Հայկական մառդեր, մորթատու, միջին բրդատվության ճագարների բնաշխարհիկ ցեղ։ Ստացվել է բարդ, վերարտադրող, տրամախաչման միջոցով։ Ունի կարճացած իրանով ամուր մարմևակազմվածք։ Իրանի միջին երկարությունը 50,5 սմ է, կրծքի փաթը՝ 33,4 սմ, միջին կենդանիզանգվածը՝ 4-5 կգ։ Մեկ ծինում ունենում 18-10 (երբեմն՝ 12-14) ձագ։ Նորածինճագարիկների մազածածկը միագույն է, 4-5 ամսականում ձեռք են բերում բնորոշ դարչնագույն, բաց դարչնագույն (կզաքիսային) և մուգ դարչնագույն (սամուրային) միատարր երանգներով գունավորում։ Աչքի է ընկնում մորթենու և նրանից պատրաստված հագուստների (մուշտակ, կիսամուշտակ, գլխարկ ևն) բարձր որակով, որը պայմանավորված է մազածածկի արտահայտված գոտիականությամբ, մազարմատների ամրությամբ և մազաթափության գրեթե բացակայությամբ խտացվում 12000-2500 սմ/ք լիամազ մորթենի)։ Ցեղն աչքի է ընկնում բնական բարձր դիմադրողականությամբ, վաղահասությամբ, տնտ. արդյունավետ երկարակեցությամբ ձևն։ Ունի մեծ պահանջարկ հանրապետության մենատնտեսների և արտերկրյա շուկայի կողմից։
Այս հոդվածի կամ նրա բաժնի որոշակի հատվածի սկզբնական տարբերակը վերցված էՀայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։
