Հոմոնեգատիվիզմ

Հոմոնեգատիվիզմ, Հադսոնի և Ռիքեթսի (Hudson and Ricketts) կողմից 1980 թվականին առաջարկված տերմին է` նկարագրելու համար համասեռականության այս կամ այն ասպեկտների նկատմամբ բացասական վերաբերմունքը։

Տերմինի սահմանման տարբերակներ և իմաստ

Հոմոնեգատիվիզմի սահմանումները տարբեր են տարբեր մասնագետների մոտ։ Այսպես, որոշ մասնագետներ հոմոնեգատիվիզմ են անվանում հոմոսեքսուալության նկատմամբ ցանկացած բացասական վերաբերմունք` անկախ դրա աստիճանից, արտահայտման ձևից, գաղափարական հիմքից և այլն, այսինքն` բառացի են մեկնաբանում տերմինը։ Միևնույն ժամանակ, հոմոնեգատիվիզմին են պատկանում և՛ զգացմունքային, և՛ բարոյական, և՛ մտավոր համասեռականության մերժումը, իսկ «հոմոֆոբիա» տերմինն առաջարկվում է գիտական շրջանառությունից ամբողջությամբ հանել` որպես երևույթի էությունը սխալ արտացոլող երևույթ (քանի որ շատ դեպքերում հոմոսեքսուալության նկատմամբ «հոմոֆոբների» զգացողությունը ոչ թե վախ է, այլ՝ զզվանք, քծնանք, ատելություն, նողկանք, այսինքն` «հոմոֆոբիան» իրականում ֆոբիա չէ)։ Սա է Հադսոն և Ռիքեթս հեղինակների առաջարկած տերմինի մեկնաբանությունը։

Այլ մասնագետներ, մասնավորապես, ռուս բժիշկ-սեքսոլոգ Բեյլկինը, հոմոնեգատիվիզմին դասում է միայն ռացիոնալ, ինտելեկտուալ տհաճություն, որը կարող է ուղեկցվել կամ չուղեկցվել զգացմունքներով։ Այս մասնագետները առաջարկում են հուզական տհաճություն (վախ, հակակրանք, ատելություն, զզվանք), նախկինի պես հոմոֆոբիա անվանել, այսինքն` կիսել տհաճության հուզական և ինտելեկտուալ բաղադրիչները։

Ռեպարատիվ թերապիայի հայտնի կողմնակից Չարլզ Սոկարայդեսը, չհերքելով հոմոնեգատիվիզմի գոյությունը որպես երևույթ, կարծում է, որ հոմոնեգատիզմին կարելի է դասել միայն այն դեպքերը, երբ կրոնական կամ ավանդական բարոյական արժեքների ընդհանուր համատեքստից ընտրողաբար դուրս է գալիս միայն այն, ինչը վերաբերում է հոմոսեքսուալության դատապարտմանը` համեմատական անտեսմամբ կամ այլ պատվիրանների և բարոյական արժեքների պահպանման նկատմամբ քիչ ուշադրությամբ։ Ըստ այս տեսակետի, հոմոսեքսուալության նկատմամբ բացասական վերաբերմունքը, որը հիմնված է կրոնի կամ ավանդական բարոյականության վրա, չպետք է համարվի հոմոնեգատիվիզմ։

Տես նաև

• Հոմոֆոբիա

Գրականություն

• Janice P Richmond, Hugh McKenna. Homophobia: an evolutionary analysis of the concept as applied to nursing. Journal of Advanced Nursing 1998 28:2 362
• Scott W. VanderStoep, Charles W. Green. Religiosity and Homonegativism: A Path-Analytic Study. Basic and Applied Social Psychology 1988, Vol. 9, No. 2, Pages 135—147
• Krane, V. (1997). Homonegativism experienced by lesbian collegiate athletes. Women in Sport and. Physical Activity Journal, 6, 141—164.
• Wells, J. W., & Franken, M. L. (1987). University students' knowledge about and attitudes toward homosexuality. Journal of Humanistic Education and Development, 26(2), 81-9

Արտաքին հղումներ

• Հետերոսեքսիզմ, հոմոնեգատիվիզմ և հոմոֆոբիա