Դիտել Ննջասենյակ Առլում էջի աղբյուրը

{{Անաղբյուր}}
{{Տեղեկաքարտ նկար}}
'''«Ննջասենյակ Առլում»''' ({{Lang-fr|La Chambre à Arles}}; {{Lang-nl|Slaapkamer te Arles}}), աշխարհահռչակ [[Հոլանդիա|հոլանդացի]] նկարիչ [[Վինսենթ վան Գոգ]]ի երեք նույնանուն նկարները։ Նկարաշարը ստեղծվել է [[1888]]–[[1889]] թվականներն ընկած ժամանակահատվածում, [[Ֆրանսիա]]յի Առլ քաղաքում։ Վան Գոգի հայտնի կտավներից է։ Նա պատկերել է Առլում գտնվող իր բնակարանի ննջասենյակը։ Նկարներից բացի, գոյություն ունեն նաև էսքիզների այլ տարբերակներ՝ պահպանված Թեո վան Գոգին և [[Պոլ Գոգեն]]ին գրված նամակներում։

== Պատմություն ==
[[Պատկեր:Vincent van Gogh - Vincent's Bedroom in Arles - Letter Sketch October 1888.jpg|մինի|250px|Նկարի ճեպանկարը Թեոյին ուղղված նամակում]]
[[Վինսենթ վան Գոգ|Վան Գոգի]] ննջասենյակը կազմված էր սովորական սոճե կահույքից և սեփական նկարներից։ Նկարում պատկերված են նկարչի մահճակալը, երկու աթոռ, փոքր սեղան, որին ապակյա շշեր են դրված, պատուհան, պատերին կախված նկարներ, սրբիչներ, հայելի և այլն։ Մահճակալի կողքի պատին կախված են բելգիական բանաստեղծ Էժեն Բոխի և զինվոր Պոլ Էժեն Միլլեյի դիմանկարները։

Նկարի առաջին տարբերակում Վան Գոգի ննջասենյակը պատկերված է վառ ու պայծառ գույներով։ Այս կտավում առանձնահատուկ տեղ են գրավում ոչ միայն հաստ վրձնահարվածներն, այլ նաև տարօրինակ տարածության ազդեցությունը։ Սենյակի ետևի պատը կարծես թեք է կանգնած։ Սակայն դա նկարչի սխալը չէ։ Նման տեսարանը հիմնված է փաստերի վրա։ Այդ պատը, համեմատված մյուս պատերի հետ, իսկապես ուղիղ չի եղել։ Եվս մեկ հետաքրքիր փաստ է երկու բարձերի առկայությունը։ Վան Գոգը միայնակ էր ապրում, բայց պարզ չէ, թե ինչու է մահճակալին մեկի փոխարեն երկու բարձ պատկերել։ Վարկած կա, որ նկարիչը միայնակությունը հուսահատեցնում էր նկարչին և այդ պատճառով է երկու բարձ պատկերել։

Նկարի տարբեր մասերում առարկաներն ուղիղ տեղադրված չեն, որովհետև վան Գոգը լիովին չէր հետևել կառուցման օրենքներին։ Սակայն նա դա արել է հատուկ նպատակով։ Իր եղբորը՝ Թեոյին ուղղված նամակներում նա գրում էր, որ սենյակի տեսքը դիտավորյալ է հարթ պատկերել։ Նկարում բացակայում են ստվերները, որպեսզի այն նման լինի ճապոնական փորագրության։ Սովորական դասավորվածությունն ու բաց գույներն ուղղակի և հարաբերական իմաստով պետք է արտահայտեին հանգստություն և քուն։

== Առաջին տարբերակ ==
[[Վինսենթ վան Գոգ]]ը սկսեց աշխատել «Ննջասենյակ Առլում» նկարի, առաջին տարբերակի վրա՝ [[1888]] թվականի հոկտեմբերին, Առլում բնակվելու ընթացքում։ Նրա մտահղացումների բնութագիրն ու աշխատանքի ընթացքի մասին, էսկիզի հետ ուղարկվել էին վան Գոգի եղբորը՝ Թեոյին, իսկ ավելի ուշ, իր նկարիչ ընկերոջը՝ [[Պոլ Գոգեն]]ին։ Նկարի այս մի տարբերակում, պատի աջ կողմում, պատկերված են վան Գոգի մատնապատկերները. իր ընկերների՝ Էժեն Բոշի և Պոլ-Էժեն Միլլեյի դիմանկարները, նաև «Բեկորներ ու կաղնի» նկարը։

== Երկրորդ տարբերակ ==
[[1889]] թվականի ապրիլին, [[Վինսենթ վան Գոգ|վան Գոգն]] ուղարկել էր նկարի առաջին տարբերակն, իր եղբորը՝ Թեոյին։ Վերջինս շատ էր ափսոսում, որ նկարը փոխադրման ժամանակ վնասվել էր։ Իր նամակում հայտնելով հիացմունքը վան Գոգի վերջին կտավների վերաբերյալ, Թեոն նաև խնդրել էր եղբորը, պատճենել նկարը։ 1889 թվականի սեպտեմբերին, ավարտուն եղավ երկրորդ տարբերակն ու վնասվածքից ուղղված առաջին տարբերակի հետ, ուղարկվեց Թեոյին։ Այս տարբերակում, պատի աջ կողմում, պատկերված են վան Գոգի մատնապատկերները. նկարչի ինքնանկարը և «Բեկորներ ու կաղնի» նկարը։ Երրորդ նկարի պատկերը հաստատված չէ։

== Երրորդ տարբերակ ==
[[1889]] թվականի ամռանը, Վան Գոգը որոշեց պատճեններ անել (նվազեցված կրկնություններ), իր կարծիքով ավելի հաջող աշխատանքներ, իր քրոջ և մոր համար։ «Ննջասենյակ Առլում» նկարն, այն կտավների այս շարքից էր, որն ավարտված էր [[1889]] թվականի սեպտեմբերի վերջին։

== Սեփականատիրության պատմություն ==
* Նկարի առաջին տարբերակը, երբեք չէր լքել նկարչի կալվածքը։ [[1962]] թվականից, նկարը գտնվում է համանուն հիմնադրամի սեփականության տակ, հաստատված նկարչի եղբորորդի՝ Վիլլեմ վան Գոգի կողմից։ Նկարը գտնվում է մշտական ցուցադրության տակ, [[Ամստերդամ]]ի՝ [[Վինսենթ վան Գոգ|վան Գոգի]] թանգարանում։
* Նկարի երկրորդ տարբերակը, [[1926]] թվականից գտնվում է՝ [[Չիկագո]]յի արվեստի համալսարանի սեփականատիրության տակ։
* Երրորդ տարբերակն, ի սկզբանե գտնվելով վան Գոգի քրոջ մոտ, հետագայում վաճառվել էր [[Ճապոնիա|ճապոնական]] իշխան՝ Մատցուկատային։ [[1959]] թվականի [[Ֆրանսիա|ֆրանսա]]-ճապոնական խաղաղ հաշտության կնքումից հետո, նկարը գտնվում է մշտական ցուցադրության տակ, [[Փարիզ]]ի՝ [[Օրսե թանգարան]]ում։

== Նկարի բոլոր տարբերակները ==
<gallery mode="packed">
VanGogh Bedroom Arles1.jpg|Առաջին տարբերակ, [[1888]] թվականի հոկտեմբեր, յուղաներկ կտավի վրա, 72 х 90 սմ, Վինսենթ վան Գոգի թանգարան, [[Ամստերդամ]]
Vincent Willem van Gogh 135.jpg|Երկրորդ տարբերակ, [[1889]] թվականի սեպտեմբեր, յուղաներկ կտավի վրա, 72 х 90 սմ, Չիկագոյի գեղանկարչական համալսարան, [[Չիկագո]]
La Chambre à Arles, by Vincent van Gogh, from C2RMF frame cropped.jpg|Երրորդ տարբերակ, 1889 թվականի սեպտեմբերի վերջ, յուղաներկ կտավի վրա, 57,5 х 74 սմ, [[Օրսե թանգարան]], [[Փարիզ]]
</gallery>

== Արտաքին հղումներ ==
* [http://www.vggallery.com/painting/p_0482.htm Վինսենթ վան Գոգի՝ «Ննջասենյակ Առլում» նկարը <small>(անգլերեն)</small>]
{{Վինսենթ վան Գոգ}}
{{Արտաքին հղումներ}}

{{Օրվա հոդված նախագծի մասնակից}}

[[Կատեգորիա:Վինսենթ վան Գոգի նկարներ]]
[[Կատեգորիա:1888 նկարներ]]
[[Կատեգորիա:Վան Գոգի թանգարանի նկարներ]]