Դիտել Թումո էջի աղբյուրը

{{Տեղեկաքարտ Ոչ առևտրային կազմակերպություն
| անվանում = Թումո ստեղծարար տեխնոլոգիաների կենտրոն
| պատկերանիշ =
| նկարագրություն = 
| տիպ = 
| հիմնադրված = 2011 թվական
| հիմնադիրներ = Սեմ և Սիլվիա Սիմոնյաններ
| տեղագրություն = {{ARM}}
| հիմնական անձինք = Մարի Լու Փափազյան
| ներկայացուցչություն = 
| գործունեության որլորտ = Ուսուցում դիզայնի ու տեխնոլոգիաների ոլորտում
| հավաքումներ = 
| եկամուտ = 
| նվիրատվություններ = 
| կամավորների թիվ = 
| աշխատակիցների թիվ = 
| անդամների թիվ = 
| դուստր կազմակերպություններ = 
| սեփականատեր = 
| կարգախոս = 
| կայք = [https://tumo.org tumo.org]
}}
[[Պատկեր:TUMO opening.jpg|alt=|մինի|323x323փքս|Թումո կենտրոնի բացումը 2011 թվականին]]
'''Թումո ստեղծարար տեխնոլոգիաների կենտրոն''', 12-18 տարեկան պատանիների համար նախատեսված անվճար կրթական կենտրոն, որը մասնագիտացված է դիզայնի և տեխնոլոգիաների ոլորտում։

Թումո կենտրոնը բացվել է 2011 թվականին [[Երևան]]ում։ Հայաստանում այժմ գործում է 5 Թումո կենտրոն՝ Երևանում,Սևանում,Դիլիջանում,Կողբում, Գյումրիում և Ստեփանակերտում։ Հայաստանից դուրս կա 7 միջազգային կենտրոն [[Փարիզ]]ում, [[Բեյրութ]]ում, [[Մոսկվա]]յում, [[Տիրանա]]յում, [[Բեռլին]]ում, [[Կիև]]ում և [[Լիոն]]ում։ Առաջիկայում ծրագրվում է բացել կենտրոններ [[Մասիս (քաղաք)|Մասիսում]], իսկ արտերկրում՝ [[Կալիֆոռնիա]]յիում, [[Տոկիո]]յում և [[Նուր-Սուլթան]]ում։

2019 թվականին հայտարարվել է Թումոյի նոր մարզային ծրագրի՝ «Թումո տուփ»-ի մասին։ Թումո-տուփը հեշտ տեղաշարժվող, սակայն տեխնիկապես հագեցած մինի-Թումո է։ Այն կարող է տեղադրվել ցանկացած քաղաքում կամ գյուղում և ծառայել որպես Թումոյի ինքնուսուցողական տարածք տեղի պատանիների համար։ Այս պահին ծրագրվում է բացել 2 Թումո-տուփ՝ Տավուշի մարզի [[Բերդ (քաղաք)|Բերդ]] քաղաքում և [[Կապան]]ում<ref>{{Cite web |last=Team |first=TUMO |date=2019 թ․ հուլիսի 3 |title=Այսօր ներկայացվեց Թումո տուփ նախագիծը |url=https://tumo.org/hy/%d5%a9%d5%b8%d6%82%d5%b4%d5%b8-%d5%bf%d5%b8%d6%82%d6%83-%d5%b6%d5%a1%d5%ad%d5%a1%d5%a3%d5%ab%d5%ae/ |accessdate=2019 թ․ սեպտեմբերի 17 |website=TUMO}}</ref>։

2019 թվականին հայտարարվել է ԵՄ Թումո ինժեներական և կիրառական գիտությունների համալիրի հիմնադրման մասին։ Համալիրը տեղակայված է լինելու Թումո Երևանի հարևանությամբ և զբաղեցնելու է 25 հազար ք.մ. տարածք, արժենալու է 25 մլն եվրո և լինելու է հետազոտությունների, կրթության և ստարտափների հանգույց։ Համալիրում են տեղակայված լինելու [[Հայաստանում ֆրանսիական համալսարան]]ի մասնաճյուղը և [[:en:42 (school)|Դպրոց 42]]-ը՝ որը Ֆրանսիայում հիմնադրված հայտնի ծրագրովման դպրոց է նախատեսված երիտասարդ մասնագետների համար<ref name=":1">{{Cite web |last=Team |first=TUMO |date=2019 թ․ մարտի 19 |title=ԵՄ ԹՈՒՄՈ համալիրի մեկնարկը |url=https://tumo.org/hy/%d4%b5%d5%84-%d4%b9%d5%88%d5%92%d5%84%d5%88-%d5%b0%d5%a1%d5%b4%d5%a1%d5%ac%d5%ab%d6%80%d5%ab-%d5%b4%d5%a5%d5%af%d5%b6%d5%a1%d6%80%d5%af%d5%a8/ |accessdate=2019 թ․ սեպտեմբերի 17 |website=TUMO}}{{Չաշխատող արտաքին հղում|bot=InternetArchiveBot }}</ref>։

2017 թվականին հիմնադրվել է Թումոյի ևս մեկ ծրագիր՝ Թումո ստուդիաները ([https://www.tumostudios.com TUMO Studios]): Այն շահույթ չհետապնդող նախագիծ է, որը մասնագիտացված է անալոգային արտադրանք ստեղծելու վրա։ Ստուդիաները նախատեսված է 16-28 տարեկան երիտասարդ մասնագետների համար, որոնք կարող են այստեղ հմտանալ կավագործության, ոսկերչության, նորաձևության, ասեղնագործության, խոհարարության ևշատ այլ ոլորտներում։

Թումոն դարձել է «[[Եվրոպա Նոստրա]]» մրցանակաբաշխություն 2019-ի հաղթող «Կրթության, վերապատրաստման և իրազեկման բարձրացման» անվանակարգում։ Մրցանակը տրվում է պահպանման, հետազոտության, նվիրված ծառայության, կրթության, վերապատրաստման և իրազեկման բարձրացման ոլորտներում նշանակալի ավանդ ունեցող կազմակերպություններին և անհատներին։

2018 թվականի փետրվարի 19-ին [[Հնդկաստան]]ի Հայդերաբադ քաղաքում պաշտոնապես մեկնարկած ՏՏ համաշխարհային համաժողովում ([https://wcit2019.org/ WCIT] {{Webarchive|url=https://web.archive.org/web/20191008090514/https://wcit2019.org/ |date=2019-10-08 }}) Թումոյին հանձնվել է գլխավոր՝ համաժողովի նախագահ Իվոն Չյուի կողմից տրվող մրցանակը «Թվային դարի խորհուրդը իրագործելու» համար<ref name=":0">[https://ittrend.am/2018/02/20/tumo-wcit-2018/ Թումոն ՏՏ համաշխարհային համաժողովում մրցանակի է արժանացել]</ref>։

== Թումո ստեղծարար տեխնոլոգիաների կենտրոն ==
Թումո ստեղծարար տեխնոլոգիաների կենտրոնը հիմնվել է 2011 թվականին։ Առաջին Թումո կենտրոնը բացվել է Երևանում օգոստոսի 14-ին։ Բացման հանդիսավոր արարողությանը համերգով է հանդես եկել [[System of a Down]] խմբի մեներգիչ [[Սերժ Թանկյան]]ը։ Երևանյան կենտրոնը նաև հանդիսանում է որպես ընկերության գլխամասը։ Կենտրոնի նախաձեռնությունը [[Սիմոնյան կրթական հիմնադրամ]]ինն ու դրա ղեկավարներ [[Սեմ Սիմոնյան|Սեմ]] և Սիլվա Սիմոնյաններինն է։ [[Սեմ Սիմոնյան]]ը ամերիկահայ ճարտարագետ և ձեռներեց է, ով 90-ականներին իր ԻՆԵԹ ընկերության հետ լուրջ հաջողություն է գրանցել հեռահաղորդակցման ոլորտում։ Թումոյի գլխավոր տնօրենն է Մարի Լու Փափազյանը, ով մշակել է Թումոյի կրթական ծրագիրը և ղեկավարել է կենտրոնի առաջին շինության նախագծման ու կառուցման աշխատանքները։ Նախքան Թումոն, նա ղեկավարել է Կրթություն հանուն զարգացման հիմնադրամը, որը զբաղվում էր առցանց կրթական ծրագրերի միջոցով Հայաստանի և սփյուռքի ուսանողներին միավորելով։ Նա նաև ղեկավարել է Նյու Յորքի մի քանի հայտնի բարձրահարկ կառույցների շինարարական աշխատանքներ։ Մարի Լուն կրթության մեջ հաշվողական տեխնոլոգիաների ոլորտում մագիստրոսի կոչում է ստացել [[:en:Teachers College, Columbia University|Կոլումբիայի համալսարանի Ուսուցիչների քոլեջից]], ինչպես նաև ունի կոչումներ ճարտարագիտության և շինարարական մենեջմենթի մեջ։ 
==== Թումոյի խորհրդի անդամներն են` ====
* [[Սերժ Թանկյան]] - Երաժիշտ, [[System of a Down]] 
* [[Րաֆֆի Կրիկորյան]] - [[:en:Emerson Collective|Emerson Collective]], [[:en:Uber|Uber]], [[Twitter]]
* [[Մայքլ Արամ]] - Հիմնադիր, [https://www.michaelaram.com/ Michael Aram]
* Ռև Լեբարեդեան - Փոխտնօրեն, [[Nvidia|NVIDIA]]
* [[Քեթրին Սարաֆյան]] - Պրոդյուսեր, [[Փիքսար|Pixar]]
* Բեկոր Փափազյան - Հիմնադիր տնօրեն, Bazillion Beings
* Ռոջեր Կուպելյան - Արտ-տնօրեն, [http://www.fugitivestudios.co.uk/ Fugitive] {{Webarchive|url=https://web.archive.org/web/20190909153439/http://www.fugitivestudios.co.uk/ |date=2019-09-09 }}
* Ալեքս Սերոբյան - Տնօրեն, [[:en:Industrial Toys|Industrial Toys]]

== Կրթական ծրագիր ==
Թումոն արտադպրոցական, նորարարական կրթական ծրագիր է դիզայնի և տեխնոլոգիաների միջակայքում։ Թումոն պատանիների համար ապահովում է ազատ տարածք և անհրաժեշտ սարքավորումներ անցնելու համար կրթական փուլերն ու զարգացնելու տեխնիկական հմտությունները։ Կրթական ծրագրի առանձնահատկությունն այն է, որ ուսանողները կողմնորոշվում են Թումոյի ծրագրավորման թիմի ստեղծած ծրագրով՝ Թումո շավղով, որով պատանիները իրականացնում են ինքնուսուցման վարժանքներն և ընտրում հետաքրքրության ոլորտները։ Ծրագիրը այս ամենը դասավորում է ըստ ուսանողի հետաքրքրությունների և առաջխաղացման տեմպի։ Թումոյի կրթական ծրագիրը բաղկացած է ինքնուսուցողական վարժանքներից, դասընթացներից և աշխատարաններից՝ 14 հիմնական ոլորտներում։ Դրանք են՝

* Անիմացիա 
* Խաղերի ստեղծում 
* Ֆիլմերի ստեղծում 
* Կայքերի մշակում 
* Երաժշտություն 
* Ստեղծագրություն 
* Նկարչություն 
* Գրաֆիկական դիզայն 
* Եռաչափ մոդելավորում 
* Ծրագրավորում 
* Ռոբոտաշինություն 
* Շարժական գրաֆիկա 
* Լուսանկարչություն 
* Նոր մեդիա

==== Ինքնուսուցում ====
Ինտերակտիվ և կարճ ինքնուսուցողական վարժանքները ոգեշնչում են և կառուցում նոր հմտություններ։ Թումոյի մարզիչները քաջալերում են պատանիներին և օգնում առաջ շարժվել իրենց կրթական ծրագրով։ Հարյուրավոր վարժանքների մի մասը նախապայմաններ են, որ ուղղորդում են դեպի մասնակցություն դասընթացների՝ ծրագրի յուրաքանչյուր ոլորտում։

==== Դասընթացներ ====
Թումոյում գործում են դասընթացներ բոլոր 14 կրթական ոլորտներում։ Սկսնակ, միջին և առաջադեմ դասընթացները ավարտվում են անհատական կամ խմբային նախագծերով, որոնցից յուրաքանչյուրը տեղադրվում է մասնակցի պորֆոլիոյի մեջ, իսկ երբեմն ուղարկվում է մրցույթների և փառատոնների կամ հրապարակվում է առցանց հարթակներում։

==== Աշխատարաններ ====
Աշխատարանները կարճատև ծրագրեր են՝ անցկացվող ոլորտի առաջատար մասնագետներ կողմից։ Ամեն տարի 100-ից ավելի մասնագետներ աշխարհի տարբեր ծայրերից գալիս են Թումո կամավոր սկզբունքով աշխատելու թումոցիների հետ իրական նախագծերի վրա։ Աշխատարանը կարող է տևել ինչպես երկու շաբաթ, այնպես էլ մի քանի ամիս։

==== Պորտֆոլիո ====
Թումոյում չկան դիպլոմներ և կրթության սերտիֆիկատներ։ Թումոյի ուսանողի անցած ուղղու ժամանակ գրանցած բոլոր հաջողություններն ու իրականացրած նախագծերը վերածվում են առցանց պորտֆոլիոյի, որը կարող է օգտագործվել համալսարան կամ աշխատանքի ընդունվելիս։ Թումոյի ուսանողների աշխատանքները կարելի է տեսնել այստեղ՝ [https://tumo.org/hy/պորտֆոլիո/ www.tumo.org/hy/պորտֆոլիո/]

== Մասնաճյուղեր ==
[[Պատկեր:TUMO Yerevan.jpg|մինի|Թումո Երևան]]

=== [[Թումո Երևան]] ===
Թումոյի առաջին կենտրոնը բացվել է 2011-ն Երևանում։ Կենտրոնի անվանումը ոգեշնչված է Թումանյանի այգուց, որը կրում է նշանավոր հայ հեղինակ Հովհաննես Թումանյանի անունը։ Երևանի կենտրոնը նախագծվել է ճարտարապետ Բերնար Խուրիի կողմից՝ Թումոյի մակավարժական մոտեցումը հաղորդելով ճկունությամբ, թափանցիկությամբ ու տեխնոլոգիական ստեղծարարությամբ։ Այժմ կենտրոն է հաճախում շուրջ 15000 ակտիվ ուսանող։

=== Թումո Դիլիջան ===
Դիլիջան քաղաքում գտնվող երկրորդ Թումո կենտրոնը բացվել է 2013-ին Թումոյի և [[Հայկական բարեգործական ընդհանուր միություն|ՀԲԸՄ]]-ի համագործակցության շրջանակներում՝ Հայաստանի կենտրոնական բանկի աջակցությամբ։ Թումո Դիլիջանը կրթություն է տրամադրում հարյուրավոր պատանիների, որոնց մի մասը կենտրոն է հաճախում հեռավոր գյուղերից։ Ներկայումս կենտրոնի տարածքը ընդլայնվում է՝ հնարավորություն ունենալու Թումոյի կրթական ծրագրում ընդգրկելու ավելի շատ երիտասարդների շրջակա բնակավայրերից։

=== [[Թումո Գյումրի]] ===
2015 թվականից Թումո Գյումրին գտնվում է ժամանակավոր տարածքում, որտեղ արդեն սովորում է 2000 ուսանող։ Կենտրոնը շուտով կտեղափոխվի Գյումրիի պատմական թատրոնի շենք, որը Թումոն վերականգնում է՝ ուսանողների թիվը հասցնելու 4000-ի։ Գյումրիում կենտրոն հիմնելու գաղափարը նախաձեռնել է «Շանթ» հեռուստաընկերությունը, որի անցկացրած հեռուստամարաթոնի արդյունքում հավաքվեցին կենտրոնը մեկնարկելու համար անհրաժեշտ միջոցների մի մասը։ Թումո Գյումրին երկու կենտրոններից առաջինն է, որը իրական դարձավ Հայկական բարեգործական ընդհանուր միության հետ համագործակցության շնորհիվ։

=== Թումո Ստեփանակերտ ===
Թումո Ստեփանակերտը Թումոյի և [[Հայկական բարեգործական ընդհանուր միություն|ՀԲԸՄ]]-ի համագործակցության երկրորդ կենտրոնն է։ Այն գտնվում է քաղաքի պատմական շինության առաջին հարկում, որը նվիրաբերվել է Թումոյին Արցախի կառավարության կողմից և վերանորոգվել է Ղարաբաղ Տելեկոմի աջակցությամբ։ Ներկայումս կենտրոն է այցելում ավելի քան 1000 ուսանող Ստեփանակերտից և շրջակա բնակավայրերից։ Նախատեսվածից շատ ուսանողների հետաքրքրվածության արդյունքում կենտրոնը շուտով ընդլայնվելու է և տեղակայվելու նույն շենքի նաև երկրորդ հարկում։

=== Թումո Փարիզ ===
Թումոյի առաջին միջազգային կենտրոնը բացվել է Փարիզում 2018 թվականի հոկտեմբերին։ Այն գտնվում է Forum des Images կենտրոնում՝ Փարիզի Les Halles շրջանի գլխավոր հատվածում։ Կենտրոնը անվճար կրթություն է ապահովում 12-ից 18 տարեկան շուրջ 1500 պատանու։

=== Թումո Բեյրութ ===
[[Պատկեր:TUMO Beirut.jpg|alt=|մինի|Թումո Բեյրութ]]
Բեյրութում բացված կենտրոնը երկրորդն էր Հայաստանից դուրս և առաջինն էր Միջին Արևելքում։ Այն տեղակայված է Բեյրութի կենտրոնում` Beirut Digital District-ում։ Ոչ պաշտոնական բացումը տեղի է ունեցել 2018 թվակակին, իսկ շուտով տեղի կունենա կենտրոնի պաշտոնական բացումը և Լիբանանի պատանիները հնարավորություն կստանան ավելի արդյունավետ կերպով շարունակել իրենց ուսումը Թումո Բեյրութի10 կրթական ոլորտներում։

== Թումո տուփ ==
«Թումո-տուփ» նախագծի մեկնարկը հայտարարվել է 2019 թվականին։ Թումո-տուփերը լինելու են Թումոյի արբանյակային կենտրոններ, որոնք տրանսպորտի միջոցով կապվելու են Թումո մեծ կենտրոնների հետ։ Այս համակարգը հնարավորություն է տալիս մինիմալ ֆինանսական միջոցներով ապահովել մարզերի պատանիներին Թումոյի կրթական փորձառությամբ։ Թումո-տուփը հեշտ տեղաշարժվող, սակայն տեխնիկապես հագեցած մինի-Թումո է։ Այն կարող է տեղադրվել ցանկացած քաղաքում կամ գյուղում և ծառայել որպես Թումոյի ինքնուսուցողական տարածք տեղի պատանիների համար։ Անցնելով ինքնուսուցման ընթացքը իրենց տեղական Թումո-տուփում` ուսանողները մասնագիտացված դասընթացների փուլում ուղևորվում են մոտակա մեծ կենտրոն` Թումո հանգույց։

Առաջին Թումո-տուփը Ամունդի-ԱԿԲԱ ընկերության հետ համագործակցությամբ, ինչպես նաև HAYG Foundation հիմնադրամի նվիրատվությամբ մեկնարկում է Բերդ քաղաքում։ Բերդի և մոտակա բնակավայրերի ուսանողները գործնական դասընթացները կանցնեն Թումո Դիլիջանում, որը կվերածվի կրթական հանգույցի։ Թումո-տուփը հնարավորություն կտա տեխնոլոգիաների և դիզայնի ոլորտներում կրթությամբ ապահովել տարեկան շուրջ 250 պատանիների։

Երկրորդ Թումո-տուփը նախատեսվում է բացել Սյունիքի մարզի Կապան քաղաքում։

== ԵՄ Թումո համալիր ==
2019 թվականին մեկնարկած «ԵՄ Թումո ինժեներական և կիրառական գիտությունների համալիր» նախագիծը իրականացվում է Եվրոպական միության և [[Հայաստանում ֆրանսիական համալսարան]]ի հետ համագործակցությամբ և տեղակայված է լինելու Երևանի Թումո կենտրոնի հարևանությամբ։ 25 հազար ք.մ. տարածք գրավող և 25 միլիոն եվրո արժեցող համալիրը լինելու է հետազոտությունների, կրթության և ստարտափների հանգույց։ Նախագիծը կստեղծի բաց հարթակ և ակտիվ համայնք՝ համադրելով կրթությունն ու բիզնեսը, և միավորելով ուսանողների, երիտասարդ մասնագետների և տեղական ընկերությունների իրենց միջազգային գործընկերների հետ։ Համալիրում են տեղակայված լինելու [[Հայաստանում ֆրանսիական համալսարան]]ի մասնաճյուղը և [[:en:42 (school)|Դպրոց 42]]-ը` որը Ֆրանսիայում հիմնադրված հայտնի ծրագրավորման դպրոց է նախատեսված երիտասարդ մասնագետների համար։ Համալիրի ճարտարապետական նախագիծը իրականացնելու է հոլանդական աշխարհահռչակ [[:en:MVRDV|MVRDV]] ընկերությունը։ Վերջնական ճարտարապետական նախագիծը կներկայացվի 2020 թվականի գարնանը<ref name=":1" />։

== Թումո ստուդիաներ ==
«Թումո ստուդիաները» ([https://www.tumostudios.com TUMO Studios]) համալսարանական տարիքի ուսանողների և երիտասարդ մասնագետների համար նախատեսված շահույթ չհետապնդող կրթական ծրագիր է։ Նախագծի շեշտը դրված է անալոգային արտադրանքի ստեղծման վրա։ Յուրաքանչյուր դասընթացի նպատակն է ստեղծել նորարարական և ժամանակակից արտադրանք, որը մրցունակ է աշխարհում և, միաժամանակ, հիմնված է տեղական նյութերի և մշակույթի վրա։

Թումո ստուդիաները առաջարկում է տեխնիկական հմտությունների զարգացման և դիզայնի դասընթացներ 10 ոլորտներում` ոսկերչություն, խեցեգործություն, ասեղնագործություն, տպագրություն, նորաձևություն, աքսեսուարների դիզայն, փայտի փորագրություն, քարի փորագրություն, արտադրադրական դիզայն և խոհարարություն։

Ստուդիաները տեղակայված է [[Առաքել Աֆրիկյանի բնակելի տուն|Պուշկինի 38Ա]] շենքում, որը կառուցվել է 20-րդ դարի սկզբին և ծառայել է որպես Առաքել Աֆրիկյանի առանձնատուն։ Ստուդիաները պահպանել է շենքի ինտերիերը, պատերի նախշերը և կահույքի մի մասը։

== Թումո ճամբար ==
[[Պատկեր:Թումո ճամբար.jpg|մինի|267x267px|Թումո ճամբարի մասնակիցները 2019 թվականին]]
Թումոյի ամառային ճամբարը անցկացվում է 2012 թվականից։ Այն հնարավորություն է տալիս պատանիներին ամբողջ աշխարհից ծանոթանալ Թումոյի կրթական ծրագրին և արագացված տեմպով ստանալ գիտելիքներ և ձեռք բերել հմտություններ մի քանի կրթական ոլորտում։ Բացի այդ պատանիները մասնակցում են խաղերի, հնարավորություն են ստանում շրջել Հայաստանի պատմամշակութային վայրերում և մասնակցել բազմապիսի միջոցառումների։

Թումո ճամբարը կենտրոնի դրամահավաքի միակ միջոցն է։ Ճամբարից ստացված ողջ հասույթը ուղղվում է Հայաստանում կրթության զարգացմանն ու ավելի քան տասը հազար մշտական ուսանողների անվճար ուսուցման կազմակերպմանը Հայաստանում և Արցախում։ Թումո ճամբարի կայքը` [https://camptumo.com www.camptumo.com]

== Մրցանակներ ==
Թումոն դարձել է «[[Եվրոպա Նոստրա]]» մրցանակաբաշխություն 2019-ի հաղթող «Կրթության, վերապատրաստման և իրազեկման բարձրացման» անվանակարգում։ Մրցանակը տրվում է պահպանման, հետազոտության, նվիրված ծառայության, կրթության, վերապատրաստման և իրազեկման բարձրացման ոլորտներում նշանակալի ավանդ ունեցող կազմակերպություններին և անհատներին։

2018 թվականի փետրվարի 19-ին [[Հնդկաստան]]ի Հայդերաբադ քաղաքում պաշտոնապես մեկնարկած ՏՏ համաշխարհային համաժողովում ([https://wcit2019.org/ WCIT] {{Webarchive|url=https://web.archive.org/web/20191008090514/https://wcit2019.org/ |date=2019-10-08 }}) Թումոյին հանձնվել է գլխավոր՝ համաժողովի նախագահ Իվոն Չյուի կողմից տրվող մրցանակը «Թվային դարի խորհուրդը իրագործելու» համար<ref name=":0" />։

Թումոյի գլխավոր տնօրեն Մարի Լու Փափազյանը մայիսի 15-ին Փարիզում արժանանացել է է Ֆրանսիայի Հանրապետության պատվավոր [[:fr:Ordre des Palmes académiques|Palmes Académiques]] ասպետի կոչմանն ու պարգևատրվել է շքանշանով։ Շքանշանը Փափազյանին հանձնել է Փարիզի քաղաքապետ [[Անն Իդալգո]]ն։ Palmes Académiques ասպետի կոչումն ու շքանշանը տրվում է գիտության և կրթության ոլորտներում նշանակալի ավանդի համար։

Թումոյի և Եվրոպական միության համագործակցությամբ ստեղծված «Նետոյի առասպելը» ([https://talesofneto.eu Tales of Neto]) խաղը 2017 թվականին Գերմանիայում արժանացել է [https://www.e-c-c-e.de/en.html N.I.C.E] մրցանակին՝ որպես լավագույն նորարական նախագծի։ Նետոյի առասպելը մոբայլ խաղ է, որի նպատակն է հակակոռուպցիոն կրթությունը։

== Ծանոթագրություններ ==
{{ծանցանկ}}

== Արտաքին հղումներ ==
*[https://tumolabs.am Թումո լաբեր]
*[https://am.tumo.world ԹՈՒՄՈ շավիղ](հասանելի է միայն ԹՈՒՄՈ կենտրոնների սաների համաար)
*[https://tumo.org/hy/%d5%af%d6%80%d5%a9%d5%a1%d5%af%d5%a1%d5%b6-%d5%ae%d6%80%d5%a1%d5%a3%d5%ab%d6%80/ Կրթական ծրագիր]

[[Կատեգորիա:Կրթությունը Հայաստանում]]
[[Կատեգորիա:Ուսումնական կազմակերպություններ]]
[[Կատեգորիա:ՀՀ տեխնոլոգիական կենտրոններ]]
[[Կատեգորիա:2011 հիմնադրումներ Հայաստանում]]