սա ևս այդ շարքին պատկանող դեպք է»[4]։ Համաձայն ԶԼՄ-ների, Ֆեյսբուքում ծավալված զրույցների համաձայն՝ միջոցառումը չեղարկվել է Հայաստանի մշակույթի նախարարության հրահանգով, քանի որ Սաակաշվիլին ներկայում «ոչ այնքան ցանկալի» քաղաքական գործիչ է[4]։ Երկու անգամ չեղարկվելուց հետո գրքի շնորհանդեսը փետրվարի 7-ին տեղի ունեցավ[5]։
Հունվարի 29-ին Սաակաշվիլին իր ֆեյսբուքյան էջում գրքի շնորհանդեսի չեղարկումը պատճառաբանել է Ռուսաստանի ազդեցությամբ, հավելացնելով, որ «Վրաստանում Ռուսաստանի գործակալները ասեկոսեներ էին տարածում, որ ես էթնիկ հայ եմ, իսկ Հայաստանում պատմում էին, որ ես «հակահայկական» եմ»[6][7]։
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ Саакашвили рассказал о двух тезисах, которые губят Украину Արխիվացված 2016-12-27 Wayback Machine (ռուս.)
- ↑ Саакашвілі М. Пробудження сили / пер. з рос.: В. Бойко. — Харків : Фоліо, 2017. — 368 с. — ISBN 978-966-03-7813-1.
- ↑ ძალის გამოღვიძება“ - მიხეილ სააკაშვილის წიგნის პრეზენტაცია
- ↑ 4,0 4,1 4,2 4,3 Չարենցի տուն-թանգարանը չեղարկել է Սաակաշվիլիի «Ուժերի զարթոնք» գրքի շնորհանդեսը
- ↑ Միխայիլ Սաակաշվիլի «Ուժերի զարթոնք» գրքի հայերեն թարգմանության շնորհանդեսը
- ↑ Միխեիլ Սաակաշվիլին Հայաստանում «Ռուսաստանի գործակալներ» է հայտնաբերել
- ↑ Երևանում խափանեցին «հակահայ» Սաակաշվիլիի գրքի շնորհանդեսը․ այն կկայանա փետրվարի 7-ին